Ka Nupepa Kuokoa, Volume LXII, Number 41, 11 October 1923 — Ua Ili ke Ko'iko'i Maluna o na Wahine [ARTICLE]

Ua Ili ke Ko'iko'i Maluna o na Wahine

Ma ke ano he lunahoomalu no ke kiure kiekie o ke Teritore, v.a hoike ae o Clarence L. Crabbc,' kekahi moho e holo nei i lunakiai, ma ka aoao Repubalika, ma ka halawai a ka Ahahui o na Wahine Koho. Baloka, no ka nui o na liana karaima e pahola nei maloko o keia kulanakauhale, me ka hoopilikia ole ia e ka oihana makai; he mau hana karaima ina no ka owaka o kona waha, a hua'i ae i na mea ana i ike, e lilo ana ia i kumu e palulu ai na wahine i ko lakou mau maka. Ina o keia iho la ka mea oiaio i hoomaopopoia e ke kiure kiekie. a kakou e hoohewahewa ole ai ,i kekahi mau. hoailona, no ka pololei o na olelo i ho6pukaia ae e keia moho e holo nei no kekahi kulana oihana o ka lehulehu, alaila ua ili aku ke ko'iko'i maluna 0 na wahine, ke ala ana mai me na manao lokahi, a hoohana i ko lakou pono koho haloka, ma keia Poaono ae, ma ke koho ku-e ana 1 ke poo o ka oihana makai o Honolulu nei, me ka manaoio, ma ka hoonoho ana ae i mea okoa ma ia oihana, e oili mai ai he mau loli ano nui no ka maluhia maloko nei o keia kulanakauhale ma keia mua aku. O oukou ponoi e na wahine, ame na makuahine o na kaikamahine opiopio, ka i hoopilikiaia aku ma na ano lehulehu, ma o na hana a ka poe kolohe o keia. kulanakauhale; ua hookauia aku ka weli maluna o kekahi poe o oukou, no ka loaa ole o ka lanakila ke hele ma na alanui o ka lehulehu, no ka loaa ole o na hoopakele ana ma kekahi ano, no ko oukou palekana; me kela mana auanei o ka baloka iloko o ko oukou mau lima, e hiki ana ia oukou ke hoohana aku i kela mana, ma ke ano e naka ai na kuli o ka poe kolohe, a e kau ai ka weli i ka poe hakihaki kanawai, ma ke koho ku-e ana i ke poo o ka oihana makai e noho nei i keia manawa; e waele ae ana i ke alahele, no kekahi mea hou e pii ae ai ma ia kulana. I Tt ' ' ■ i E hoomanao ena moho e alualu nei ina kulana oihana ona kalana o kakou, a hoea mai i ka hopena o keia koho baloka wae moho, malaila iho la lu na manao ku-ee o ka hoaloha i ka hoaloha. Ona moho e loaa.ana ia lakou ka waeia, oko lakou waeia ana mamuli ia o ka makemake o ka hapanui o na mana koho, nolaila o ke kalaiaina uaauao ma ka aoao o na moho i haule, o ia no ka haawi ana aku i na kokua ana, i ka poe i waeia no ka lanakila ma keia koho baloka laula ae e hoea mai ana. Mai lilo kakou i poe nuha kohu kamalii, aole ia he kalaiaina kanaka makua, no ka mea oke ano iho la ia o keia hana; a e hoomanao mau, he' paonioni wale no keia o ke ano hoaloha, aole ma ke ano e' lilo ai kekahi i enemi ino no kekahi. Kupaianaha no paha ke kalaiaina, aia a alualu kekahi moho no kekahi kulana oihana kohoia e ka lehulehu, o ka wa iho la ia e ohi'uhi'u ae ai kona mau kina'una'u; ua kapaia' keia ano hana ma ke kalaiaina, he hailuku i ka popo lepo; mai pupuahulu wale nae kakou ma ka manaoio wale ana aku i na hoinoino pilikino a kekahi poe, aka e Hull aku i na mea oiaio, mamua o ka hoolohe ana jaku ia mau olelo, o ke alahele ku ia i ka naauao ame ke kanaka j makua. E hoomanao e na mana koho baloka e hamama ana na wahi koho baloka ma ka hora ewalu o ke kakahiaka o keia Toaono iho, a paa ma ka hora elima oke ahiahi. E hele ae e koho iko oukou mau baloka i ka wa kupono. me ke kakali ole, aole i ikeia aku na ulia o ka manawa, e lilo ai ia hoopneenee wale ana, i kumu e hooneleia mai ai i ka mana koho baloka.