Ka Nupepa Kuokoa, Volume LXII, Number 41, 11 October 1923 — Ahewaia No Ka Manawa Elua No Ka Laipila Lokahi ke Kiure o ka Aha a ka Lunakanawai Andrade no ka Hewa o Bassett HOOPA'I MUA IA OIA MA KA AHA HOOMALU Ma Keia Poakahi ae e Kauia Mai ai ka Hoopa'i Maluna o ka Mea Hoopiiia [ARTICLE]

Ahewaia No Ka Manawa Elua No Ka Laipila

Lokahi ke Kiure o ka Aha a ka Lunakanawai Andrade no ka Hewa o Bassett

HOOPA'I MUA IA OIA MA KA AHA HOOMALU

Ma Keia Poakahi ae e Kauia Mai ai ka Hoopa'i Maluna o ka Mea Hoopiiia

No ka elua o ka manawa, i hoopuka mai ai na kiuro o ka aha a ka Lunakanawai Kaapuni Andrade i ka olelo hooholo, ma ka Poakahi iho nei, no ka pili o W. K. Bassett, kakauolek) mua a ka Mea Wilson, a meakakau hoi o ka nupepa Demokarata Xew Freedom, a he moho e holo nei no ke kulana ma ka aoao Demokarata, i ka hewa laipila, a ma ka hora elua o ka auwina la o keia Poakahi ae, e kauia mai ai ka hoopa'i maluna ona. Ua hookolokolo mua ia ka hihia laipila o W. K. Bassett, maloko o ka aha hoomalu o Honolulu nei, a ahewaia oia no kona pili i ka hewa laipila, o ia kona laipila ana i ka inoa maikai o E. Faxon Bifhop, me kona hoopa'iia ana he umi dala, aka ua hoohalaliala nae oia i kela hoopa'i, a o keia iho la ka hopena 0 ia hoohalahala ana, o ia no ke ahewa hou ana mai la o na lciure iaia. Ma keia hoolohe hou ia ana o ka hihia laipila o Mr. Bassett, ua hooikaika oia imua o ka aha e aein mai kona lawe ana mai i kekahi mau oleloike, no ka eiaio o na mea 1 hoakakaia maloko o ka manao ana i kakau ai ma ka nupepa, eia nae ua hoole mai ka aha, ma o ke kakoo ana, i na kumu ku-e ma ka aoao o ka loio aupuui. Hc mau hoike no nae ka i kukuluia ae e Mr. Basset.t, o na ninau ana i waiho aku ai imua o na hoike. ua pau wale no i kd leu-eia e ka loio aupuni, nolaila ua hiki ole i kn mea i hoopiiia ke hoomau aku ma ka niele ana i na mea ana 5 manao ai, pela iho la e pono ai kona aoao. Mahope iho o ka pau ana o na ike ma kela liihia, i waiho aku ai 0 Mr. Bassctt. i kana mau olelo hooimua o na kiure, e hoakaka ana ma ke ano, aole he manaoino iloko ona, no E. Faxon Bishopu, ma kona manawa i kakau ai 1 ka manao i hoopukaia ae maloko 0 ka nupepa New Freedom, me kona heluhelu okoa ana aku i na mea 1 kakauia eia, a i lilo ai hoi i hewa laipila nona. I ka waihoia ana aku hoi o ka hihia iloko o ka Hma o na k?ifre, ua piha he 45 minuke o ka noonoo ana o kela kiure i ka ltkou olelo hooholo, alaila hoopukaia mai la ka olelo hooholo, no ka lokahi ana o na ua pili ka hewa laipila i ka mea i hoopiiia. O ka hoopa'i i hookaawaleia e ke kanawai no ka hewa o keia ano, ina nei no ka hoopa'iia ma ke dala maoli, aole e oi aku ka huina i ka hookahi kaukani dala, a ina hoi mn ka hoopaahao, aole e oi aku i ka makuhiki hookahi.