Ka Nupepa Kuokoa, Volume LXII, Number 42, 18 October 1923 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

Column 1

Makalei, ka Laau Pii Ona a ka I‘a o moaula- Nui- Akea i kaulna

@@ I‘a pono kau hoolale e kuu ma@@ @@@@ wahi a Olomana, “ua hoo@ mua aku nei au i kuu punahele, @@@ e hoao i kuu aikane me ka wa@@@ amaua ana i lawe ae nei i @ @@@ kapa po‘iula e pumehana ai @@ po anu o ke koolau, a he l@ahi @@ ia ua lokomaikao mai la no oe, @@@ a‘u mea e olelo ai, a koe wale @@@ ka waha o kuu aikane a owaka @@ o ka pio no ia o keia wai oopu @ kakou i keia aluna ahiahi, a wa@@@@ no ka manu he i‘a kolalo.

" @@ mai la o Olomana a nana kana aikane, me he mea la e ninau @ ana i kona manai: a i ka ike ana o Ahiki i ke kunana o kana aikane iaia, ua huli ae la oia a nana @@ la i ka malihini eu hoepa a kaua aikane a olelo aku la. " Ike aliiwahine o ka lahiki e, @ malihini kiekie hoi a kuu haku lani nei, a o kuu aikane hoi nana ihapai ae a lilo i kanaka nona, aohe no ke mea e ae ka mea nana i kaua @ ko‘u la hilahila o kuu aikane nei

 

 

Ke Alahele o ka Buke Kikoo

O ka moohelu kikoo maloko o ka banako aole wale e hoopakele ana ia i ka manawa ame ka pilikia aka e kaohi ana ia ma na hoolilo ano ole, hooikaika ae i kou kuleana aie a homahuahua ae i kou kulana iloko o ka pohai.

Ina aole ou moohelu kikoo, e hauoli, ana makou e wehe i moohelu nou.

The Bank of Bishop & Co., Ltd.

Ka Banako Kahiko Loa ma Hawaii nei.

Kukuluia i ka 1858.

Huina Waiwaipaa He $16,000,000.00 A OI.

 

Pena i kou Kaupoku o kahi ano nui loa ia o kou hale aka pena ia mea me ke Pena Graphite a Fuller

a e manao iho no kou kaupoku

E hoopakeleia ana kou manawa ame ke dala, no ka mea o ke Pena Graphite a Fuller o ke ano pena kiekie loa ia e hoohanaia no kaupoku. Ua hoohuiia mai ma na hoao lehulehu ana i loaa ke degere kiekie loa o ka paa. Hoopakele ialuna o kou kaipeku ua hoopakele oe i na wahi

Lewers & Cooke, Ltd

Poe Makaukau ma na lako Kukulu hale

Mahope Mai o 1852.

169-77 Alanui Moi Hema. Honolulu.

 

8 Keneka "Eia ka bila no ka hoiaio ana"

o ka paona o na i‘o Hipa uha mua.

-Ma na Poakolu apua-

"Pehea ia no ka Hooemi Ana Mai i ko Kaua Lilo?"

"Heaha mai auanei kau, ua manao au eia au ke ai nei i na i‘o pii loa. He palupalu maoli no kela i‘o hipa a he ku maoli no i ka ono."

No ka Waiu Bata Ono "MAILE" he 60c

wale no o ka paona.

Metropolitian Meat Market

Ma ka aoao Waikiki o ke kihi o na Alanui Bekela ame Moi

 

Column 2

wale no, ua hiki mai la no oia , a pane ae no kono waha o ka pau ae la no ia o ka olelo, a oiai ua lohe pu ae la no kaua i ko ia nei manao, heaha ananei hoi he hooko aku i kau noi.

"Oiai oe he malihini kiekie na kuu aikane nei, a he manawa wale no kou me maua a hele aku kamahele, aohe no hoi he olelo ana no na meaai o ka papaaina, ua hoomakaukau no au me na kanaka o ke alii, i kali wale no iaia ahiki mai.

Eia hoi oia ame oe e ka maua malihini, nolaila ua pono ae la no na mea apau. O ka ianei nonoi ia oe, nau nau e hoohui ia maua me Anoipua, anoai paha ua oi loa aku ke noi a kuu alii ia oe no ia poai olu, a e kala iho no hoi kou puuwai palupalu iaia, in a ua like ole me kou noonoo maikai."

 "Heaha hoi ka like ole!' wahi a ka u‘i hoepa, "no ka like hoi ke kumu o ko‘u nonoi ia olua e kuu mau kamaaina hookipa, a ua nui hoi ko‘u hauoli, ua hooko mai la olua i ka leo nonoi o ka olua malihini nei.

Aohe a kakou hana i koe o ka hoomakaukau wale no, no ka wa e hiki mai ana, a ke hoonoa nei au i ka kakou papaaina.

 I ka pau ana o ka lakou ai ana, ua huli mai la o Olamana a olelo i ke aikane:

"E Ahiki kuu punahele, e kahea aku oe i ke kukini a kaua e hele mai."

 

Column 3

 

Hooko mai la o Ahiki ia leo o ke aikane, manawa ole ku ana o Kapuaikahi i ke alo o na‘lii.

"E kuu kukini, e holo oe ilalo o Kahana, olelo aku oe i ke konohiki e uhuki mai oe me on a pakee wai mui no ke alii hoao."

I ka pau ana o na olelo a ke alii, ua huli aku la kana kukini hele no ka hooko ana i ka olelo.

A hala ke kukini, olelo mai la ka u‘i malihini; "He kahi hoi ia ua hooka mai la olua e kuu mau ka maaina hookipa o keia aina, nolaila e alakai aku hoi olua ia‘u e hui launa me ka wahine a kakou, i hookamaaina hoi maua ia maua iho, mamua o ka hiki ana mai o ka manawa a‘u e hoohui aku ai ia olua, aole hoi e ohila ka aku ai ia olua, aole hoi e ohila ka manu kakea Ua o Kealakono, a komo pono aku hoi ka olua malihini kipa i k olua alo alii i ka Nupa o ka Puukolea kulakula‘i kanaka o kuu aina a ka la e kau mau la i Makanoni."

"Ua pono kou manao e ka malihini," wahi a Olomana, "aole no au i haaina ike aku i ua manu kapu nei a kuu punahele.

"I ka la no a kakou i hiki mai ai a noho no hoi oe i kou kapulani, ia la hookahi no hoi ko ia la noho ana i ke kapuiani o olua, anoai nae paha, hoi ua noa aku la, a e hele i‘o kakou, i hookahi hoi ko kaua launa ana a ike aku hoi i ka hoa e pili aku ai kuu punahele no ka mea o kaua ike ole no keia.

"Ina kakou no ke alo o ke aliiwahine wahi a Olomana," ku ae la ke alo alii a haalele iho la i ka papaaina.

Puka aku la o Ahiki, kana aika ne ame ka malihini hoepa a laua, a hele aku la no kahi a Kahauolopua e noho mau ana.

I ka ike ana mau o Paku‘i hele mau la oia a hui me na‘lii, ninau aku la o Ahiki, "Pahea ua hanai aku nei oe i n akanaka apau o ke alii a kauai.

"Ae," wahi a Paku‘i, "ua lawa kaua a makaukau ia mea, a hookaaku nei oe i na kanaka apau o ke olelo mai ia oe mai ia oe mai no ka hoomakaukau o olua."

"Aohe manawa i koe i keia ahiahi no, ua hooholo mai nei maua i ke noi a ke alii wahine o ka la hiki i keia ahiahi e hoao ai, a o oe no ko‘u waha mana nau e hoomakaukau i na ono apau o ko kaua aina noluna o ka papaaina e lawa ai keia mano kanaka o ke alii."

"Mai kaumaha oe e ka punahele a ke alii, na‘u ia e hooponopono aku

 

Column 4

i hakalia paha i ka palena o ka lihilihi o ka la a haalele mai ia kaua, ui mai oe ia‘u ua lawa."

Ina pela," wahi a Ahiki, "e hoi oe a hoomakaukau," huli aku la o Paku‘i no kahi o kona mau lima lawelawe e noho mai ana.

He manawa ole, aia ka uwahi pookea ke pii la iluna o ka lewa o ka imu kalua o na meaai apau.

Hoomau aku la o Ahiki i kahi o ka halelau i ku ai, aohe hale, aohe hoi kela pahu kapu ana i ke ai mamau. Ia lakou i kokoke aku ai i ka hale huli mai la ua aiwaiwa nei a olelo mai la i na‘lii.

"E ae mai olua e na alii e hookuu aku i keia keiki e hele pu nei me kakou, a e kahea ae au i kekahi o ko‘u mau aialo nana e malama iaia a pau ka kakou luana ana me ke aliiwahine."

Huli ae la ua malihini hoopunipuni nei me ke ani ana ae o kona lima a ike aku la o Kahinihiniula ia Keoahimakaokeakua e hele mai ana.

Iaia i hiki mai ai imua o ke alo o kona aliwahine, kulou iho la oia imua on a me kahi lea liilii i olelo ai:

"Heaha ka makemake o kuu haku a na‘u ia e hooko aku!"

"E malama aku oe i ke keiki a na‘lii, a hoi mai makou, e hoihoi aku oe iaia iloko o ko‘u hale ponoi, a hoonoho ne iaia iluna o Kulia-ika-nuu, anau no hoi e hoolukanaka iaia ahiki i kuu wa e kahea aku ai ia oe."

I ka pau ana o kana mau olelo, huli mai la oia a olelo i ke keiki, "o hele me ia nei a noho i ka hale, aia hoi a pau ko makou ike ana me ke kamaaina wahine a ko mau makua alii, alaila hoi mai makou, a na‘u no e kii mai ia oe, a hoihoi i ke alo o laua nei." I ka pau ana o keia mau olelo a ke aiwaiwa, kaha aku la lakou hele, a huli mai la no hoi o Kahinihiniula ma hoi no kahi i kauohaiia mai ia laua.

Olelo aku la o Kahinihiniula i kona hoa, "ua manao paha na allii o Kailua nei aole kakou i kamaaina ia kakou iho, a pahaohao no hoi au i na hana a kuu kumuhonua."

Mai pahaohao oe i kana mau hana oiaiua ku ae la oe i ka moku o Oahu nei, a ua loaa ia oe ke alanui o ka ike, ka ipuolelo hoi a ko kumuhonua i kauoha ai ia kakou e au i ke kai poplohua a Kane.

"He manao ko ke aiwaiwa o Nuumea ia oe, a oia ke kumu o kona kauoha ia‘u e hoihoi mai ia oe a hoonoho iluna o ka moena Kapakapa-ku on a, nona ka inoa o Kuli-i-ka-nuu.

"E kakali nae kaua a hoi mai oia, a nana e ha‘i mai ia oe i ka pau ana e ha‘i mai ia oe i ka pau ana o keia hana nui ana e hoēunei.

"Oiai aole kaua i ike i ka onina o keia mau hana ana e hoolale nei, a o ia ka‘u e haohao nei i kana kauoha ia‘u e hoonoho ia oe iluna o Kuliaikanuu.

"Aia kaua ahiki aku, alaila hoike aku au ia oe i ka‘u mea i ike no kuu haku, ame keia paepae ona, ke noho oia iluna o keia nu‘u kapu on a, o ia ka wa au e ike ai i ke aiwaiwa o kana mau hana, a mamuli o ka hehi piiku ana o Ku i kei nuu kapu o Haumea ke kumu i kaalele ai o kuu haku ia Nuumealani, a hele mai a noho i kēia aina.

"Aia nae a loaa he mea nana i upu ai o ia kona wa ehehi ai iluna o keia nu‘a (paepae kapu) ame na mea apau o kona alo, aia a hala mai kaulana mahina eono, ia wa oia e ikeia aku ai e kona poe aialo, iloko o ke kulana elike me keia a kaua e ike aku nei.

"Anoai he hana nui ka ko kumuhonua a nau paha auanei e aeamo ke koikoi o ka hooko ana ia hana, aka mai hopohopo oe, oiai akahi no au a ike i kono haawi ana i keia paepae kapu oua e a‘e ia e kekahi mea, a o ua mea Ia o oe ia."

"O ia no kapaha ke kumu i hoolale ai ia oe e hele e hehi i ka aina kapu o ke akua, ā noho oe i ka papa kahuli o Kaneluhonua, a hehi hoi i ka aina o Kanehunamoku!"

la laua nei i hiki aku ai i ka hale, ku iho la o Keoahimakaokeakua ma ka ipuka a papale ae la i ke kapa Nukunukuaula e paku ana ma ka puka, kahea mai la ia Kahinihiniula.

"Hele mai a komo i ka hale a ko kumuhonua i kauoha mai nei ia‘u ianei kaua e noho ai a hoi mai oia."

Komo aku la laua iloko, nana ae la o Kahinihiniula i na nani apau e hoopuni ana i ka hale noho o ke aiwaiwa. Olelo mai la o Keoahimakaokeakua ia kahinihiniula, "aia kou wahi i kauihaia mai nei ia‘u o kahi e kau mai la o kela kapa Olo-a, nolaila e hele pololei oe a papale ae i ka pa-ku e uhi la a ike aku oe he nu‘a moeja me ka uluna hookahi e waiho ana, o ia uluna la, o Kuliaikanuu ia, hele oe a pii iluna olaila, a noho iluna o ka uluna, alaila hele aki au a kokoke me oe a noho kaua kakali aku o ka hoi mai o ko kumuhonua."

Hooko aku la o Kahinihiniula i na olelo apau a kona hoa, iaia i pii aku ai iluna o ka nu‘a moena,a mamua o kona noho ana iluna o ka uluna, huli hou aku la kona alo iwaho, a nana i ka puka, ike aku la oia i keia wahine malihini e ku mai ana ma ka puka. No keia hiona ana e ike neim ua olelo aku la oia i kona hoa, "he mau maka malihini hoi ka‘a e ike

 

Coulmn 5

nie, eia la ke ku mai nei i ka ipuka o ka hale nei!

"Anoai no kena akaku au e ike la ke kumu o ko kumuhonua i hoonoho ai ia oe iluna o ka paepae kapu on a, a he hana nui keia a kuu haku i manao ai , heaha la ia janai Oia wale no ka i ike i ka onina o kona mau manao apau."

Kunana iho la o Kahinihiniula i ka noho iluna o ka paepae kapu o kona kumuhonua, aka i kumu nona e ike ai i ka makemake o ke aiwaiwa ua noho iho la oia iluna olaila, iaia no a noho iho la oia iluna olaila, iaia no a noho iho o ka wa iho la ia o ka punohu uakoko i paniku mai ai i ka ipuka, a ike aku la keia i na aialo o kona kumuhonua e haa mau ana no ka hoonenehiwa ana i ka pulapula a ko lakou haku.

Maanei e waiho ai kaua ia Kahinihiniula ma, e aui aku hoi kaua mahope o ke kapuai wawae o na alii o na Koolau ame ka laua malihini.

I ka hala ana mai o Kahinihiniula ma, u ahele aku la o Ahiki me kana aikane alii, ame ke aikane hana epa a kaua wahine e hoao aku ai, ana nae e kuhiewa nei he malihini na kana aikane. Ua maopopo mau na mea apau ia Kahauolopua mai kana aikane aku, a iaia i ike mai ai ia Ahiki e hele aku ana me Olomana ame kana aikane, ua hoomkaukau iho la oia iaia no ka hookipa ana aku i ke alii Olomana, oiai ua pau na mea apau i ke kuka mau ia e laua me kana aikane, nolaila aole oia i hemahema ma kona aoao.

Ahiki na alii i ka hale aia hoi o Kahauolopua ame jona mau aialo ua makaukau no ka hookipa ana.

Puka mai la oia iwaho a ku iho la i ka puka me ke kahea ana mai: "He ma-i. Ei ae hoi;

"Aia Puna ua piha i ka hoolua, Ke hookulukulua mai la e ka Puukolu,

He hanini kaumaka ia na ka ma

kani,

I kau i ka poohiwi o ke Koolau, I pau ka liu‘a lani o Puakei, Ka waimaka hihin o Malamalama,

E malama i ke kanaka i alohaia, Mai noho oe a hoopoina wale i-ho, He ma-i e-,

Hele mai ho-i, Ooe ia e ke aka pali o Makana, Kekahi lau pali o Kaiwiku‘i I noiele ka-ia e ka Lawakua, Niuniua lolokaa ke poo o Hanalei,

Eha ka pua i ke kimokimoa e ka ua,

Au naele iho la ke ala o Hihinanu e,

E au like ka manna i-o ianei, I hookahi wahi e pae ai,

O ke kanaka a-,

He ma-i e-."

Mamauli o keia mau olelo hapaha pai hokipa a keia kakamahine opio e ku mai nei i ka puka me kona hiona nohea o ka wahine u‘i, ua kaukona aku la na maka o ke Alii Olomana me ke ano nenohiwa a ninau iho la i kana punahele:

"Ea e kuu aikane, o ka wahine keia a kaua e kahea mai nei!"

"Ae," wahi a Ahiki, "o ko kaua kamaaiana ia e he amai la."

"Ka!" wahi a Olo mana, "ua pono no ka kou noho konohiki ana no ke kai o Kaihikapu a ka wahine, a‘u i hoomaoe aku nei ia oe i keia kakahiaka, ola i ka leo mahamaha o ka kaua wahine,"

A hui lakou, puili na lima honi pakahi mai la o Kahauolopua i na kane, a o ka hope no hoi i kana aikane, a Ahiki e ike ole nei, haule iho la iluna o na nu‘a moena luli na kahili, haihai ua olelo hikimua o ka hui ana.

Oiai lakou nei e noho ana, ua olelo mai la ua aiwaiwa nei ia Kahauolopua, "ua hui iho la kaua, a ua kamaaina iho la e hoi au e hoomakaukau ia‘u iho, oiai eia me a‘u ka hana nui ma ko kaua aoao.

"E hookuu mai oe ia‘u e hoi hale ae a hoi hou mai au, he wahi mea hoi ka‘u i kaupu ae la.

"E kuu mau kamaaina, e noho olua me ka wahine a kakou a hoi mai au, aole paha au e li‘uki‘u a hoi mai."

"Ina hoiha pela o kaua no ke helepu, a o laua nei no hoi ke noho, a e lilo no hoi me laua nei."

"Heaha auanei," wahi a ke aiwaiwa, "ua pono ia ia‘u, ei ae paha o na kane au, pehea la ko laua manao no keia hoohale o kaua."

"Aohe olelo ana no ia mea," wahi a ke Alii Olomana, o na hale ia o keia noho ana, me olua no hoi e ike mai la ia maua."

"Ina pela, e hele maua, ke hoelaau nei hoi keia ia‘u," wahi a Haumea.

Ko laua ku ae la no ia a hele, ia laua i mamao mai ai mai ka hale mai, kani aku la ka laua aka i ka hoepaia o neia mau alii nui o ka mokupuni o Oahu.

"E Kahauolopua e , i keia po e hoohui ai au ia oe ame ke kane a kaua, iloko o kuu mana ponoi, a me ia mana o‘u e hookahuli aku ai au i na mea apau no kuu mau pua i ke ao nei, i keia la e ike ai oe i ko hapuu a‘u i pa‘i ai mailoko mai ou, mai pahaohao oe noia mea, aia kaua ahiki aku, ilaila e ike ai oe i ke au nui am eke au iki o kuu noho ana me kini o ka po nui hoolakolako, a ke ao nui e hoohemahema nei, aka aia i ka mole kaumahalua."

Haele aku la laua a komo i keia hale, ike aku la o Kahauolopua i keia wahine i hele ke poo a kuakea e noho ana

(Aole i pau.)

 

Column 6

Kuu Moopuna Miss Miliama I hala Aku La Ma-o

E Mr. Lunahooponopono e, Aloha oe: Ma o kou oluolu la, keia puolo e pono ai, a ua lana no ka manao ohohia no ka hooko koke ia mai.

Ma Laie Koolauloa, Oahu, i hanau mai ai o Miss Mailiama Pononui Haupau mai ka puhaka mai o Happy Aupuakehau i marcia e Pononui Haupu, o Honokane, Khalaloko, ma Feb. 5, 1908, o ka laua hiapo no ia, he 15 kona mau makahiki, 3 malama ame 7 la, a make ma Wailau Kahaluu, Koolaupoko, i Mei 11, 1923.

Nolaila ke kunana aku nei ka poe e ola ana ma keia aoao a olelo ae me ka hemahema loa, he aloha, pololei io no kela aka, in a i hoomao papa maikai kakou i ko ke Akua ano alaila, ua hemahema maoli ka poe ma keia aoao o keia honua, penei ka Iesu i olelo ae ai o ke anaina e piha ana iloko o kekahi hale, ma o ka lakou hoike ana ana ae ei ae ko makuahine mawaho me kou mau hoahauau, o kana i pane @e ai, penei o ka mea e malama i ka makemake o ko‘u makua iloko o ka lani, oia ko‘u makuahine, ame ko“u mau hoahanau, a no Miss Miliama P. Haupu hoi i make aku la wahi hou no a Iesu i olelo ae ai, penei e ae aku i na keiki liilii e hele mai imua o‘u, he like me keia mau keiki hewa ole ka aupuni o ka lani, a nolaila, ua makaukau ka rumi ma-o no Miliama Haupu alail, ua hilu hope mai la kela a nana mai ma keia ola ana, a oiai, o ka poe i ike ole i na lauili o kei a ola ana a hala aku me ka maemae no lakou ke aupuni o ka Lani, wahi a Iesu, nolaila, o na kumakena aku maanei o lakou ala hoi ka i kumakena mai mao ia kakou.

No Miliama P. Jaupu, he kupa oia no na Koolau a he nui kona mau uncle ame no aunty na tutu o na aoao a elua, ame kona mau pokii lehulehu 5 e ola nei, ame kona mau hoahanau he 3 pokii i hala mua aku mamua ona. No‘u iho kona tutu ekahi, he nui ko‘u hauoli nona, mamua o keia ola pokole ana a malama ole i ke kauoha, o ia paha ka pilikia nui o ko kakou honua nei poe, elike me na la o Noa.

Ke hoomanao ae kakou, i ka huli ana aku a nana o ka makua ia honua mua, i uhiia e ka wai a koe wale no ewalu o ia poe i make, ua ae aku oia ka makua e kau ia kana keiki maluna o ka laau kea, i hoala houia mai lakou.

O ka mahele mau o ko Miliama Pononui Haupu hanau ana mai, he nawaliwali iloko o ka ma‘i kunukalea nui o ke kulanakauhale. he nui o ke kulanakauhale. he nui na kauka i lawelawe iaia, ua emi a nuku loa kona kino, aole komo o ke aloha wale no o ke Akua nonamai kona ola kupaianaha; aole mea komo  no ekolu mahina, e emi mau ana kona kino, a oiai, aia ke kunikalea iloko. Loaa ia‘u o I‘amawaho, makai kula i make ai, e lawe koke oe ia Wahamana Luahine Ohua o na lii, i kamaaina i ko Honolulu poe.

I hakalia no a pau ka maua kamailio ana, me ka holo o na hana, noho ana i ke alo, nana mai la kela a pau e hoi awiwi a hooinu i hookahi puna wai Uhaloa, elima minuke ahope iho komo hookahi omole waiu iloko o na halekuai, o kona moe ana ia, ala mai i kekahi kakahiaka, elua la mahope mai, haalele mai la ke kunukalea iaia, ua pii kona ola maikai no 15 makahiki, a loaa hou i ka ma‘i emi pu mai, alakai no ke aloha o ke Akua, ua ola hoi. A hoi aku me na makua ma Kahaluu, Koolaupoko, aole on a ma‘i ua haule oia mailuna iho o ke kumu manako, a na-ha kona poo, haule auwina la, a make no i ka auwina la o ka Poalua ae.

Oia ka Satana i olelo aku ai ia Iesu, in a o oe ke keiki a ke Akua e lele iho oe mai kahi oioi iho o ka luakini, pela paha keia make mailuna iho o kahi kiekie aka, aole au i ike, o ke Akua no ka mea i ike ma ka hope o keia honua, e loaa pakahi mai ai ka uku o kela ame keia, ke ola mau loa, ame ka make mau loa.

Ua piha ko Waialua poe o ke aloha i ku moopuna, ua hiki mai kekahi poe i Laie mamua o kona kanuia ana. Ua hokahe pu i na waimaka o ke aloha a oiai, ke mau la pokole wale aku no ko ka moopuna ilaila, aia no ka malaila pu na keiki a ke aloha.

I Niniole la hoi ka makani puehu ke one o Puukolu i ka paia hookeekee kihene pua mauu a kane. Ke aloha hookokohi e hue ana ia lokohana nui kaanoi.

E Mr. Lunahooponopono e nana Halelu 90:3. Ke hoihoi aku nei oe i ke kanaka i ka lepo a olelo mai no hoi, e hoi oukou, e na keiki a kanaka.

A hoomaikai pu i kou mau limahana o kou papapa‘i a no ka pono o ka oiaio mau loa amene.

JOEL K. APUKEHAU,

Kahuku Plantation.

HOOLAHA.

Ua makemakekeia na hoahanau apau o ka Ekalesia o Iesu Kristo o ka Poe Hoano o na la Hope nei, o ka apana o Waialua, Oahu, e hele mai i ka hana pa ilina i na Poakahi ame Poalua mua o kela mahina me keia mahina.

E hoolohe i keia o pilikia auanei

J. H. HAO,

Luna Pa-Ilina

6577- Oct. 11, 18.

 

City Mill Co.

KEKAHI O NA HUI KAHIKO LOA MA HONOLULU NEI.

Poe kuai Papa, Pilihale na lako Paipu, na Laau PUka Aniani ,e Panipuka, lako Pili Hao; na mea no apau no ka home ma ke kumukuai oluolu loa.

Kukuiu makou i na hale ma ka uku liilii ana, me na hookaa liilii.

O KA OI LOA AKU NOKA POE HOOKUONOONO.

            Mai Poina--- Hele Mai la Makou

Kihi o na Alanui Moiwahine me Kekaulike. Honolulu, T. H.

HOOMAKA ME KA APANA

$700- Lot on Libby Road. Kalihi- kai

$20 down, $10 per month.

800- Lot 50x100. Mauua Loa Avy.,

Ocean View tract. $50 down,

$10 month.

$1600- Corner lot 100x100, Ocean View tract, $100 down, $20 per month.

$700- lot. Dow St. Nuuanu; $200.00

down, 10 per month.

$9@0- Lot 50x100. S@@ Av.. Kaimuki:

$20 down, $10 per month

$750- lot 50x100, Maua@@@ Ave.: $20 down 10 per month.

$900- Lot 50x150, Ocean view Tract:

near 18th Ave.: $20 down, $10 per month.

$1800- Lot 50x200, 8th Ave.. near @@@provement district; $50 down. $20 per month

Ask C. W. Capenter. with PAULO KALAUKA

(P.E. R. STRAUCHII)

Aianui Moi, Helu 74, Manawa o na Alanui Papu ame Betela.

 

Keena Hawaii

No Na

Lako Hana Mahiko

Hapuku Kila Oliver

Chilled âme na Palau

Na Katapila Cleveland Na Katapila Fordson

Na kaa Kalaka White

Na kaa Kalaka Ferderal

Na Kaa Kalaka Ford

Na Hana Pili Amala

Hana I NA KINO O NA KAA UKANA ME KALAKA ME KA HANA HOU ANA

Schuman Carriage Co., Ltd.

Na Paionia o na Hana Halihali o Hawaii nei

 

KA VICTROLA

Ka Meakani Mele Kilakila he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NAPILA AHA

âme na mea apau pili i na mele

Bergstom Music Co.

1020 Alanui Papu Honolulu

 

Hale Uwi Waiu

Mapulehu Pukoo, Molokai

E Hooholo Ana i ka MOKUKUNA GESOLINA

LELEIONA

Mawaena o na Awa o Honolulu me Molokai

Geo.P. Cooke, On a

Poe Lawe Hau me Waiu

 

E kuai i kou mau

Pono Hale

ma ka

Hawaii Furniture

Co.

Helu 469 Alanui Moi kokoke i ke kihi o ke Alanui Lihiha

He oluolu na kuaki olelo ana.

 

T. O. Murata

Funature Store

(Na noho hoolimalima me lako pa maanei.)

na Lako Hale Hou me Kahiko.

715 Alanui Hema, Honolulu. T.H

Kelepona 1695

 

Ka Pila Gradfonola Columbia Maopopo ka Wa e pau Ai Na ka mea hoopaa nona iho e nakkala ia ea nou. Ua hiki ia oe ke hulahula ahiki i ka huaolelo pe loa.

Uku Liilii ke Makemakeia

Limited.

148-150 Alanui Hokele

 

Kakela & Kuke

(Kaupalaneaia)

Poe Kalepa ma ke Komisina

A KE

 Poe Agena no na Mahiko Lehulehu

 

PAPA

NA LAKO

KUKULU

HALE

No ka hoahu ana i kou wai ma na Pahu Wai Papa Ulaula o 500 a 10000 Gilani.

E hoolakoia aku no na kumukuai ame na hoakaka ia oe ke noi mai.

ALLEN & ROBINSON,

LTD.

HONOLULU, T. H.

 

Nupep Kuokoa

No ka makahiki (one year)……. $2.50 O na Dala ame na Hoolaha apau e hoouna pololeo mai i ka ADVERTISER PUBLISHING CO., LTD., wale no, P.O. Box 3110, Honolulu, T. H.

217 Alanui Moi, ma Waikiki o ke Alanui Alakea; ka Nupepa Advertiser

Entered at the Post Office at Honolulu, T. H., us Second Class Matter.

SOLOMON HANOHANO, Luna hooponopono.

CHARLES S. CRANE, Luna Nui.