Ka Nupepa Kuokoa, Volume LXII, Number 42, 18 October 1923 — PALAPALA HOOMAIKAI. [ARTICLE]

PALAPALA HOOMAIKAI.

0 makou o na lala apau o ka Ahahui Hooikaika Kritiano o ka Mokupuni o Maui, Molokai me Lanai, e nohp nei i keia mau la ma

ka luakini o ka Ekalesia o Kaaliumanu nei, Kalana o Maui, ke liaawi aku nei makou i na hoomaikai ana i ke Kahu o keia ekalesia ke komitc malama, na luua ame na hoahanau, na lala hooikaika Kristiano na haumana, i ko oukou haawi ana mai ia makou i na mea e oluolu ai keia kiuo, ka hoaumoe aua, ka malama ana i na lala o keia aha. Ke pule nei makou na ke Akua e ninini mai i na lioomaikai ana i na

pomaikai, maluna o oukuu, a pela oia e kokua mai ai, ia kakou apau iloko o kona aloha nui palena ole no Kristo ame kona ekalesia. Aole o ia wale no, aka e lioomaikai ae kakou i ka makua lani, ka mea nana ka hana a kakou i liiki mai ai i kei.a aha. 0 makou iho no na lala o keia aha, ma o kona kakauolelo la, MOSES M. KAHIAPO, Wailuku Maui, T. H.