Ka Nupepa Kuokoa, Volume LXII, Number 43, 25 October 1923 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII
NUPEPA KUOKOA HONOLULU, T. H., POAHA, OKATOBA 25, 1923 ELIMA
O KA HOOMANA MOREMONA O KEIA LA KRISTIANO, A HE AMERIKA ANEI?
Mailoko mai o ka buke i unuhiia @ Albert S. Baker i pa’i hou ia i ka M. H. 1914.
E ka Lunahooponopono o ke Kuokaoai Mr. Solomon Hanohano; Aloha @ – E ae oluolu mai i kekahi wahi kaawale o ka hiwahiwa a ka lahui, @ ko’u mau manao maluna o ka hoomana Moremona a me kona ano Kristiano, ame kona ano Amerika. @@ ike kakou mai kona manawa i @@ ai maluna o ka lepo aloha o Hawaii aina abiki loa mai i o kakou @@ ua nui wale na mea a kakou a’ohe ai no keia hoomana, hookomo @ iloko o na buke na manao i iakuia, hanaia mai la iloko o na @@ionioni i mau kumu hoobalike na akoa e hoike aku ai i ka lehulehu, i keia no na mea pololei i hana e ka poe Moremona.
Eia kekahi mau mano i hoakaka @ @ Rev. A. S. Beker ma kana buke kakou ai ma ka olelo Hawaii. O a Hoomana Moremona oia kekahi @@mana ino, pepehikanaka ma o Hana mau alakai la. Hana i na ana malu, hoike i na mea hoopunipuni, ku-e i ke kanawai o Amerika, oia hoi, ka mare lehulehu, o na alakai o keia hoomana oia i Iosepa Kamika ame Biligami Iana, he mau mea kolohe i ka waiwai o ka poe ilihune ma o ko lakou mau waiwai hapaumi la, oia ke kumu i
Ke Alahele o ka Buke Kikoo
O ka moohelu kikoo maloko o ka banako aole wale e hoopakele ana ia i ka manawa ame ka pilikia aka e kaohi ana ia ma na hoolilo ano ole, hooikaika ae i kou kuleana aie a hoomahuahua ae i kou kulana iloko o ka pohai.
Ina aole ou moohelu kikoo, e hauoli ana makou e wehe i moohelu nou
The Bank of Bishop & Co., Ltd.
Ka Banako Kuhiko Loa ma Hawaii nei.
Kukuluia i ka 1858.
HUINA WAIWAIPAA HE $16,000,000.00 A OI.
8 Keneka
“EIA KA BILA NO KA HOIAIO ANA”
o ka paona o na i’o Hipa uha mua.
- Ma na Poakolu apau –
“Pehea ia no ka Hooemi Ana Mai i ko Kaua Lilo?”
“Heaha mai auanei kau, ua manao au eai au ke ai nei i na i’o pii loa. He paluaplau maoli kela i’o hia a he ku maoli no i ka ono.”
No ka Waiu Bata Ono “MAILE” he 60c
wale no o ka paona.
Metropolitan Meat Market
Ma ka aoao Waikiki o ke kihi o na Alanui Bekela ame Moi
PENA I KOU KAA I KEIA LA –
Holo Maluna Olaila i ka la Apopo
Ina na ka mea loea e pena
kou kaa aole oe e
hoohana koke ana no na
pule elua a mahina paha
a e lilo ana oe ma kahi o
ke $75.
Ina oe i makemake ole e hoopilikiaia mai –
pena ia mea me ka
Pena Oto
SPEEDITE
Me ke akahele o ke pena ana nau ponoi iho e like ana no ka maikai me kou lilo o $5 wale no no ke pena ame ka palaki, a e maloo koke ana ke pena i kekahi la ae e hoohana ai i ke kaa. Nui na waihooluu e wae ai-noe mai i ka pepa waihooluu.
LEWERS & COOKE, LTD.
Poe Loea ma na Lako Kukulu Hale Mahope mai o ka 1852
169-177 Alanui Moi Hema
nui ai o ka laua waiwai, wahi a ka mea haku manao, a he hookahahaia ko kakou manao ke hiki ma Iuta. A e olelo ana ka mea haku manao, o ka poe e loaa i keia hoomana oia no ka poe hupo ame ka poe hoomana kii, a he nui wale aku.
Mamuli o keia mau manao i hakuia, ua komo loa aku ia mau mea iloko o ka waihona noonoo o ka hoakanaka a hala loa aku ma-o o ka mole o ko lakou puuwai. O ka poe apau i heluhelu i keia mau buke a me na hoikeike kiionioni, ua manaoio maoli lakou ua pololei keia mau mea, ua nana mai la lakou me ka hoowahawaha ame ka hookae, mamuli o keiamau mea a a lakou i heluheliu ai. Ke hoomano nei au i ko’u wa kamalii, owauka me a kakau nei ame ko’u ohana, he poe hoole pope makou. Ke hoomanao nei au i nu hana a na luna ekalesia ia mau la e pili ana i keia ho omana Moremona, e hoino ana no ka mare lehulehu, kii aku la I kela pauku i kakauia ma ka buke o Ma’io a ka Haku i olelo ai, “Mai malama i ke Akua ame ka Mamona,” Ohohia nui ia ia mau hana ia mau la, a hookae maoli kekahi poe i ka ho okipa ana i na Misiona Moremona ma ko lakou home, ma na la Sabati e hana ia ai keia mau hana.
Ke huli aku a nana i ke kapu Akua ia mau la, he ihiihi maoli no, o laa ke kapu Sabati, he kapu ka hoa ahi i ka la Sabati, ka hele ana, o auaukai, ka paani ana, ka leo nui ana, ka paani pepa-hahau, o keia mau mea la, ho kapu loa a i na he kamalii ka me e loaa aku ana ina luna ekalesia e hana ana i keia mau mea i hoike ia ae la, e hiliia ana a i na hoi he poe kanaka makua, e nukuia ana a paki ka wai o ka maka, a ina hoi e ulu ae ko lakou mau manao no ka Hoomona Moremona i ka la Sabati, he oi aku ka hauoli o na luna ekalesia i ka ho opuka ana ina meakuponoole, ke manao nei ka meakakau he poina paha, a i ole he heluhelu ole no paha i ka Palapala Hemolele, “Pomaikai ka poe I hoomaauia mai no ka pono, no ka mea no lakou ke aupuni o ka lani.”
Nolaila, e ka Lahui Hawaii, o kakou no ke koena o ka hale o Iseraola I hoopuehuia a e noho nei ma na mokupuni o ke kai nei. O Iehova ke Akua, no kakou ia Akua, he Akua luli ole; o kona mau kanawai ame kana mau kauoha he mau mea paa loa ia, aole mana o ko ke ao nei e hoololi, aole hoi e hoopauia. Ua olelo mai ka Haku, “E lilo ka lani ame ka honua, a o ke kanawai aole loa e pau,” he o ia mau ia i nehinei, i keia la, a i ka mau loa.
E na hoaloha, peha ana la ko oukou manao, a heaha ana ka oukou haina maluna o keia ninau, o ia keia, “He Kristiano a nei ka mea nana i kakau keia mau manao i haku wale ia a he Amerika a nei? Ke manao nei au o pane mai ana no oukou. Aole, no ka mea, o ka poe e nana mau ana maluna o na kanawai o ke Akua, aole lakou e hoino wale, no ka mea, ua ike lakou i ka makemake o ke Akua. No ke aha la e kupikipikio nei ko na aina e, a e noonoo ai na kanaka i ka mea lapuwale. Ua ku-e aku na’lii o ka honua, ua ohumu pu no hoi na luna. Halelu 2:12. O ka Ekalesia o Iesu Kristo o ka poe hoano o na la hope nei, e kapaia nei Moremona, o kona mau loina lawelawe a me ka hoonohonoho ia ana o kona kahua, ua kulike me ka ka Palapala Hemolele, a o kana mau a’o ana ua ku i ka naauao, a he hoomana naauao. O ka poe apau i komo i keia ekalesia ke a’oia nei lakou e malama i ka waiwai hapaumi a o na hoahanau i nee mua ma ka malama ana i na kanawai o ke Akua, ua malama loa lakou i keia mau mea, no ka mea, o keia no kekahi kanawai o ke Akua. E heluhelu ia mokuna 3 o Mareko. “Ke malama nei i ka hapaumi no na loaa me ka hauoli no ka holomua, no ka mea, ua kauohaia mai e ke Akua. O kekahi rula maauao e a’oia nei o keia hoomana, o ia no ka rula i pakaia, “Ka olelo naauao.” Ua hoikeia mai keia rula i ka la 27 o Feberuari M. H. 1833 i ke Kaula Iosepa Kamika, e malama na hoahanau i ko lakou mau ola kino, o ia keia, aole puhi paka aole inu rama, a inu kope, Ti, a pela aku. Aka, o keia mau meia i hoikeia ae la, ua like ia me kekahi puupuu ikaika imua o na hoahanau o keia ekalesia, a me he uwepa la i hahauia aku imua o ka lio ahiu ke pi o ka ihu, komo koke no ka ohumu, a hoomau no i ka lawe ana ia mau mea, aka, o ka poe i hoolaho i keia mau a’o ana, ua waiho aku me ka maikai, a lawe mai la i keia mau a’o ana a malama, a o na wahi kenikeni a lakou i lu ai mamua i kela mau mea pono ole, ua holiliili iho la, a kaana like ‘ae la iwaena o ka noho ana ohana me ka oluolu.
Nolaila, o keia kekahi puka liu nana e hoopiholo nei i ko kakou moku, (kino) a make i ka moana kaiakea o keia ola honua ana. E lawe ka poe apau i keia mau a’o kupono.
Ua hoike mai na kauka naauao, na kanaka Kristiano, a me ke aupuni o Amerika i ko lakou makahehi maluna o keia olelo naauao. Ke malama nei kekahi hapa o ke ao nei i keia mau loina naauao i keia mau la.
..He mau manao maluna o ka Mare Lehulehu
O ka mare lehulehu, o ia kekahi ninau ano nui i ala ae iwaena o na kahunapule Kristiano o na hoomana like ole, ame ka Hoomana Moremona maloko o ka Mokuaina o Iuta ia mau la, ahiki loa mai no i keia mau la iwaena o kakou. Ua ala ae na hoopii kanawai ia mau la maloko o ka mokuaina o Iuta no ka mare lehulehu, a u alawe loa ia aku imua o ka Ahaoleo Lahui o Amerika i ka M. H. 1894, a ua hanaia kekahi kanawai ma ua ahaolelo la e papa ana i ka mare lehulehu. Eia kekahi mau huaolelo ma ua kanawai la, “A ma keia kanawai ua hookapu loa ia ka mare lehulehu.” A mai ia wa mai ua hooko aku ka Hoomana Moremona i ua kanawai la ahiki mai i keia la. E hoike ana ka meakakau i ka mano o na hoomana like ole maluna o keia ninau, ka mare lehulehu. O na Hoomana Kristiano like ole, ua manao lakou o ka mare lehulehu, oia kekahi hana Kristiano ole, a he ku-e i na kanawai o ke Akua.
O ka Hoomana Moremona hoi, o ko lakou manao alakai maluna o ka mare lehulehu, o ia kekahi hana Kristiano a i ku i ka makemake o ke Akua, aole hoi i ku-e i kekahi kanawai o ke Akua. Nolaila, e kuu lahui, ko ke Kuokoa poe heluhelu, a aui ike no mai kahi a oukou i ku ai ko oukou noonoo, a e nana mai me na maka oluolu maluna o keia mau manao alakai, aole ou makemake e hookomo i ka naau kuhalahala iloko o oukou, aka, e haawi ana i ka ike maopopo ma kahi o ka ike powehiwehi, a i ka manao kanalua ole ma kahi o ke kanalua, a i ka manao hoomaikai ma kahi o ka hoowahawaha.
Ke manaoio nei kakou o ka Baibala Hemolele o ia ka olelo a ke Akua i kanaka, a ho moolelo hoi o kana mau hana i hana ai, a me kona mou makemake i haawi mai ai i kana mau kauwa oia hoi, na kaula, ka poe ana i wae mai ai, a me na kanawai i mea e hoomalu ai i na kanaka. Nolaila, na ka Baibala Hemolele e hoike mai i ka haina pololei o ko ke Akua manao maluna o ka mare lehulehu. E ike ana kakou i kekahi mau manao i kakauia e na Kaula Hemolele e pili ana i ko ke Akua hana ana i mau kanawai no ke kanaka e mare ana i na wahine he nui. E nana ma Pukaana 21:10 “A ina oia i lawe i wahine hou nana, mai hoemi oia i ka ai ame ka aahu, ame ka launa mare o kela wahine.” E nana ma Kanawailua 21:15:17. E hoomanao i ka moolelo o Iakoba (Iseraela) a me kana mau wahine eha (4) nana mai na keiki he umikumamalua, Kinohi 30; Ka moolelo o Samuel ke kaula, ke keiki a ka wahine elua a Elakana oiai e ola ana no ka wahine mua, a ina no aole i lawa ko kakou hoomaopopo ana no keia mau mea i hoikeia ae la maluna, e nana i ka moolelo o Davida a me kana mau wahine, a i ka make ana o Saula ke alii, haawi mai no ke Akua i na wahine a Saula i mau wahine na Davida 2 Samuel 12:8. Ko Solomona moolelo. E hoike ana ka mea kakau i kekahi manao kanawai o ke Akua. Ke hoike nei ka buke o Kanawailua 23:2 Aole e komo iloko o ke anaina kanaka o Iehova ka mea pooole (keiki moekolohe) ahiki i ka umi o kona hanauna, aole loa e komo iloko o ke anaina kanaka o Iehova.
(Aole i pau.)
MAKUKA MAI KA HALEPAAHAO AKU A PAA HOU
Mahope o ka hahaiia ana e na makai ma Kakaako ae nei, ua paa hou ae la na opio i holo mahuka ai mailoko mai o ka halepaahao kalana ma ka pinana ana ma ka pa a haule iwaho ma ka hora 3 o ka wanaao Poalua nei, no laua na iroa o Robt. Tachibana ame Jos. Nishimura, he mau keiki Kepani, mahope o ko laua haalele ana i ke kaa otomobile me ka kalaiwa ole a haule ke kaa iloko o ka auwai, a mahope iki iho o ka hora 8 kakahiaka o ka Poalua nei ka paa ana i na makai.
He mau keiki keia i hoopaia aku i ka halepaahao no ko laua ninaninauia: ia laua maloko o ka halepaahao ua nonoi mai la laua me ka me nao kolohe e aeia aku laua e hele i ka rumi auau, a no ka manao o ka lunapaahao he noi pono la hoi ka laua ua aeia mai la, a no ka hoi koke ole mai o laua ua haoaho ka lunapaahao, a i ka huliia ana kau aole laua i loaa, ua pinana aku laua ahiki i ke kau ana iluna o kaupoku a lele mawaho o ka pa, elike no me na paahao elima mua i holo mahuka ai mai ka halepaahao kalana aku he mau pule kakaikahi i hala aku nei.
Ua hoomaka koke ia ka huli ana, aole nae he maopopo o ka laua wahi o ka hele ana aku, a mamua iki iho o ka hora 8 o ai kakahiaka, ua loaa ae la he hoike i ke Kapena Makai S. E. Poaha ma ka halewai, ua ikeia ua mau keiki holo mahuka la ma Kakaako, a o na Makai Ben Kapani, Joe Tavares ame ke Kapena Poaha ka i holo ae no Kakaako a malaila i halawai aku ai me ka Makai A. G. Silva.
I ka hoea ana ae o na makai ma Kakaako ua hoike ia mai la ua lako na keiki hale kokoke mai kahi i poe ai. Ua hoopuni koke ia ae la ka hale, a aohe nae he wahi hiohiona e ikeia aku ai aia maloko o ia hale na keiki kahi i pee ai.
Ma keia manawa i keia aku ai kekahi kaa otomobile e holo ae ana me ua wahi keiki kolohe nei maluna, a ua alualu koke ia aku la laua e ka makai otomobile Silva. I ka ike ana mai o ua mau wahi keiki nei aole laua e pakele ana ua lele iho la laua ilalo a hoomaka aku la e holo. Ua hahai ia aku laua ahiki ika paa ana a hoihoi loa ia ae i ka halewai.
STATEMENT OF OWNERSHIP,
MANAGEMENT, CIRCULATION
Nupepa Kuokoa, Weekly.
Editor, Solomon Hanohano.
Business Manager, C. S. Crane.
Publishers: The Advertiser Publishing Co., Ltd.
Owners: Stockholders holding 1 per cent or more of total amount of stock:
L. A. Thurston, Honolulu.
C. S. Crane, Honolulu.
Mrs. A. W. Pearson, Honolulu
Edward Dekum, Honolulu.
G. L. Samson, Honolulu.
Bondholders, Mortgages and other security holders: None.
Average number of copies of each issue of this publication sold or distributed, thorugh the mails or otherwise, to paid subscribers, during the six months preceding the date of this statement, 4582.
Signed) CHARLES S. CRANE, Business Manager.
Sworn to and subscribed before me this 12 th day of October, 1923. Seal) J.K. NAKOOKOO, Notary Public.
My commission expires June 30, 1924.
Ma ke Kauoha.
HOOLAHA KUAI O NA HOOLIMALIMA AUPUNI
Ma keia ke haawiia aku nei ka hoolaha akeu ma ka hora 10:00 a.m., Poakolu, Novemaba 14, 1923, ma ka puka komo mamua o ka Hale Aupuni Kalana, Lihue, Kauai, malaila o kuai hoolilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358-380 et seq., o na Kanawai Hooponopono Hou ia o Hawaii o ka 1915 ame ke Kanawai 143 o na Kanawai Ahaolelo o 1917, na Hoolimalimia Laula o na apana aupuni malalo iho nei:
1. Apana 50, na Apana Taona o Hanapepe, Hanapepe, Kauai, non ka iliaina o 10,930 kapuai kuea, oi aku a emi mai paha. Ua hoolimalima haahaa, $50.00 o ka makahiki, e uku hapamakahiki mau ia.
2. Na Apana 20, 21 ame 22, Kuea D, na oKena o a Wimea, Waimea, Kauai, nona ka iliaina o 48,772 kapuai kuea, oi aku a emi mai paha. Uku hoolimalima haahaa, $60.00 o ka makahiki, e uku hapa-makahiki mua ia.
O na hoolimalima e kuai hoolilo ia aku ana e kaa mo malalo o keia mau kulana mahope ae nei:
a. Manawa o ka hoolimalima, 15 makahiki pakahi mai Novemaba 14, 1923 aku.
b. E uku mua ka peo e lilo ai, ma ka haule ana o ka hamare, i ka uku hoolimalima o na mahina mua eono, hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i na hoolimalima i ololoia.
O ke kii palapla aina e hoikeike ana i na aina e hoolimalima aku ana me ke ano o ka Hoolimalima Laula Aupuni, eia ke waiho nei ma kahi o na palapla a e ikeia no ma ke Keena o ka Hope Akena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
No na hoakaka aku i koe e ninau ae ma ke keena o ka Hope Akena, Mr. J. M. Lydgate, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
Hanaia ma Honolulu, T. H., maloko o ke keena o ke Komisina o na Aina Aupuni, i keia la 8 o Okatoba, A. D. 1923.
C. T. BAILEY
Komisina o na Aina Aupuni. 6577 – Oct. 11, 25.
Ina i kou hoea ana ma ka Makeke a Pololi oe, e kipa ae ma ka Haleaina
CITY CAFE
1022 Alanui Kekaulike
Ua lawa me na meaai ono apau.
Poi uouo, na i’o hipi palai palupalu, na i’a momona, a he
nui wale aku na ono.
E Hoao i Pau Kuhihewa.
Ma Ke Kauoha.
HOOLAHA KUAI O NA HOOLIMALIMA AUPUNI
Ma keia ke haawiia aku nei ka hoolaha akea ma ka hora 10:00 a.m., Poakolu, Novemaba 14, 1923, ma ka puka komo mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358-380 et seq., o na Kanawai Hooponopono Hou ia o Hawaii o ka 1915 ame ke Kanawai 143 o na Kanawai Ahaolelo o 1917, na Hoolimalima Laula o na Apana Aupuni Mahi, ma Wailua, Puna, Kauai, elike me ia malalo iho nei:
Iliaina Uku hoolimalima haaha
Apana (Eka)
Helu (Oi aku a emi mai paha) (E uku hapamakahiki mua ia)
19....... 10.4G $84.00
20....... .96 10.00
21....... 29.22 292.00
22....... 11.90 119.00
23....... 27.80 278.00
24....... 14.00 140.00
25....... 7.40 74.00
26....... 6.30 63.00
27....... 4.40 44.00
28....... 4.00 40.00
29....... 4.90 49.00
30....... 9.60 96.00
31....... 3.00 30.00
32....... 1.80 18.00
33....... 14.90 149.00
O na hoolimalima e kuai hoolilo ia aku ana e kaa no malalo o keia mau kulana mahope ae nei:
a. Manawa o na hoolimalima, 15 makahiki pakahi mai Novemaba 14, 1923 aku.
b. E uku mua ka poe e lilo ai, ma ka haule ana o ka hamare, i ka uku hoolimalima o na mahina mua eono hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i na hoolimalima i oleloia.
O ke kii palapala aina e hoikeike ana i na aina e hoolimalima aku ana ame ke ano o ka Hoolimalima Laula Aupuni, eia ke waiho nei ma kahi o na palapala a e ikeia no ma ke Keena o ka Hope Akena, Hale Aupuni Kalama, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
No na hoakaka aku i koe e ninau ae ma ke keena o ka Hape Akena, Mr. J. M. Lydgate, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
Hanaia ma Honolulu, T. H., maloko o ke keena o ke Komisina o na Aina Aupuni, i keia la S o Okatoba, A. D. 1923.
C. T. BAILEY,
Komisina o na Aina Aupuni. 6577- Oct. 11, 25.
HOOLAHA KUAI O NA HOOLIMALIMA AUPUNI
Ma keia ke haawiia aku nei ka hoolaha akea ma ka hora 10:00 a.m. Poakolu, Novemaba 14, 1923, ma ka puka komo mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358-358 et seq., o na Kanawai Hooponopono Hou ia o Hawaii o ka 1915 ame ke Kanawai 14@ o na Kanawai Ahaolelo o 1917, na Hoolimalima Laula o na Apana Aupuni malalo iho nei:
1. Apana @, na apana mahi o Wailua, Wailua, Puna, Kauai, nona ka iliaina o 3.50 eka, oi aku a emi mai paha. Uku hoolimalima haahaa, $70.00 o ka makahiki, e uku hapamakahiki mua ia.
2. Apana 6, na apana mahi o Wailua, Wailua, Puna, Kauai, nona ka iliaina o 1.0 eka, oi aku a emi mai paha. Uku hoolimalima haahaa, $200.00 o ka makahiki, e uku hapamakahiki mua ia.
3. Apana 12, na apana mahi o Wailua, Wailua, Puna, Kauai, nona ka iliaina o 2.20 eka, oi aku a emi mai paha. Uku hoolimalima haahaa, $44.00 o ka makahiki, e uku hapamakahiki mua ia.
4. Apana 14, na apana mahi o Wailua, Wailua, Puna, Kauai, nona ka iliaina o 1.30 eka, oi aku a emi mai paha. Uku hoolimalima haahaa, $26.00 o ka makahiki, e uku hapamakahiki mua ia.
5. Apana 16, na apana mahi o Wailua, Wailua, Puna, Kauai, non ka iliaina o 1.40 eka, oi aku a emi paha. Uku hooimalima haahaa, $23.00 o ka makahiki, e uku hapamakahiki mua ia.
O na hoolimalima e kuai hoolilo ia aku ana e kaa no malalo o keia mau kulana mahope ae nei:
a. Manawa o ka hoolimalima, 15 makahiki pakahi mai Novemaba 14, 1923 aku.
b. E uku mua ka poe e lilo ai ma ka haule ana o ka hamare, i ka uku hoolimalima o na mahina mua eono, hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i na hoolimalima i oleloia.
O ke kee palapala aina e hoikeike ana i na aina e hoolimalima aku ana ame ke ano o ka Hoolimalima Laula Aupuni, eia k@ waiho nei ma kahi o na palapala a e ikeia no ma ke Keena o ka Hope Akena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
No na hoakaka aku i koe e ninau ae ma ke keena o ka Hope Akena. Mr. J. M. Lydgate, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
Hanaia ma Honolulu, T. H. maloko o ke keena o ke Komisina o na Aina Aupuni, i keia la 8 o Okatoba, A. D. 1923.
C. T. BAILEY,
Komisina o na Aina Aupuni, 6577-Oct. 11, 25.
HOOLAHA MANAWALEA
Ke hoikeia aku nei ka lohe ma keia i na lala apau o ka Hui Kokua a Hookuonoono o na Wahine Oiwi Hawaii e lulu koke mai i ka Hapalua Dala manawalea no ko kakou hoahanau Mrs. Kakeo Hinch i haalele mai i keia ola ana ma ka la 28 o Sepatemaba, 1923, a haawi ae ia Miss Helen Allen.
MRS. MAIKAI KALEO,
Kakauolelo Moolelo H. K. H. O. W. H.
6578-Oct. 18, 25.
CITY MILL CO.
KEKAHI O NA HUI KAHIKO LOA MA HONOLULU NEI.
Poe kuai Papa, Pilihale, na iako Paipu, na Laau Puka Aniani me Panipuka, iako Pili hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii ana, me na hookaa liilii.
O KA OI LOA AKU NO KA POE HOOKUONOONO.
Mai Poina ---- Hele Mai Ia Makou
Kihi o na Alanui Moiwahine me Kekaulike. Honolulu, T. H.
HOOMAKA ME KA APANA
$700 -- Lot on Libby Road, Kalihi-kai. $20 down, $10 per month.
800 -- Lot 50x100. Mauna Loa Ave.,
Ocean View tract. $50 down, $10 per month.
$1600 -- Corner lot 100x100, Ocean View tract, $100 down, $20
per month.
$700 -- Lot. Dow St., Nuuanu; $20.00 down, 10 per month.
$936 -- Lot 50x100 8 th Av., Kaimuki; $20 down, $10 per month
$750 -- Lot @0x100, Mauna @@ Ave.; $20 down, 10 per month
$900 -- Lot 50x150, Ocean View Tract; near 18 th Ave.; $20 down
$10 per month.
$1800 -- Lot 50x200, 8 th Ave., near fin-provement district; $50 down
$20 per month
Ask C. W. Carpenter with
PAULO KALAUKA
(P. E. R. STRAUCH)
Alanui Moi, Helu 74, Mawaena o na Alanui Pau ame Betela.
Keena Hawaii
NO NA
Lako Hana Mahiko
Hapuku Kila Oliver
Chilled ame na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA UKANA ME KALAKA ME KA HANA HOU ANA
Schuman Carriage Co., Ltd.
Na Paionia o na Hana Halihali o Hawaii nei.
KA VICTROLA
- Ka Meakani Mele Kilakila – he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
a me na mea apau pili i na mele.
Bergstrom Music Co.
1020 Alanui Papu Honolulu
HALE UWI WAIU
MAPULEHU
PUKOO, MOLOKAI
E Hooholo Ana i ka
MOKUKUNA GESOLINA
LELEIONA
Mawaena o na Awa o Honolulu me Molokai
Geo. P. Cooke,
ONA.
Poe Lawe Hau me Waiu
E KUAI I KOU MAU
Pono Hale
me ka
Hawaii Furniture Co.
Helu 459 Alanui Moi
kokeke i ke kihi o ke Alanui Liliha
He oluolu na kukai olelo ala.
T. O. MURATA FURNITURE STORE
(Na noho hoolimalima me iako pa maanei.)
Na Lako Hale Hou me Kahiko.
Hoolimalima me Kuai Hoolilo.
715 Alanui Hema, Honolulu, T. H.
Kelepona 1695.
Ka Pila
GRAFONOLA COLUMBIA
Maopopo ka Wa e Pau Ai
Na ka mea hoopaa nona iho e
nakaala ia @@ nou. Ua hiki
ia oe ke hulahula ahiki i ka huaolelo pe loa.
Uku Liilii ke Makemakeia
Thayer Piano Co.,
LIMITED.
148-150 Alanui Hokele
Kakela & Kuke
(KAUPALENAAIA)
Poe Kalepa ma ke Komisina
A III
Poe Agena no na Mahiko Lehulehu
PAPA NA LAKO KUKULU HALE
No ka hoahu ana i kou wai ma na Pahu Wai Papa Ulaula o 5000 a 10000 Galani. E hoolakoia aku no na kumukuai ame na hoakaka ia oe ke noi mai.
ALLEN & ROBINSON, LTD.
HONOLULU, T. H.
Nupepa Kuokoa
No ka makahiki (one year).................$2.50
O na Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu, T. H.
217 Alanui Moi ma Waikiki o ke Alanui Alakea; ka Nupepa Advertiser.
Entered at the Post Office at Honolulu, T. H., as Second Class Meter.
SOLOMON HANOHANO, Luna hooponopono
CHARLES S. CRANE., Luna Nui