Ka Nupepa Kuokoa, Volume LXII, Number 43, 25 October 1923 — KA HOOPII HELU BALOKA A KA MAKAI NUI ROSE [ARTICLE]

KA HOOPII HELU BALOKA A KA MAKAI NUI ROSE

Ma ke koho baloka wae moho o na luna oihana o ke Kulanakauhale a Kalana o Honolulu nei i hala aku la, ke koho baloka i waeia ae ai o David K. Trask i moho makai nui, ma ka aoao Demokarata, pela hoi o Edward Hopkins i moho makai nui ma ka aoao Repubalika; aia anei he epa ame mānao kolohe, ma ka aoao o na lunanana koho baloka, ke kumu i haule ai ka Makai Nui Rose; aoke kahua nui hoi i ku ai ka hoopii hooahlahala e noi ana i ka aha kiekie e helu hou īa na baloka o Trask ame Rose? I kulike ai me na hoike i loaa mai i keia keena, mai na lunanana koho baloka mai, o kekahi mau mahele koho, a mai na luna hooikaika ponoi mai o ka Makai Nni Rose, aole loa lakou i ike i kekahi mau hana kolohe, a hoopilimeaai paha i lawelaweia; ina o ka mea pololei ia, alaila no keaha mai keia kumu hoohalahala e helu hou ia na baloka? Eia no ka pane maopopo loa, ua haawi maoli na hoaloha o ka Makai Nui Rose, i ka lakou mau hooikaika ana ma na ano apau, e hoomauia aku kona noho poo ana no ka oihana makai o Honolulu nei, a i ko lakou ike ana ua haule ka lakou moho o ka hooikaika ana, o ka manaolana hope loa a lakou i kauka'i aku ai, o ia no ka aha kiekie, kahi e helu hou īa ai na haloka o na moho makai nui, he manaolana uuku loa nae, e loaa ole ai he lanakila i ka moho i haule; no ka mea ua heluia na baloka me ka pololei, a ua kiolaia aku hoi kekahi mau haloka, mamuli o na kumu kupono, elike me ke kauoha a ke kanawai, aole me ka manao kolohe. O ka lanakila mau ana o ka Makai Nui Rose, iloko o na kau koho baloka lehulehu aku nei i hala, he lanakila ia 1 haawiia aku e ka hapanui o na mana koho baloka, mai na Demokarata a na Repubal*ika; a o kona haulehia ana ma ke koho baloka wae moho aku nei i hala, mamuli no ia o ka makemake maoli o ka poe na lakou i hoonoho aku iaia ma ke poo o ka oihana makai; nolaila o ka manao ana iho, ua haulehia oia, ma 0 na hana hemahema a hawawa paha ma ka aoao o na lunanana koho baloka, o kekahi ia o na manao kuihhewa. He paio o ke ano hoaloha, ka i hooukaia e na moho 1 alualu aku i na kulana oihana iloko o na aoao kalaiaina pakahi; o ke kalaiaina naauao, aole o ke kupaka mai e loaa ka lanakila ma ka hoopii ana e helu hou ia na baloka, aka o ke kakoo mai 1 ka moho a ka aoao kalaiaina i wae ae ai; ma ia ano auanei c umeia aku ana na manao mahalo o ka lehulehu 110 ke kahua a ka Makai Nui Rose i ku ai. O ka loaa o ka la akila, a lanakila ole paha la Rose, ma ka helu hou ia ana aku o na baloka i kohoia nona ame Trask, he ninau ia na keia mua aku e hoike mai, hookahi nae mea ano nui i hookahuaia iloko o ka noonoo o ka hapanui o na mana koho, iloko o keia manawa, o ia no ka hoomahuahuaia ana ae o na manao e ku-e aku ana i ka Makai Nui Rose 1 01 ae i ko ka manawa, mamua aku o ke koho baloka wae moho. Ma kela lioopii hoohalahala a ka Makai Nui Rose imua o ka aha kiekie e helu hou ia na baloka i kohoia nona ame Trask. no ke kiola hewa ia ana, a no ka helu hewa ia ana paha o na baloka. ma kekahi mau mahele koho, ua like no ia me ka olelo ana ae, i ka pololei ole o na lunanana o kela mau mahele koho, ma ka lawelawe ana i ka lakou hana. He kuleana i'o ko ka Makai Nui Rose e noi ai e helu hou ia na baloka, ina he mau kahua maopopo loa, o ke kolohe ame ka epa, ka i lawelaweia ma kekahi mau mahele koho, a o kona kumu ia oka haule ana; a ke manaoio nei ke Kuokoa, e hoopuka mai ana ka aha kiekie i kana olelo hooholo, no kela noi, malalo wale no o na hooiaio ana, he mea kekahi o ia ano i ikeia, a i hana maoli ia; ina aole ela, alaila. e ku aku ka hopena o ke koho baloka aku la i hala, a e lilo ka Makai Nui Rose. i mea kokua i kona hoa paio, a o ka moho hoi a kona aoao kalaiaina i wae ae ai 110 ke kulana makai nui.