Ka Nupepa Kuokoa, Volume LXII, Number 43, 25 October 1923 — KE KUMU O KA LANAKILA O TRASK MALUNA O ROSE. [ARTICLE]

KE KUMU O KA LANAKILA O TRASK MALUNA O ROSE.

Aole he kumu nui e ae o ka loaa ana o ka lanakila ia Trask, maluna o ka Makai Nui Rose, no ke kulana makai nui, mamuli no ia o ka lele ana aku o kekahi mahele nui o na Repubalika, a koho iaia, me ka manaoio, he oi aku ka pono, e haule o Rose ma ke koho wae moho, mamua o ke koho haloka nui, ina nei oia ana ka moho e wa.eia ma ka aoao Demokarata. O ka ninau nae no keia koho baloka nui e hoea mai ana, e hoomau ana anei na Repubalika, i« ke koho ana ia Trask, a haalele i ka moho makai nui o ko lakou aoao kalaiaina iho? Ina me kela manao paa e haule o Rose, ma ke koho haloka wae moho, i haawi aku ai lakou i na kakoo ana ia Trask, alaila ua hookoia ko lakou makemake, a ua maha ko lakou noonoo, a ma ke ano he poe Repubalika ua ili iho ke ko'iko'i maluna o na Repubalika apau, ke kakoo piha ana i ka moho ma ko lakou aoao kalakina, ma keia kau koho ae e hoea mai Mawaena o Trask ame Hopkins he mau kanaka opio laua i malihini i ka oihana makai, he mau kanaka nae i ku mai imua o na mana koho, a hooaa mai iā laua iho, e hookele i ka oihana makai, ma ke ano kupono a makaukau, e hooko pono ana i ke kanawai, a e malama ana i ka maluhia, nolaila e hoomanao i keia mea oiaio, maluna auanei o Hopkins ame kona aoao kalaiaina, na mahalo e haawiia aku ai e na makaainana o Honolulu nei, ina e kohoia ana oia i poo no ka oiahna makai, a i hiki hoi ke hooko i kana mau mea apau i hooia mai ai imua o na mana koho ba!oka a o ia mahalo hookahi ke loaa ana ia Trask, ma kona ano he Demokarata ame kona aoao kalaiana. Ua kweluwelu ka ikaika o ka mikini kalaiaina o ka oihana makai; aole mamuli o ka mana wawahi o Trask, aka mamuli o ke kokua ana aku o na Repubalika iaia; nolaila maluna iho 0 na Repubalika apau ke ko'iko'i o ka hapai ana aku i ka lakou moho makai nui, a hoonoho ae, ma kahi o ka makalua o ka mikini a lakou i hoolilo ai i kona ikaika i mea ole i keia la. Ina e komo na mea e a'oia nei iloko o keia mau la, e ni aoao kalaiaina o kakou, imua o ka lehulehu, e koho pololei 1 na moho o na aoao kalaiaina pakahi, aole he manaolana no na moho Demokarata, no ka lanakila o kekahi o lakou, no ka mea o ka aoao Repubalika, ka aoao ikaika ma Oahu nei; aole nae pela ka mea i ike mau ia, ua kapaeia ae ia mau a'o ana, e ka poe i komo kino ole aku iloko o na hooikaika kalaiaina ana, a ua koho lakou elike me ka lakou i ike ai he pono; pela aku no auanei ke koho baloka e hoea mai ana. He mau kumu hoohalahala hou kekahi i hoikeia ae e Mr. Trask, e ku-e ana i ka Makaikiu McDuffie, no kona kupono ole e hoomauia aku ma ke poo o ka oihana makaikiu o ka pololei ame ka pololei ole o ia mau kumu hoohalahala, ke ake nei ka lehulehu, e hua'iia ae na mea oiaio apau imua o ke akea!