Ka Nupepa Kuokoa, Volume LXII, Number 43, 25 October 1923 — Nuhou Kuwaho [ARTICLE]

Nuhou Kuwaho

OKLAHOMA, Oct. 15—He olelo hooholo i hookomoia ae iloko o ka hale o na lunamakaainana i keia la e kauoha ana no ka ninaninau ana i na hoa apau o ka hale i mea e maopopo ai ko lakou kulana he lala no ka Ahahui Ku Klux Klan a aole paha ka i hoomoeia ma ka papa mahope o ke kukaia ana no ekolu minuke. WAKINEKONA, Oct. 18.—ITa aponoia mai ka poloai a ka Peresidena Coolidge e na kiaaina o na mokuaina 32 no ka akoakoa ana mai ma kekahi aha kuka maanei m& ka Poaono maluna o ke kumuhana ka jhooko ana i ke kanawai. He elua mau kiaaina e ae' i hoouna mai i ka laua mau elele. KAPALAKIKO, Oct. 18.—Ma ka halawai a ka Ahahui a na Freemasons Pake o ke ao i keia la maanei $100,000 i luluia a ua hoohiki na lala e lulu a piha ka $400,000 no ke kukulu ana i heiau nona na hoolilo $1,000,000 no ka maluhia ma Bhanghai.