Ka Nupepa Kuokoa, Volume LXII, Number 43, 25 October 1923 — HOOKUUIA O AKIONA E KE KIURE O MAUI. [ARTICLE]

HOOKUUIA O AKIONA E KE KIURE O MAUI.

Ma ka noho ana mai nei a ka papa kiure o ka Aha Kaapuni o ke Kalana o Matli ma ka pnle i hala e hoolohe i ka hihia o Peter Akiona i hoopiiia ae ai he hewa hoeha me ka mea eha ku i ka make, no ka make ana o Sam McCorriston o Molokai, ua ike ka papa kiure i ka pili ole o ka hewa iaia ma ka oleloiko a na hoike a ua hookuuia o Akiona. He manawa aku nei i hala ua ala ae la lie hoopaapaa mawaena o Aki,ona ame Sam McCorriBton, a iloko o ia manawa wela o ka inaina ua ku'iia aku o McCorriston e Akiona ma ka auwae a ma kahi o ka puuwai, a ma ka oleloia mamuli o kela ku'iia ana o McCorriston ke kumu o kona make ana. Mahope iho o ka make apa o McCorristonua noho ka aha kiure a ke koronero e nielo pono i ke kumu o ka make ana, a ua hooholo ke kiure he laweola ko Akiona hihia, aka nae ma ka noonoo hou ana i hooholoia ai e hookolokoloia o Akiona no ka hewa hoeha me ka mea eha ku i ka make. No ia hewa o Akiona i hookolokoloia ai a hookuuia mai la e kc kiure.