Ka Nupepa Kuokoa, Volume LXII, Number 44, 1 November 1923 — Page 7

Ka Nupepa Kuokoa

 

Makalei, ka laau Pii O@a a ka I'a o Moaula Nui Akea i Kaulana.

 

            I ka ike ana mai o Niula i ke ku@ @@@@a pa mai la kona leo kahea

            "Maloko mai, he ha'o hoi ke ki@@ ana mai; e na kaikamahine i ka @@@ nei."

            I lawe mai la au e hoike ia oe ka wahine a ke Konohiki Alii e @@@@ aku ai i keia ahiahi, a o ka @akuahine hoi o ko moopuna e no@@ aku ai, oiai ua lawe a la no na @ iaia i kama na laua, a kama @@ hoi na ia nei.

            "Auhea kuu puoio i haawi aku @@ oe e malama?" wahi a Hau@@@.

            "Auwe!" wahi a Niula, "ei ae @@ iloko o kona wahi, o ka'u nae @ ha'oha'o ai, i keia wanaao wale, @@@ ana au i keia leo walaau, a ke aku au i ka papaleia ana ae o ka ahu e kau mai la, a oili mai ana keia mau kaikamahine alua. @@@kahi ma mo'a ka pulehu, a o ka @@ ua puukoa ka manu i ka lua o Puulele ka puu. ua hookanaka i @@ @@@@ o K@@@.

            "Haele mai nei no a ku ma kuu @@@ o ka mea nui o laua ka i olelo mai ia'u "Auhea oe e ka Niauula, eia mai ke hele nei i ka hi@wai kakahi aka me ke alii, elike me ke kau@@. a hoi mai no maua, o ko laua paka aku la no ia hele.

            "Ia laua nae i hala aka ai akahi @@ au a hoomanao ae i ko puolo au i haawi ami ai. a'u no hoi i ike

Ke Alahele o ka Buke Kikoo

 

            O ka moohelu kikoo maloko o ka banako aole wale e hoopakele ana ia i ka manawa ame ka pilikia aka e kaohi ana ia ma na hoolilo ano ole hooikaika ae i kou kuleana aie a hoomahuahua ae i kou kulana iloko o ka pohai.

            Ina aole ou moohelu kikoo, e hauoli ana makou e wehe i moohelu nou

           

The Bank of Bishop & Co., Ltd.

 

Ka Banako Kahiko Loa ma Hawaii nei.

Kukuluia i ka 1858.

 

HUINA WAIWAIPAA HE $16,000,000.00 A OI.

 

MAI KALI A PAA KAU BUKE BANAKO I KA UHIIA E KA PUNAWELEWELE

 

            O ka hapanui o na kanaka ua maa loa i ke kali a loaa nui mai ka lakou dala, alaila hookomo hou aku ma ka banako no ka hoopu'ipu'i hou ana aku i ka lakou mau hoahu liilii

            E haalele loa ia mau manao ana pela, a e hoomau i ka hoahu liilii ana elike me ka hiki ia oe.

            O na huina dala mahuahua ma kou home a i ole ia iloko peha o kou mau pakeke, he mau mea ia e lilo ma'uwale ana i kekahi manawa.

            UA MAKAUKAU MAU MAKOU E LAWE MAI I KAU MAU HOAHU LIILII.

 

Chinese-American Bank

Kihi o na Alunui Moi ame Nuuanu.                                                                            Honolulu, T. H.

 

@@ahu Leka 2000                                                                                                                 Kelepona 6119

 

ai me ko'u mau maka ponoi, he hapuu i maopopo ole ia'u ka manawa.

            "O ia hana ana no a'u i ka pulo'ulo'u a kau ka paku hoomoe iaia, o ka pau ana ia o ko'u hoomanao ana, poina mai la ka luahina a palaka pu, i ku no paha ka haupu ae i ka loheia aku o ka leo uwe, uhi ka poina palaka nanea ka noho, ahiki i kuu ike ana i keia kakahiaka, akahi no au a noonoo ae.

            "Ia laua nae i hala aku ai, hele aku la au e nana i ka bebe, he mea e ko'u hauli lele, i kuu wa i papale aku ai i ka pulo'ulo'u, aole ke kaikamahine au i haawi mai ai; a noonoo iho la no hoi au i kou ano aiwaiwa e kuu kumulani, manao ae la no hoi au, o oe no ka i kii mai i keia kakahiaka."

            Akaaka mai la o Haumea a olelo aku la ia Niula:

            "No ia hapuu hoi au i ike iho la keia halelau, ame ka pahu kapu a'u i kau ai, i ole e ikeia ke ano ke kanaka he poeleele he pouli@@. e ku'i ka honua no Wahineka@@ na'u.

            Nolaila i lawe mai la au i ka makuahine o ka hapuu i ike oe, a o ka wahine hoi a ke konohiki alii o kahi a kaua e noho nei, a i pa'i au i ka opu oia nei i kama nana, i noho a ulu kalina ia Oahu nui.

            "E hele aku maua e ike i ko hoa noho in a ua hoi mai nei."

            "Aole au i ike i ka hoi ana mai ahiki wale mai la olua, ua kahiku ka la iluna," wahi a Niula.

            "Anoai paha ua paia kou maka a o ke ano no hoi o kakou ka luahine hapopo mai na maka, ike ole, oe i ka hoi ana mai, aia no ua lani nei la ke waiho kahelahela mai la ka laua o Kapaa, i ka luhi o ka hiuwai o Waiauia."

            Eu ae la o Haumea me ka olelo ana iho i ke aikane.

            "E hele hoi paha kaua ma kahi e kau mai la ka paku, i ike hoi oe i ka hua a ke aloha a kaua a'u i hana epa ai ia oe, i kumu e kuonoono ai ka lua o Kuhaimoana, ke kae'ae'a o Kaula i na moku.

            "I hakalia a moku ka piko kawow a Hanalei, hiolo ka waimaka noniula o ka lehua, o ko kaua hii moopuna no ia, eia no i ko kaua mau la opuu," wahi a ka eu, ia Kahauolopua.

            "O ia hoi kuu mea e olelo aku nei ia oe, na'u ka oni naue Nuumealani ka aina o ke namu, ame ke Nawa."

            Na Haumea ma ka Lele i kahi o ka pulo'ulo'u, hookahi ka eu pu ana me Niula.

            Ia Haumea i pale ae ai i ka paku a waihowale ka pulo'ulo'u e kau ana, nana like aku la lakou i ke kama e moe ana, ua kaia e ka hiamoe Lookolono a ke aiwaiwa.

            I ka ike ana aku o Kahauolopua i keia kaikamahine ua nui nepunepu ke kino, olelo iho la oia iloko ona.

            "I hele mai nei hoi au e ike i ka hua mai kuu puhaka aku, elike me ka olelo a ua aikanae nei, eia ka hoi he okoa ka hana a ua halekipa nei o'u, na hai paha neia kaikamahine, i keia eu hoi keia lilo, a o ka maua hoi waihoia aku la paha me ia poe kupanaha no hoi na hana ho'epa a ka'u aikane."

            Oiai nae o Kahauolopua e nalu nei iloko on a i keia mau olelo, me ke kau no o kona maka i ke kaikamahine e moe kahela mai la, ia wa i huli mai ai o Haumea a nana i ke aikane, a pane mai la:

            Kupanaha no hoi oe e kuu aikane i ka la hiuwai o ke Koolau nei, o kou hoole iho la no ka hoi ia i ka kaua kaikamahine, ka mea a kaua i luhi wahine ai. Heaha hoi kou mea o ka hoole ana?" wahi a Haumea i ke aikane.

            "Auwe!" wahi a Kahauolopua, ua ike mai la no ka hoi oe.

            "He kumu paha ko'u hoole ana aole keia o ka kaua, no ka mea i kela mau la aku nei no la i pa'i mai ai oe ia'u, a ike pu no hoi i ke kama, a o keia hoi ua helelei ka hulu pue o ka A'o noholua, a kou na hulu i ko kiki, owai ole pahaohao no hoi o'u, a kanalua no hoi."

            "I kuu hoike aku no ka hoi ia oe i na mea apau, o kou hoomaloka iho la no ka hoi ia, he liilii kino aka hoi paha no ke awa, aole e emo kakala ka hi'u, a ke ike pu ae la no oe la i ka hana a kau aikane, no ka mea aole oe i ike i ka hookumuia ana o keia hana nui, aka i mea e hookoia ai kuu makemake, e laha na mamo a Haumea nui a ke aiwaiwa, pela au i lawe ai ia oe i hale no'u. a hoohihia ia oe me ke alii konohiki o Kailua, nei, iloko o ka moeuhane, au ame ia i kuhihewa ai, he moeuhane wale no! Aia nae oe a ike ia mea maikai:

            I aloha i ke ko a ka wai la,

            I ka i mai anu maua la,

            Ua anu ka pua o ka ilima la,

            Ka wahine noho anu i ke kula la,

            Aluna au o Poliahu la,

            Ahuwale kai o Wailua la,

            Luaole ka hana a ka makani la,

            A ke kiu kee o na pali la,

            Pa iho i ke kai o Puna la,

            Ko Puna mea maa mau ia la,

            Pau ai ko'u lihi hoihoi la,

            I ka wai awili me ke kai la,

            Ke ono hou nei kuu puu la,

            I ka wai hu'ihu'i o uka la,

            Wai hone i ke kumu o ka pali la,

            I malu i ka lau kukui la,

            Ka ilima lei a ke aloha la,

            A'u i kau nui aku ai la,

            I ka nani oi o ia pua la,

            Kuu pua omau a paa la,

            Hoapili no nei puuwai la,

            Haina kuu le hiehie la,

            Ka hoene leo le'a a ka wai la.

            "Akahi no oe a manao iho, ua holu Waimea i ka ua Kukupa'u o Hanakahi.

            "Ia'u nae ua maopopo mua ia'u ia mea. oiai he hou oe, he i'a moe ahiahi, wahi a ka olelo. A ke ike nei oe i ko lei, a o kuu pulapula hoi a'u i onou aku ai ia oe, i puka

 

8 Keneka

"EIA KA BILA NO KA HOIAIO ANA"

 

O ka paona o na i'o Hipa uha mua.

Ma na Poakolu apau

 

"Pehea ia no ka Hooemi Ana Mai i ko Kaua Lilo?"

            Heaha mai auanei kau, ua manao au eia au ke ai nei i na i'o piiloa. He palupalu maoli no kela i'o hipa a he ku maoli no i ka ono."

 

No ka Waiu Bata Ono "MAILE" he 60c

wale no o ka paona.

 

Metropolitan Meat Market

Ma ka aoao Waikiki o ke kihi o na Alanui Bekela ame Moi

 

ka kaua mamo i ke ao malamalama, i noho a lulana i Hauo'a ke ala wele a ke kaupu, ka manu nana e popo'i ke aewa o ka lani.

            "Ua ike iho la oe iaia, aole nae oe e hoopa aku i ko hapuu, oiai oia e noho ana iloko o kuu paehumu; aia a hoao au ia olua me ke kane a kaua i keia po, a mahope iho o ia manawa, e ike ai oe ame ke kane a kaua iaia ame kona kokoolua a'u i kauoha ai nana e lawe mai a hui olua i ke akea.

            "Nolaila e hoi kaua ahiki i ka hale, a na'u e olelo aku i na kane alii a kaua, e hoi laua i ko laua halealii, (Kamakaokauluhenui hiki kolo iuka), a noho no hoi oe i ko kaua kapu, a na'u e paku i kou ipuka me kuu kino aiwaiwa."

            Puka mi la laua mai ka halemai o Niula, a hoi aku la no kahi a Olomana ma e noho mai ana.

            Ia Kahauolopua ma no ahiki pa e ana no ka leo o ke alii konohiki:

            "Hikiwawe no ka hoi ka olua huakaihele e nalii!"

            "E ka la hoi ka hikiwawe, eia ihope nei e Mikihilina, ka mea nana e kaohi i ka puuwai o Lokalia, a o ia no hoi paha ko maua kumu i hoi koke mai la," wahi a Haumea e kakahele nei i ka olelo.

            "Auhea mai olua e nalii, e waiho kakou i ke alii wahine a olua e noho i kona kapu, a e hoomakaukau hoi nona, a e hoi no hoi olua i ka hale alii o Kamaka o ka uluhe, ilaila olua e noho ai ahiki i kuu hele ana aku e hui me olua.

            "E noho ae hoi au e kuka me kuu aikane i ka mea pono no maua e hana ai i makaukau, mamua o ka hiki ana mai o ke ano ahiahi, ka wa hoi a'u e hooko aku ai i ka hana nui a olua i hooili mai ai na'u e auamo, in a he huihui kalo, aole au e ae, aole hoi o hihi, he huihui niu iluna no ia e lewa ai, pi'o nae ka lau o ka ohai kuhela i Mana."

            I ka lohe ana o nalii i keia mau olelo hoinainau mea ipo a ka laua malihini e kuhihewa nei, ua nee ae la nalii i ka akaaka, a olelo mai la o Ahiki i ke aikane hoepa a ka laua wahine.

            "Kupanaha no hoi kau olelo e ka maua malihini, i kau mau olelo no moni e ka haae o ko ha'i puu, o ka ono hoi kena o ka olelo e nele ai ka hapai o,

            Eia ke kuko ka li'a i ka manawa,

            He hiamoe ko'u hoala ana oe,

            O oe ia e ka laua'e kukila i ka pali,

            Ke hoe manu ea la i ke kuahiwi,

            "I kau mau olelo no, ulu ae la ka manao a loko, ma he mea la e olelo okoa mai ana no oe ia maua me kuu lani alii nei.

            Ua pono oe he aina kai Wailua i ka hau,

            Ke olelo wale ua no i ka lani,

            Lohe ka uka o Kapehu i Ku ka niloko,

            Iloko iwaho kaua la e ke hoa,

            I kahi e pau ai o ka oni,

            Oni ana i ka manawa o ka ilio,

            He ilio have ke nahu nei e puka.

            "Kahuhu he keu no hoi olua e kuu mau haku lani kamaaina, o kuu hoonenehiwa ka hoi i ka'u aikane oiai maua e hookamaaina pono ana ia maua iho, eia ka hoi he mea ia e hoolaau ai o akpehu i ka lipo naele o Kukaniloko, o ia nae hoi he ai haaheo ia na ka manu.

 

KE KILOHANA POOKELA NO KA LAHUI HAWAII.

            "Auhea olua e kuu mau kamaaina e hookuu mai hoi olua ia maua e hooponopono ae hoi au me ka wahine a kakou i makaukau oia, alaila kee aku au ia olua e hele i ka hiuwai i ka Neki o Mokulana."

            Ku ai la na lii a hoi aku la i ko laua hale alii, kahi hoi a ko laua aloalii e luakaha ana, a e nolu ana hoi na olelo elike me ke ano mau o ke alo alii.

            Ia Ahiki ma i hala aku ai, olelo aku la o Haumea i ke aikane; "O na mea apau ma kou aoao ua makaukau, a o kau kauoha wale no ia oe, aole oe e haalele i ka hale nei, ahiki i kuu hiki hou ana mai.

            "E hele ae au e hui me na kane kaua, a kuka hoi me laua i na mea apau e pili ana no ko olua manawa hoao."

            Puka mai la oia a hoi aku la i kona hale, iaia i hiki aku ai, ike aku la ia Haipu e noho ana, ame Kahinihinila iluna o Kuliaikanuu, ua hele no hoi na hiona o ke keiki a,

            Maholehole ka ili o ka lamakea,

            Kahe mai ke koko ula o ke kuikui.

            Minoaka iho la na papalina o ua eu nei, me ke kahea ana aku i ka inoa o kana pua, nana i hoauana i ka manao o ke konohiki o Wailua ame ke alii nona na pali hauliuli o ke Koolau.

            "E Kahinihiniula i ka maka o ke ahi e, i noho oe ahiki mai ka elele mai au mai hele ae oe me ia nei. Auhea ka laau hooonaona a kaua?" wahi a Haumea.

            "Ua laweia e au e kukulu i ka makaha o ka loko o Kawainui, ma kahi no au i ae ai i ka la mua loa a nalo ai ka ia o ka loko o ke alii."

            "Ua pono e hele ae au e hui me ua mau makua hookama nei ou, a nau ia e hoeu aku ia laua, i ike i ka hopena o ka ike ame ka mana o ke kahuna o laua i hoike ai ke akaku o ke kahoaka a ka po iaia, a i pau ai hoi ko laua manao, aia a loaa oe, alaila lawe ia oe i Hanaukama na laua, o oe nae ka laua hanau kama, pupupu laolao ke one o Kahakahakea, i ka hua nonolau a kapaia Kinilau, ka anoano ipu awaawa i ka maka o ka opua.

            "E noho oe i ka awaawa o ike kapuhilu onionio a ka po, a e h@le ae hoi au e hui me ou mau makuakane."

            Puka aku la oia hele no kahi a na lii e noho ana me ko laua alo alii, a e nunua ana no hoi i na olelo. A hala o Kaumea, olelo mai la o Haipu ia Kahinihiniula, "auhea oe e kuu hoahele o ke kai loa, eia ka he hana nui hou no keia a ua kumuhonua nei ou."

            "Ke aha la wahi a ka ninau a Kahinihiniula.

            "Aole ka oe i hoomaopopo i ka olelo ana mai nei ia oe, o oe ke keiki hookama a nalii pupupu keiki i ke alo o ko mau makuakane mai ia oe aku."

            O Kapaiakinilau he ao opua ia iloko o ka papa kilo lani a o ke ano o ia ao, ua like me ka anoano  o ka ipuawaawa, i ka wa e kanuia ai ka anoano ipa awaawa a e kau ana keia ao opua, aia ahiki i ka wa e hua ai, ia wa e ikeia ai ka nui o ka hua o ka ipu, a e hua ana hoii na ano ipu like ole, mai ke nui a ka liilii, mai ka loloa a ka pokonou, a ike ka poe ike i ke ano o ka hua o ka ipu, ia wa lakou e olelo ai, laki no ua haule ka anoano i ka lepo i ka wa e kau ana o Kapaiakinilau kelii.

            "A o ia mau olelo au i lohe aku la, o ia ke kumu o ko hoihoiia ana mai nei e noho iluna o ka paepae kapu on a," wahi a Haipu e hoakaka nei ia Kahinihiniula.

            "Ka e noho ana ka hoi kaua i ko apaa a ulu kalina i Honahuanui,"

            "Heaha hoi ko kaua pilikia ke noho pu, oiai ua hele pu, moepue, ai pu i ka kakou huakai, nou hoi ka hele, ukali mai olua, a ua ku ae la hoi kakou i ka moku, haha hoi ka mea o ke kaniuhu ana."

            "Ua maopopo no iau ko olua ano, aole no hoi he mea e lele ai ko olua oili, ke ae mai ke aiwaiwa i keia manao kuka o kaua."

(Aole i pau)

HE HOOMALKAI

            Mr. Sol. Hanohano, Aloha oe:-- E oluolu kou ahonui ame kou hanohano e hoolaha ae i keia mau wahi meahou maloko o kau elele ahonui a ka lehulehu o ia iho keia:

            Ma ka auwina la Sabati, hora 1:30 p.m., Augate 26, 1923, ua malamaia he paina ma ka home o ka ohana Aukai, no ka hoomanao ana i ka piha ana iau o na makahiki he 50. I ka wa i kokoke ae ai e kani ka hora 1:30 p.m., ua piha mai i na kaa otomobile, no ko lakou hiki ana mai e hauoli pu me au ka mea nona ka la, a ke hauoli nei au no kou ohana i hiki mai, a ke haawi pu aku nei au i kuu hoomaikai palena ole i ka poe apau i haawai mai i ka lakou mau makana me ke aloha, a na ke Akua e hoopomaikai i keia mau mea apau, a maluna o na papaina i luana iho ai na mea apau e hoopiha i k@alua o ka inaina, i na mea i hoomakaukauia e laa ka puaa kalua paa, ka moa me niu, ka ia lomilomi ame hee, limu, a o ka panina hope o na meaai o ia ka ice cream meaono, waimomona, ke haawi aku nei au i kuu hoomaikai palena ole i kuu mau kaikamahine na Misses H. Harrison na laua i lawe mai ke Jazz Band e hoohanohano i kou la hanau a ke hauoli pu nei au i kuu ohana no apau i hiki mai ma ia la e haawi pu i na hauoli ana me au, a na ke Akua i piha i ka lkomaikai e kiai ia kakou, a ma Kona inoa, e hauoli ai kakou apau.

            Me ke aloha,

                        E. K. AUKAI,

            Hakipuu, Koolaupoko, Oahu.

KA MAUA LEIALOHA UA HALA.

Mr. Solomon Hanohano, ka Lunanahooponopono o ka hiwahiwa a ka Ihui, ka Nupepa Kuokoa, aloha oe:-- E oluolu mai kou ahonui in a he wahi rumi kaawale kekahi e hookipa aku i nei puolo kaumaha o ka maua leialoha i haalele mai i keia ole honua ana, oia hoi o Gaberial Hinai, i wahi e ike mai ai kona poe makua ame kona poe kupuna.

            Ua haalele mai ka maua keialoha i kona mau makua ame kona kau kaikuaana, i ke kakahiaka Poakahi 7:30. Ua hoi hookahi aku kuu lei G. Hinai i kona home puanuanu, a waiho iho ia maua me ka ohana iloko o ke kaumaha ame ka luuluu.

            Ua hanauia o G. Hinai i ka la 18 o Maraki 1923, mai ka puhaka mai o Mr. @ame Mrs. Lausua.

            Ua piha i ku leialoha na mahina he 5 ame 10 la.. Auwa kuu aloha pauole i kuu keiki e! Ua piliia ka po ame ke ao me kuu lei. Aole au i manao e haalele koke mai ana ku keiki iau, aloha wale!

            Aloha e ka home o kuu mau kaikuaana e kahi au e lawe hele ai i kuu leialoha, ua pau kou lawe hele ana ia oe, ua nalowale kou helehelena mai kou mau makua aku, luuluu wale!

            Aloha ia no o Auld Lane, kahi au e hele ai me kuu keiki, ua pau ka kaua haulani ana, auwe kuu minamina i kuu keiki e!

            Ke haawi nei au i kou mahalo a nui loa i ka poe i hele mai e ike i kuu keiki.

            Ke hooki nei au i ka moolelo o kuu keiki me ke mahalo nui i ka lokomaikai o Mr. Solomon Hanohano ame kona poe keiki hoonohohua oloko o kona keena pai.

            O makou iho no kona mau makua.

                        MR. & MRS. LAUSUA

                        MR. & MRS. KAMAI,

Ma ke Kauoha.

HOOLAHA KUAI O KA HOOLIMALIMA AUPUNI

            Ma kei ke haawiia aku nei ka hoolaha akea ma ka hora 10:00 a.m., Poalima, Novemaba 23, 1923, ma ka puka komo mamua o ka Hale Kapitala, Honolulu, T. H., malaila e kuai hoolilo ia aku ai i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula no ke kula holoholona o na aina Aupuni ma Waianae, Oahu, elike me ia malalo iho nei:

Ilaina (Eka) (Oi aku a emi mai)

Mahele A, Koena Aina Aupuni ma ke Kualapa o Paheehee, Waianae, Oahu . . . . . . . . . . . . . . . . . . .  108.00

Mahele B, Koena Aina Aupuni ma ka Pali o Kuale, Waianae, Oahu . . . . . . . . . . . . . . . . . . . . . . . . . . . 48.50

Mahele C, Koena Aina Aupuni ma ka Pali o Kauaopuu, Waianae, Oahu . . . . . . . . . . . . . . . . . . . . . . .  28.36

Mahele D, Apana 12, na Aina Hookuonoono o Waianae, Puea, Waianae, Oahu . . . . . . . . . . . . . . . . . . 28.68

Mahele E, Na Apana 12, na Aina Hookuonoono o Waianae, Puea, Waianae, Oahu . . . . . . . . . . . . . .  111.87

Mahele F, Koena Aina Aupuni ma ke Kualapa o Paheehee, Waianae, Oahu . . . . . . . . . . . . . . . . . . . . .350.50

                                                                                    Huina iliaina . . . . . . . . . . . . . . . . . . . . . . . . . . .  675.91

            O ka hoolimalima e kuai hoolilo ia aku ana e kaa no ia malalo o na kumu aelike apau ame na kulana o na Hoolimalima Laula Aupuni i hoopukaia e ke Keena o ke Komisina o na Aina Aupuni, a e kaa pu hoi malalo o na kulana pakui e hookomoia aku ana maloko o ka hoolimalima e hoopukaia aku ana mamuli o keia kuai, elike me keia malalo iho:

            "No ka pakui ana aku i ke kulana e pili ana i ka pa ana, elike me ia i paa maloko o na Hoolimalima Laula Aupuni, e malama no ka mea e lilo ai, malalo o kona mau hoolilo ponoi, oiai ka manawa o keia hoolimalima e ku ana, i kekahi pa holoholona paa ma na palena o ka aina e hoolimalimai@ aku ana e kulike ana me na palena o ka Ululaau i Hookoeia o Waianaekai."

            "Ina e mahiia ana kekahi hapa o ka aina, e hoolimalimaia aku ana, e uku no ka iliaina i mahiia i ka uku hoolimalima o $5.00 no ka eka o ka makahiki no ke koena aku o ka manawa mai ka la aku o ka mahiia ana, mawaho ae o ka uku hoolimalima i hookaawaleia maloko o ka hoolimalima i oleloia."

E kaa keia kuai malalo o keia mau kulana mahope ae nei:

            (a) Manawa o ka hoolimalima, 21 makahiki mai Navemabe 23, 1923 aku.

            (b) Uku hoolimalima haahaa, $165.00 o ka makahiki, e uku hapamakahiki mua ia.

            © E uku mua ka mea e lilo ai, ma ka haule ana o ka hamare, i ka uku hoolimalima o na mahina mua eono, hui pu me na hoolilo apau o ka hoolaha ana ame na kaki e ae apau e pili ana me ka hoomakaukau ana i ka hoolimalima i oleloia.

            Hanaia ma Honolulu, T.H., maloko o ke Keena o ke Komisina o na Aina Aupuni, i keia la 23 o Okatoba, A.D. 1923.

6579--Oct. 25; Nov. 1

HOOLAHA KUAI O NA HOOLIMALIMA AUPUNI

            Ma keia ke haawiia aku nei ka hoolaha akea ma ka hora 10:00 a.m., Poakolu, Novemaba 28, 1923, ma ka puka komo mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka poe koho kiekie loa mallo o na manao o ka Pauku 73 o ke Kanawai Kumu o hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo 1917, na Hoolimalima Laula o na apana Aupuni malalo iho nei:

            1. Ka apana halekuia i haaleleia maloko o Kalaheo, e pili pu ana me na Apana 70 ame 75, na Aina Hookuonoono o Kalaheo, Kauai, nona ka iliaina o 2.82 eka, oi aku a emi mai paha. Uku hoolimalima haahaa, $35.00 o ka makahiki, e uku hapamakahiki mua ia.

            2. Apana 74C, na Apana Taona o Hanapepe, Hanapepe, kauai, nona ka iliaina o 4,950 kapuai kuea, oi  aku a emi mai paha. Uku hoolimalima haahaa, $25.00 o ka makahiki, e uku hapamakahiki mua ia.

            O na hoolimalima e kuai hoolilo ia aku ana e kaa no malalo o na kumu aelike apau ame na kulana o na Hoolimalima Laula Aupuni i hoopukia e ke Keena o ke Komisina o na Aina Aupuni.

            E kaa no keia kuai malalo o na kulana mahope ae nei:

            (a) Manawa o na hoolimalima, 15 makahiki pakahi mai Novemaba 28, 1923 aku.

            (b) E uku mua ka poe e lilo ai, ma ka haule ana o ka hamare i ka hoolimalima o na mahina mua eono, hui pu me na hoolilo apau o ka hoolaha ana me ka hoomakaukau ana i na hoolimalima i @leloia.

            O ke kii palapala aina e hoikeike ana i na apana e hoolimalimaia aku ana ame ke ano o ka Hoolimalima Laula Aupuni eia ke waiho nei ma kahi o na palapala a e ikeia no ma kahi o na palapala a e ikeia no ma ke Keena o ka Hope Akena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T.H.

            No na hoakaka aku i koe e ninau ae ma ke Keena o ka Hope Akena, Mr J.M. Lydgate, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T.H.

            Hanaia ma Honolulu, T.H., maloko o ke Keena o ke Komisina o na Aina Aupuni, i keia la 23 o Okatoba A.D. 1923.

6579-- Oct. 25; Nov. 1.

 

            O ka Poalua nei, Okatoba 16, a la hanau o ke Kamaliiwahine Kaiulani, a elike me ka hana i maa mau i na makahiki i halaka hoomanaoia o ia la e ke Kula Kaiulana, pela no ma keia Poalua iho la. Piha ia kula i na makua ame ka poe makaikai no ka nana ana i na hana hoikeike a ia kula. Malaila pu ae ka hana Hawaii.