Ka Nupepa Kuokoa, Volume LXII, Number 44, 1 November 1923 — KA MAUA LEIALOHA UA HALA. [ARTICLE]

KA MAUA LEIALOHA UA HALA.

Mr. Solomon Hanohano, ka Lunanahooponopono o ka hiwahiwa a ka Ihui, ka Nupepa Kuokoa, aloha oe:— E oluolu mai kou ahonui ina ho wahi rumi kaawale kekahi e hookipa aku i nei puolo kaumaha o ka maua leialoha i liaalele mai i keia ola honua ana, oia hoi o Gaberial Hinai, i wahi e ike mai ai kona poe makua ame kona poe kupuna. Ua haalele mai ka maua leialoha i kona mau makua ame kona mau kai: kuaana, i ke kakahiaka Poakahi 7:30. Ua hoi hookahi aku kuu lei G. Hinai i kona home puanuanu, a waiho iho ia maua me ka ohana iloko o ke kaumaha ame ka luuluu. Ua hanauia o G. Hinai i ka la 18 o Maraki 1923, mai ka puhaka mai 0 Mr. ame Mrs. Lauaua. Ua piha i kuu leialoha na mahina he o ame 10 la.. Auwe kuu aloha pauole i kuu keiki e! Ua piliia ka po ame ke ao me kuu lei. Aole au i manao e haalele koke mai ana kuu keiki ia'u, aloha wale! Aloha e ka home o kuu mau kaikuaana e, kahi a'u e lawe hele ai 1 kuu leialoha, ua pau ko'u lawe hele ana ia oe, ua nalowale kou helehelena mai ko'u mau makua aku, luuluu wale! Alolia ia no o Auld Lane, kahi a'u e hele ai me kuu keiki, ua pau ko kaua haulani ana, auwe kuu ininamina i kuu keiki e! Ke haawi nei au i ko'u mahalo a nui loa i ka poe i hele mai e ike i kuu keiki. Ke hooki nei au i ka moolelo o kuu keiki me ke mahalo nui i ka lokomaikai o Mr. Solomon Hanohano ame kona poe keiki hoonohoj hua oloko o kona keena pa'i. [ O makou iho no kona mau makua. | Mft. & MRS LAUBUA, ' MK, &. MRB. KAMAT,