Ka Nupepa Kuokoa, Volume LXII, Number 45, 8 November 1923 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

 

A-ia e ke Dala a Puka Kou Pakeke

 

            Aole hiki ia oe ke hookoe i kau dala ke lawe pu oe ia mea me oe. E nalowale aku ana ia ma ka hele liilii ana ahiki i kou neo ana me ka hiki ole ia oe ke hoomaopopo iho.

            O ke alahele maikai loa e hookoe ai o ia no ka hoahu ana iloko o ka banako. Alaila aole oe e hoolilo aku ana ia mea me ka noonoo ole a e pehu mau ae ana ia no kou pomaikai, no ka mea ke haawi nei makou 4 pakeneka ukupanee, me ke kuala o ia ukupanee i kela ame keia hapa makahiki, maluna o na dala i hoahuia @.

 

The Bank of Bishio & Co., Ltd.

 

Ka Banako Kahiko Loa ma Hawaii nei.

Kukuluia i ka 1858.

 

 

MAI KALI A PAA KAU BUKE BANAKO I KA UHIIA E KA PUNAWELEWELE

 

            O ka hapanui o na kanaka ua maa loa i ke kali a loaa nui mai ka lakou dala, alaila, hookomo hou aku ma ka banako no ka hoopu’ipu’i hou ana aku i ka lakou mau hoahu liilii.

            E haalele loa ia mau manao ana pela, a e hoomau i ka hoahu liilii ana elike me ka hiki ia oe.

            O na huina dala mahuahua ma kou home a i ole ia iloko paha o kou mau pakeke, he mau mea ia e lilo ma’uwale ana i kekahi manawa.

           

UA MAKAUKAU MAU MAKOU E LAWE MAI I KAU MAU HOAHU LIILII.

 

CHINESE-AMERICAN BANK

Kihi o na Alanui Moi ame Nuuanu                             Honolulu, T. H.

 

8 Keneka

 

“EIA KA BILA NO KA HOIAIO ANA”

 

o ka paona o na i’o Hipa uha mua.

--Ma na Poakolu apau—

 

“Pehea ia no ka Hooemi Ana Mai i ko Kaua Lilo?”

“Heaha mai auanei kau, ua manao au eia au ke ai nei i na i o pii loa. He palupalu maoli no kela i’o hipa a he ku maoli no i ka ono.”

No ka Waiu Bata Ono “MAILE” he 60c

WLAE NO O KA PAONA.

 

Metropolitan Meat Market

 

HAULE HE KEIKI KEPANI ILOKO O KA LUA MEAINO A MAKE

 

            Haule he keiki Kepani iloko o ka lua meaino, a me kona ike ole ia aia iloko, ua hahauia iho la he mau papa hou maluna iho o na papa i popopo. O keia ka moolelo i loaa mai i keia kulanakauhale mahope iho o ka haule ana o Yoshiki Kukeda, he keiki Kepani hele kula no Wahiawa, iloko o ka lua maeino mamuli o ka popopo o na papa o ka lua, o ka Hui Kaaahi ame Aina o honolulu, he lua e waiho ana ma ke kihi o ke kahua paani, a o kahi hoi a ke keiki o ka paani ana.

            No ka maopopo ole ia Hori, ka luna o ka hui kaaahi o ia mahele, ua hahau iho la oia he mau papa hou maluna o ka lua meaino ma kahi o na papa popopo. Ua piholo keia keiki a make a he mau hora lehulehu ma ia hope iho i loaa ai kona kino a hukiia ae iwaho.

            He keiki o Yoshiki na D. Fukeda kekahi o na kanaka hana o ka halehana waiu ma Wahiawa. Ua hoea aku la kela keiki i Wahiawa he manawa pokole wale no mamua aku. Ma ka Poakahi, ka la mua iho o ka loaa ana o kela ulia, ua nanaia oia e ke kauka huki niho o ke kula, ka mea nana i hana kekahi mea e pono ai no kona mau niho. No ka maka’u o keia keiki i ke kauka i holo ai oia e pee me ka huna ana i kona papale ame na buke, a holo mai ke kula aku, ma ka Poalua mai.

            Mamuli o kekahi ulia ua holo aku la kela keiki maluna o ka lua meaino (Sesspool) i uhiia me na papa popopo ia manawa, no ka popopo loa o na papa ua poholo iho la oia a haule ana iloko o ka lua. Ua lohe mai he wahine Kepani oia o Mrs. Hori, ka wahine a ka luna Kepani Hori, i ke pahu ana o kekahi mea kaumaha iloko o ka lua meaino, a ua manao oia o kana keiki paha, aka i ka manawa nae i loaa ai o kana keiki mahope mai ua pau loa kona noonoohou ana no kana mea o ka lohe ana, o kana mea wale no o ka hoike ana ae i ke kane o ia kona ike ana i ka puka maluna o ka lua mea ino.

            Ma ia po iho ua hoouluku nui ia ko Fukeda noonoo, ka makuakane o ke keiki no ka nalowale loa o kana keiki aole i hoi aku i ka hale mai ke kula aku. I ka loaa ana o ka makai Kauahikaua iaia hoike aku la i kona haohao nui no kanalowale honua ana o kana keike, a hoomaka aku la ka makai e huli aohe nae he loaa iki. Oiai e huliia ana ua hoomanao ae la o Mrs. Hori i kana mea o ka lohe ana i ke pahu iloko o ka lua mea ino, a hoike aku la i ke kane, a kauoha ae la o Hori i kona mau kanaka e wehewehe koke i na papa hou a lakou o ke kapili ana maluna o ka lua meaino ma ia la, a ia hemo ana ae loaa iho la ua keiki la iloko o ka lua ua make.

            O ka lua mea ino i hoohanaia e ka hale enekini o ka hui kaaahi he ekolu kapuai ka hohonu o ka aila crude iloko. Ua laweia mai ek kino o ke keiki i Wahiawa a kanuia ma ka hora 11 o ka Poakolu.

 

UA HALA I KE ALA HOI OLE MAI.

 

            E Mr. Lunahooponopono, Aloha oe:--E oluolu oe e hookomo iho ma kahi kaawale o ka hiwahiwa a ka lahui, i keia poomanao e kau ae la maluna i ike mai ai na makamaka, na hoaloha ame na ohana o kuu hanaumua Mrs. Julia Akoi, e noho ana ma ka la hiki ma Kumukahi, a ka welona a ka la i Lehua.

            Ua haalele mai kuu hanaumua ia makou ka ohana ma ka auwina la o ka Poaha Oct. 11, 1923, ma ka home hookuonoono o kana mau keiki Mr. ame Mrs. S. Kalele ma Papaaloa.

            Ua hanauia oia ma ka la 18 o Oct. 1877 ma Waiohinu, Kau, nolaila ua piha iaia na makahiki he 45, 11 mahina mae na la keu o ke ola ana ma keia ao.          

            Ua loihi no ka hoomailo ana a ka ma’i maluna ona, a ua huliia no hoi ke ola iwaena o na kauka like ole, eia nae ua poho wale, he mau la mamua aku o ka haule ana ua kauoha iho la oia i kana kane ame kana kaikamahine ina oia e haule, alaila e hoihoi no iaia i Moaula, Kau, oiai he aina paa ia o keia wahi hoi a lakou e nohonei he aina malihini, he mau la kakaikahi wale ae nei no ko lakou nee ana aku nei malaila, aka nae, mamuli o ka hooponopono ana o ka ohana ua hoopokoleia mai, a ua hoihoiia ma Olaa, oiai he nui na ohana i hala mua e waiho la malaila.

            Ua hoopomaikaiia mai no oia me na keiki ekolu e ola nei, elua keikikane hookahi kaikamahine, hookahi o kana mau keikikane aia i Kauai oia kana keiki mua.

            Ma ke kakahiaka o kela la i haule ai, oiai no au e nanea ana me ka haupu mua ole he pilikia kekahi, ua hoea mai la ka maua keiki, Mr. A. Aoki a olelo mai la e hele maua, pilikia loa o mama, pela i keleponaia mai nei, ua hoomakaukau iho la a kau aku la ma kona kaa no Papaaloa.

            I ko maua hiki ana aku, auwe ka mea mokumokuahua o ka naau i ka ike ana aku aohe wahi i koe oiai e ili wale ana no, he wa ia no ke kaumaha ame ka luuluu o na mea apau, he manawa pokole mahope iho o ka pau loa ae la no ia.

            Ma ka hora ehiku o ia kakahiaka, ua kau mai la au ma ke kaaahi no Hakalau nei no ke kii ana i ka palapala i ke kauka a no ka ha’i ana aku no hoi i ko’u ohana no keia pilikia malaila aku no Hilo a hoea hou i Hakalau nei ma ka hora 12, ma ka hora 1 a oi hoea mai ke kaaahi me ke kino lepo o kuu hanaumua oiai no au e kali ana ma ka hale hoolulu, haawi aku la i na pepa a ke kauka i ke kaikamahine a nonoi aku la iaia e hookuu mai ia’u oiai ua halawai mai a me a’u kekahi pilikia ma ko’u ola kino, a hoi mai la au me ka manao kaumaha no ka hiki ole ana ia’u ke ukali pu me kuu hanaumua no kona home lua ma Olaa.

            I ka hoopau ana ae i keia mau manao ke haawi nei au i ko’u hoomaikai palena ole i na makamaka i puulu pu mai me makou oiai makou iloko o ke kaumaha ame ka luuluu no ka makou mea aloha i hala, a na ka Haku no i hoopomaikai mai ia oukou apau, a Nana no iloko o Kona aloha e lawe aku i na kaumaha ame na luuluu i kau iho maluna omakou ka ohana, Amene.

            Owau no o kona pokii,

 

HOALOHALOHA NO MRS. POIPE HANUNA,

 

            Ma ko pa o ka la 1 o Okatoba i hala hora 12 a oi, ua pauaho mai i keia ola ana o Mrs. Poipe Hanuna, ma ko laua home ma Kahapouli, Kawaipapa, Hana, Maui.

            He kupa, he kamaaina a he ewe no Kauakea, Ualani Haahaa o Hana. Hana, Maui, mai ka puhaka mai o Kawaopi (w) ame Kalawaiahakuole (k) kona mau makua, no ia wahi no. Ua hoonaauaoia oia i kona mau la opio iloko o na kula hele la, ma ka apana o Hana nei. Ua hoohuiia oia ma ka berita maemae o ka mare me J. K. Hanuna e Rev. Puhi, ma Hana nei. Ua piha na makahiki he 50 a oi o ko laua noho ana iloko o ka berita maemae o ka mare me kana kane J. K. Hanuna i pauaho mua mai i keia ola ana ma Lunalilo Home, Honolulu Oahu, 2 makahiki a oi i hala ae nei.

            He hoahanau kahiko oia no ka ekalesia o Wananalua, Hana, mai kinohi mai me ke kulana maikai, a i ka manawa i noho kahu mai ai o Rev. L. B. Kaumeheiwa, i hooliloia ai oia i lunakahiko no keia ekalesia, ahiki i kona pauaho ana mai la i keia ola ana ma ka manawa i hoikeia maluna.

            Mamuli o ka lokomaikai o ke Kalana o Maui, ma o Sam E. Kalama la, ka Lunahoomalu o ka Papa Lunakiai o ke Kalana o Maui i olelo ia, ua haawi kokua ia mai na mea pili hoolewa, o ia hoi ka pahu kupapau, ka eleele kanikau, na pihipihi ame na hao e paa ai o ka lima, ke kaa kupapau ame na limahana.

            Mamua ae o kona laweia ana mai ka home mai, ua malama mua ia he anaina haipule e ka haiolelo o ka Ekalesia o Wananalua, Mrs. Alice L. Kahokuoluna, na hoahanau, na makamaka ame na hoaloha i akoakoa mai ma ka home, kau ma ke kaa no ka luakini, a maloko o ka luakini, o Wananalua, ua malama hou ia ke anaina haipule e ka haiolelo o ka ekalesia, ame G. P. Kauimakaole, he lunakahiko no ka ekalesia, a he kamaaina no ka mea i make. I ka pau ana o keia auaina maoko o ka luakini, ua laweia kona pahu kupapau a kanuia maloko o ka pa-ilina o ka ekalesia, a malaila ka leo pule hope loa a ka haiolelo a hoi aku la kona kino lepo i ka epo, no ka manawa pau ole.

Nolaila, o makou, na hoahanau o ka ekalesia o Wananalua, Hana, Kalana o Maui, T. H., kona Kula Sabati ame kona Ahahui C. E., o na makua, ame na keiki imua o kona ala, ke komo pu aku nei ma keia manao kaumaha, luuluu a waohia no ka mea i haalele mai i keia ola ana.

            O makou iho no na komite i koheia e ka ekalesia,

No ka Ekalesia:--

            G. P. KAUIMAKAOLE,

No ka Kula Sabati:--

            D. K. WAILEHUA,

No ka Ahahui c. E.:--

            MRS. HANA PUPUHI,

 

 

 

 

 

 

NA LEKA I KII OLE IA MAI AHIKI I NOV. 3, 1923.

 

Amu, Miss Elizabeth                           Kanoho, Peter

Kaahanui, Soloman                             Mawaa, Mrs Julia

Kaapuni, Benjamin                             Kekaula, Sam D.

Kaukini, P. (Opio)                               Lausua, Mrs. Elizabeth

Kahalao, Joseph                                  Mahiai, Miss Martha

Kakalonia Mr. (2)                                Nalei, Mrs. L. B. Tilton

Kahananui, Peter                                 Pauahi, Jr., J. K.

Kalaau, Mrs. Lou (2)                           Paniani, Miss A. K. (2)

            E ninau mai ma na leta i hoolahaia ke kii mai.

                        D. H. MacADAM,

 

OPEN A CHARGE ACCOUNT

AT

The Model Clothiers

 

Ma ke Kauoha.

 

HOOLAHA KUAI O KA HOOLIMALIMA AUPUNI.

 

            Ma keia ke haawi aku nei ka hoolaha akea ma ka hora 10:00 a.m., Poalima, Novemaba 30, 1923, ma ke Keena o ka Hope-akena, Mr. F. K. Kalua, Wailuku, Maui, malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et. seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina Aupuni malalo iho nei:

            Mahele o ka aina Ohia Hikina, Molokai, malalo aku o ka Ululaau i Hookoeia, nona ka iliaina o 56.50 eka, oi aku a emi mai paha. E hookoe ana i ke Teritore i na wai ame na pono pili kahawai iloko a i na kahawai e a’e ana a i ole e kaheana i ka aina i oleloia e hookoe pu ana i na alanui e ku nei, na moali alanui ame na pono alahele e ae e koiia aku ana no na hana o ka lehulehu, e hookaawaleia ana e ke Komisina o na Aina Aupuni.

            E kaa no ka hoolimalima e kuai hoolilo ai aku ana malalo ona kumu aelike ame na kulana apau o na Hoolimalima Laula Aupuni i hoopukaia e ke Keena o ke Komisina o na Aina Aupuni.

            E kaa keia kuai malalo o na kuana mahope ae nei:

1.         Manawa o ka hoolimalima, 15 makahiki mai Novemaba 30, 1923, aku.

2.         Uku hoolimalima haahaa, $26.00 o ka makahiki, e uku hapa-makahiki mua ia.

3.         E uku mua ka mea e lilo ai, ma ka haule ana e ka hamare, i ka uku hoolimalima o na mahine mua eono, hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i ka hoolimalima i oleloia.

            O ke kii palapala aina e hoikeike ana i ka aina e hoolimalimaia aku ana ame ke ano o ka Hoolimalima Laula Aupuni eia ke waiho nei ma kahi o na palapala a e ikeia no ma ke Keena o ka Hope-akena, Wailuku, Maui, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

            No na hoakaka aku i koe e ninau ae ma ke Keena o ka Hope-akena, Mr. F. K. Kalua, Wailuku, maui, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

            Hanaia ma Honolulu, T. H., maloko o ke Keena o ke Komisina o na Aina Aupuni, i keia la 26 o Okatoba, A. D. 1923.

                        C. T. BAILEY,

            Komisina ona Aina Aupuni.

 

HOOLAHA KUAI O NA HOOLIMALIMA AUPUNI

 

            Ma keia ke haawiia aku nei ka hoolaha akea ma ka hora 10:00 a.m., Poakolu, Novemaba 28, 1923, ma ka puka komo mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, na Hoolimalima Laula o na apana Aupuni malalo iho nei:

1.                   Ka apana halekula i haaleleia maloko o Kalaheo, e pili pu ana me na Apana 70 ame 75, na Aina Hookuonoono o Kalaheo, Kauai, nona ka iliaina o 2.82 eka, oi aku a emi mai paha. Uku hoolimalima hahaa, $35.00 o ka makahiki, e uku hapamakahiki mua ia.

2.                   Apana 74-C, na Apana Taona o Hanapepe, Hanapepe, Kauai, nona ka iliaina o 4,950 kapuai kuea, oi aku a mei mai paha. Uku hoolimalima haahaa, $25.00 o ka makahiki, e uku hapa-makahiki mua ia.

            O na hoolimalima e kuai hoolilo ia aku ana e kaa no malalo o na kumu aelike apau ame na kulana o na Hoolimalima Laula Aupuni i hoopukaia e ke Keena o ke Komisina o na aina Aupuni.

            E kaa no keia kuai malalo o na kulana mahope ae nei:

28, 1923 aku.

            (a)  Manawa o na hoolimalima, 15 makahiki pakahi mai Novemaba

            (b)  E uku mua ka poe e lilo ai, ma ka haule ana o ka hamare i ka hoolimalima o na mahina mua eono, hui pu me na hoolilo apau o ka hoolaha ana ame na kaki e ae apau e pili ana me ka hoomakaukau ana i na hoolimalima i oleloia.

            O ke kii palapala aina e hoikeike ana i na apana e hoolimalimaia aku ana ame ke ano o ka Hoolimalima Laula Aupuni eia ke waiho nei ma kahi o na palapala a e ikeia no ma ke Keena o ka Hope Akena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

            No na hoakaka aku i koe e ninau ae ma ke Keena o ka Hope Akena, Mr. J. M. Lydgate, Hale Aupuni Kalana, Lihue, Kauai, a i ole ma ke Keena o ke Komisina o na aina Aupuni, Hale Kapitala, Honolulu, T. H.

            Hanaia ma Honolulu, T. H., maloko o ke Keena o ke Komisina o na Aina Aupuni, i keia la 23 o Okatoba, A. D. 1923.

                        C. T. BAILEY,

            Komisina o na Aina Aupuni.

6581—Nov. 8, 15.

 

HOOLAHA HOOMAIKAI.

 

            I na Hoalaha ame na Makaainana koho baloka mai ka niu moe o Kalapana a hoea i na pali hauliuli o Waipio; ke haawi aku nei au i ka’u hoomiakai a nui ia oukou, no ko oukou haawi ana mai ia’u, i na baloka ma ke koho wae moho Lunakiai i ka la 13 o Okatoba i hala iho la, a pela no au e hoomaikai aku nei i na mana koho i kanalua ia’u.

            Me ke aloha a nui loa. Owau no me ka haahaa,

                        DANIEL K. NAMAHOE,

            Moho Lunakiai i Holo iho nei no ka wae moho ia ana. Hilo, Hawaii.

 

 

CITY MILL CO.

KEKAHI O NA HUI KAHIKO LOA MA HONOLULU NEI.

 

            Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.

 

            Kukulu makou i na hala ma ka uku liilii ana, me na hookaa liilii.

 

O KA OI LOA AKU NO KA POE HOOKUONOONO.

 

Mai Poina—Hele Mai Ia Makou

 

HOOMAKA ME KA APANA

 

$700—Lot on Libby Road, Kalihi-kai, $20 down, $10 per month.

 800—Lot 50 x 100. Mauna Loa Ave., Ocean View tract. $50 down, $10 per month.

$1000—Corner lot 100 x 100, Ocean View tract, $100 down, $20 per month.

$700—Lot. Dow St., Nuuanu: $20.00 down, 10 per month.

$950—Lot 50 x 100, 8 ^th Av., Kaimuki@, $20 down, $20 per month.

$750—Lot 50 x 100, Mana@ Ave.: $20 down, 10 per month.

$900—Lot 50 x 150, Ocean View Tract: near  18 ^th Ave.; $20 down, $10 per month.

$1800—Lot 50 x 260, 8 ^th Ave., near improvement district; $30 down, $20 per month.

 

Ask C. W. Carpenter with

PAULO KALAUKA

(P. E. R. STRAUCH)

 

Keena Hawaii

 

NO NO

 

Lako Hana Mahiko

 

Hapuku Kila Oliver Chlled ame na Palau

Na Katapila Cleveland

Na Katapila fordson

Na Kaa kalaka White

Na Kaa Kalaka Federal

Na Kaa kalaka Ford

Na Hana Pili Amala

 

HANA I NA KINO O NA KAA UKANA ME KALAKA ME KA HANA HOU ANA

Schuman Carriage Co., Ltd.

 

 

KA VICTROLA

            --Ka Meakani Mele Kilakila—he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

            NA PIANO PAANI

            NA ROLA PAANI

            NA PEPE MELE HOU

            NA PILA AHA

ame na mea apau pili i na mele.

 

Bergstrom Music co.

 

HALE UWI WAIU

O

MAPULEHU

 

PUKOO, MOLOKAI

 

E Hooholo Ana i ka

MOKUKUNA GESOLINA

 

LELEIONA

 

Mawaena o na Awa o Honolulu me Molokai

 

Geo. P. Cooke,

ONA.

 

 

E KUAI I KOU MAU

Pono Hale

ma ka

Hawaii Furniture Co.

Helu 469 Alanui Moi

kokoke i ke kihi o ke Alanui Liliha

 

T O Murata Furniture Store

(Na noho hoolimalima me lako pa maanei.)

Na lako Hale Hou me Kahiko.

Hoolimalima me Kuai Hoe.

715 Alanui Hema, Honolulu, T. H.

 

Ka Pila

GRAFONOLA COLUMBIA

 

Maopopo ka Wa e Pau Ai

            Na ka mea hoopaa nono iho e makaala ia ea nou. Ua hiki ia oe ke hulahula ahiki i ka huaolelo pe loa.

Uku Liiiii ke Makemakeia

Thayer Piano Co.,

LIMITED

 

Kakela & Kuke

(KAUPALENAIA)

 

poe Kalepa ma ke Komisina

--A HE—

 

 

PAPA NA LAKO KUKULU HALE

 

            No ka hoahu ana i kou wai ma na Pahu Wai Papa Ulaula o 5000 a 10000galani.

            E hoolakoia aku no na kumukuai ame na hoakaka ia oe ke noi mai.

            ALLEN & ROBINSON, LTD.

 

Nupepa Kuokoa

 

No ka makahiki (one year)....              2.50

            O na Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. box 3110, Honolulu, T. H.

            217 Alanui Moi, ma Waikiki o ke Alanui alakea; ka Nupepa Advertiser.

            Entered at the Post Office ana mea nolulu, T. H., as Sceond Class Matter

            SOLOMON HANOHANO

            Luna hooponopono.