Ka Nupepa Kuokoa, Volume LXII, Number 45, 8 November 1923 — KA HOPENA O KE KOHO BALOKA. [ARTICLE]

KA HOPENA O KE KOHO BALOKA.

Ua hala aku la ke koho baloka o na luna oihana o ke Kulanakauhale a Kalana o Honolulu nei, ma ka hopena o ia koho baloka, i hoike mai ai ka hapanui o na mana koho i ko lakou makemake ma ke koho ana i na luna oihana, na lakou e hooponopono, a e hookele i na hana o ke kulanakauhale no keia mau makahiki eha, e nee aku nei. Aole no i nele ka loaa ana o na manao kahaha i ka lehulehu no ka hopena i oili ae m'a kekahi mau kulana oihana, aka aole no ia he mea malihini, o ke ano iho la no īa o ke kalaiaina. O ka lanakila nae i loaa i ka poe i kohoia a puka ma ka Poalua aku la i hala, he lanakila ia i loaa mamuli o ka nana ana o ka hapanui o na mana koho, ma ke kulana o na moho, aole ma ko lakou aoao kalaiaina iho, aole e hjki ia kakou ke hoohewahewa i keia mea oiaio, mamuli o ka lanakila holookoa ole ana o na moho o kekahi aoao kalaiaina, a haule hoi na moho o kekahi aoao, aka ua kohoia aku ka poe i. puka, elike me ka manaoio o na mana koho, o lakou ka i kupono, e paa i na kulana oihana a lakou i alualu aku ai. Ma ke ano nui ke olek> ae, he o ia mau no ka paa ana o ka aoao Demokarata i na kulana oihana, a kela aoao kalaiaina, i paa ai no na makahiki eha aku nei i hala, e laa ke kulana' meia, ka makai nui, ka loio kalana ame na hoa ekolu o ka papa o na lunakiai, a pela no hoi na kulana oihana e ae, ame na hoa eha o ka papa, i ka aoao Repubalika. Elike nae me ka hala ana aku la o ke koho baloka o na luna oihana o ke Kulanakauhale a Kalana o Honolulu nei, pela no kakou e hoopoina ai i na paio hahana i hooukaia e na moho ame na aoao kalaiaina kuloko o kakou; a e nana aku' i ka nee anā o na hana o ke aupuni kulanakauhale, no leeia mau makahiki eha e hoea mai ana. Maluna o ka poe apau i kohoia i mau kauwa na ka lehulehu, na hoomaikai ana a keia pepa, no ka loaa ana ia lakou o ka lanakila mailoko mai o kekahi o na paio kalaiaina hahana loa i hooukaia iloko o na pule aku la i hala. Ina e hooko pono ia ka manao ame ka makemake o ke kailawai e na luna oihana o na kalana o kakou, o ia ka helu 'mau ia o na dala o ke keena puuku, i kela ame keia ekolu mahina, e ike koke ia ana ka pilikia, iloko o ka manawa pokole, ina he pokole kekahi o na dala o» ka waihona puuku o na kalana, a iloko no hoi o ia manawa hookahi, e hoao ana na limahana apau o na keena puuku, e lawelawe i ka lakou mau hana me ka pololei, no ka maka u o loaa pono auanei ko lakou kolohe. O ka pilikia i hoomaopopoia no ka pokole ana o na dala o ke keena puuku o ke kalana o Hawan, mamuli no ia o ka hoohemahema o na luna oihana o kela kalana, ka poe a ke kanawai i kauoha ai, e helu mau īa na dala o ka waihona o ka puuku, i kela ame keia hapaha o ka makahiki. Ma ka la hope o ka mahina o Dekemaba ae nei, o keia makahiki, e waiho aku ai ka Makai Haumea i kona noho hana ana no ka puali makai o Honolulu nei, ka oihana ana i paa ai no na makahiki he kanakolu ae nei i hala, malalo o na poo like ole o kela-oihana; a i pana'i no ka paa loihi ana i ka oihana o ka lehulehu me ka hoopono, ame ka mahaloia, e loaa ana iaia he ukuhoomau mai ke aupuni Kulanakauhale aku, no ke koena |0 kona mau la o ke ola ana. E ha o ana korra ikeia ma kona huina i kamaaina i ko ke kulanakauhale nei poe, aka nae e hoohauoliia ana ko lakou manao, no ka mea ia Mr. Haumea e waiho aku ai i ka oihana makai, e komo aku ana oia ma kekahi hana e ae e hooiia ae ai ke pono o kona ola ana aku ame kona ohana n.ui. O ka paio kalaiaina i hooukaia e na aoao kalaiaina o kakou, no na luna oihana o ke Kulanakauhale a Kalana o Honolulu nei, i keia kau iho la, o kekahi ia o na paio hahana loa i ikeia, a o keia no hoi ka paio i kamailioia ai na olelo kipehi pilikino mawaena o kekahi mau moho; he hoailona e hoike mai ana, i ka lilo ana o na kulana ōihana, i pauku iwi na na aoao kuloko o kakou e aumeume ai; a kakou e hoohewahewa ole ai ke olelo ae, aole no ka makeniake wale no o keia mau aoao kalaiaina pakahi, e kaa ka lanakila iaia, aka i loaa ai ke kahua onipaa, no ke koho baloka e hoea mai ana i keia makahiki ae, no na hoa o ka ahaolelo kul'oko, pela hoi ka elele lahui i Wakinekona.

E lilo ana ka hoopa'i hoopaahao a ka lunakanawai hoomalu, i kau aku ai maluna o kekahi mea lawe i ka pu me ka laikini ole, o ia ka hoopaa ana iaia maloko o ka halepaahao, i haawina a'o maikai loa no ka poe apau e loaa aku ana ma keia hope aku, e halihali pu ana i na meaeha ku i ka make, ma ka lakou mau wahi apau e hele ai.