Ka Nupepa Kuokoa, Volume LXII, Number 45, 8 November 1923 — LOAA AKU NA PAPA KELEAWE HANA DALA APUKA. [ARTICLE]

LOAA AKU NA PAPA KELEAWE HANA DALA APUKA.

Ma ka Poaha o ka pule i hala iho la i loaa aku ai ia T. Makura, he Kepani malama pa holoholona ma Wiihiawa, na papa keleawe i pa'iia ai na bila dala apuka o $10, $20, ame $50, ma kekahi wahi he 400 i-a wale no ka mamao mai ka home aku o Matsuji Yo"kota, ke Kepani i ahewaia ai e ka papa kiure a ka Lunakanawai Federala John De Bolt ma ka po o ka Poakahi o ka pule aku la i hala, no ka hewa oia ka hana ana i na dala pepa apuka, a i hoopa'ila ai he 15 .makahiki e noho ai i Kawa. O ua mau papa keleawe la i loaa ai ma ka Poaha i hala aku la aia malalo o ka malama ana a ka Ilamuku Amerika Oacar P. Cox. He eono ka nui o na papa keleawe i loaa aku, he elua i makaukau no ke pa'i ana i na <3ala pepa'apuka. Ma ka moolelo, ,ma ka manawa a Makura, ke Kepani malama pa holoholona, e oki ana i kekahi mau kumu kuawa ma ka aoao Waialua o ka luawai hookio ma Wahiawa, kokoke no i ka hale o Yokota, ke Kepani i hoopa'iia ai, loaa aku la iaia he eke huluhulu ua hunaia malalo o ka pohaku, a i kona kii ana aku a naua iho la i ike iho ai oia

i na papa keleawe, a laweia ae eia a haawi i ka makai o ia apana William Kauahikaua, a nana i hoike leoke ae i ka ilamuku, a ke paaia mai nei ia mau papa keleawe e ka ilamuku Amerika, he mau mea hoike oiaio no ka pili o ka hewa ia Mat--Buji Yokota i hoopa'iia ai.

E hoikeia akū ana* ia William T. Carden, ka Loio Amerika, ka mea nana i hoopii ae ia Yokota, oiai oia ma kona alahele no Kapalakiko ma ke kelekalapa uweaolelo no keia loaa ana iho la o na papa keleawe, he lono e hoohauoli loa aku ana iaia.

Mamua aku o keia loaa ana o na papa keleawe, he mau bila dala apuka wale no o $10. $20 ame $100 na mea i loaa ae i ke aupuni federala, a he hookahi wale no papa keleawe $5 iloko o na lima o na luna aupuni; ma ka loaa ana ao la o keia mau papa keleawe, o pau pono loa ana ae la ia o na mea paahana dala apuka a na Kepani i hana ai i ka loaa me ka manao me ia mau dala pepa apuka e kuai ai i opiuma mai na Pake mai ma Kina, paa e nae i ka hopuia, me ka holopono ole o ia hana » lakou i hoolala ai.

He umi poe o keia auna i fcoe nole i hookolokoloia. 0 na Kepani i hookolokolo pu ia ai me Yokota no laua 7»a inoa o Takizo lahida amo Bhlklzu KuHagaki ua hookuu loa ia laua.