Ka Nupepa Kuokoa, Volume LXII, Number 45, 8 November 1923 — Nuhou Kuwaho [ARTICLE]

Nuhou Kuwaho

MOSCOW, Nov. I.—He umi-kuma* mawalu mau kanaka i hoopa'iia e make i keia la a he iwakalua-ku-I mamakolu poe e ae i hoahewaia no ke kipe ame na hana poholalo e ae. WAKINEKONA, Nov. 2.—E haiolelo mai ana ka Peresidena mua o Amerika Woodrow Wilson imua o ka lahui kanaka Amerika ma ka po o ka la 10 o Novemaba maluna o ke kumuhana "Ke ano nui o ka La Hoopau Kaua". Mai kona hale mai oia e haiolelo ai maloko o ka radio. O keia ana ka manawa mua e loheia ai o kona leo maloko o Wakinekona mai ka manawa mai i loaa ai oia i ka ma'i i ka 1919. WAKINEKONA, Nov. 2.—Ua aponoia e ka Peresidena Coolidge ka palapala hooia a ke Kakauolelo Weeka no ka hookiekie ana ae i na Birigedia Keijerala Walter H. Gordon William H. May ame Harry H. Bandholtz, i mau mekia konerala, a i na Konela Charles J. Simmonds ame I>eroy S. Upton i mau mekia kenerala. WAKINEKONA, Nov. 2 —He ehiku mau hoonaueue olai ikaika i ikeia ma ka hora 4:29 p. m., o keia la a o ka manawa ikaika loa i ikeia mawaena o ka liora 5:19 ame 15:30. He o ia mau no ka hooueue ana ma ka hora 7 o keia ahiahi. Ua koho wale ia o ke kikowaena o kahi mailaila mai ka hoonaueue olai aia ma kahi aneane he 7600 mile mai'Wakinekona aku. POCATELLO, Nov. 2.—Ua kukonukonu loa ka eha i loaa i ke Kiaaina Lutanela Nelson Story ,Tr., o Montana, a ua make hikiwawe loa hoi kana wahine ma kekahi ulia kaa otomobile ma kahi kokoke i McCammon, Idaho, i keia la.