Ka Nupepa Kuokoa, Volume LXII, Number 46, 15 November 1923 — MAHUKA IA MAU KEIKI O WAIALEE A PAA KOKE NO. [ARTICLE]

MAHUKA IA MAU KEIKI O WAIALEE A PAA KOKE NO.

Ma ke kakahiaka nui o ka Poakolu o ka pule aku la i hala, i kuekaa ae ni na makai i ke kaona nei no ka liuli ana i kekahi mau leoiki ekolu o ka mahuka ana 3 mai ke kula mai o Waialee, me ke ko ole o ko lakou makemake, aka, ma ka Poaha ae, ua hoea hou aku la lakou imua o ka lunanui o ke Kula, Mr. Geo. Wesson. a hoiko aku la iaia ua makabkau lakou e auamo i na hoopa'i apau e kauia aku ana maluna o lakou. O na keiki i maliuka mai ko k'ula mai o ia no o Charles KozololT o Honolulu, Alexander Hilo, o Hilo amo Georgc Kama o Honolulu, a no lakou hoi na makahiki he 15 pakahi. Wahi a George Wesson i hoike ae ai, ma ke kakahiaka nui o ka Poakolu i hala, a i ka wa kahea inoa o na keiki, i ikeia ai ua mahuka kela mau keiki mamuli o ko lakou pane ole mai i ka wa i kaheaia ai o ko lakou inoa. Ma na mea i hoikeia ao, he maamau no keia poe keiki i ka holo malu, a o keia paha ka ekolu o ko lakou mahuka ana. Wahi a kela poe keiki o ka hoike ana ae, mamuli o ko lakou makamake loa e holo mai no ke kaona nei ke kumu nui nana i kono ia lakou e hana pela, me ke noi mua ole aku i ka lunanui o ka halekula, a i ka pau ana o ko lakou makemake i ke kaona nei ua huli hoi hou nku la lakou no ka halekula.