Ka Nupepa Kuokoa, Volume LXII, Number 46, 15 November 1923 — KUU KANE HELELOA, JOHN LIMAHAI, UA HALA. [ARTICLE]

KUU KANE HELELOA, JOHN LIMAHAI, UA HALA.

i Mr. Solomon Hanohano, Aloha nui j kaua: —Oluolu oe hookomo iho i keia j puolo waimaka alolia, ma kahi kaawale o ka kaua hiwahiwa ka nupepa Kuokoa, nana e uwila aku ma na welelau makani, i ike mai ai na kini na makamaka na ohana ame na hoaloha apau e noho nna mai ka hikina a ka la ahiki i ka mole olu o Lehua. Ua make kuu kane aloha ma ka Moknpuni o Hawaii Waimea, i ka wanaao Poakahi, hora 3 oiai au kana wahine ame kana keiki ame kana mau kaikamahine, na ohana moopuna e ku poai ana ma kona moe. Ua hala aku la ka hanu, o ke kino, puanuanu ka'u ame kuu mau keiki e hamo aku ai, ke iho makawalu nei na kulu waimaka, ua hel© oloko a piha i ka ehaeha, kohu kuikele e houhou ana i ka puuwai. Moku ae la ke kaula ,gula mawaena ona ame a'u kana wahino i ka la 15 o Okatoba, A. D. 1923. * Auwe kuu luuluu e, kuu aloha i kuu kane; kuu hoa p\Ji o kuu kane auwe ke aloha e. Aia Ia oe ihea i hele iho nei, aia paha ōe me Liawahine i ke kui lehua, aloha ino kuu kane hele loaf Aloha Honokohau, ia wahi i noho ai a kupa a kamaaina, aloha na kuahiwi na kahawai ame na lae kahakai, ia mau wahi a kuu kane e hele ai ame na loi kalo. O kuu kane i make aku la, oia kekahi kanaka hana o ke Kalana o Maui, he kiai alanui, o kana hana ia ahiki i kona haalele ana mai la. Ua hanauia kuu kane aloha ma ka la 8 o Feberuari, A. D. 1864; nolaila ua piha na makahiki iaia he 39 a oi, o kona mama, o Kahelewahine, o kona papa o Limahai, ma Waihee, Maui. Ua mareia maua i ka makahilei maua i maTe, ua piha ia maua 33 maua i mare, ua piha ia mua 33 makahiki o ka noho ana, a haalel<i mai la oia ia'u e u aku a e kanikau aku nona. Lihaliha wale au ke hoomanao ae i kuu kane heleloa. E kuu kaiku4 nane 'aloha, Lono Kawika, e noho mai la i ka Ua Kukalahale o Honolulu nou ko'u waimaka. Aloha ino kuu kaikunane ka mea nana i haawi maikai mai ia'u elua mau hua a ua pomaikai au. Ua malama maikai no kana mau keiki iaia, ua ai no i ka laua loaa» a hala aku la oia. Kona ma'i he eha ka opu. ina oia o ai nui ua piha thal la, hoomaka māi la e eha ka wawae hema o kona ma'i ia a haule. He aina maikai o Waimea, piha me ka oluolu na kane ame»na wahine. Ka makua Carter oia kekahi kokua nui e pili ana i kuu kane, ua law© ae oia i nn ko'iko'i'apau ame kona haawi nnn i 'kekahi ie pua, na pua like ol« Ke haawi aku nei au i ka'u hoomaikai a nui loa a na ka Makua Lani e kokua iaia. Pela na kumu kula o Waimea ame na haumana i ko lakou haawi ana mai i na bo-ke pua ame komo pu ana i ka hoolewa ke haawi aku nei au i ka'u hoomaikai a nui. Pela kuu mau aikane Mr. ame Mrs. Kaanaana i ko laua ae oluolu aua mai e waiho kuu kano me ka laua mau iwi. Ke hoomaikai aku nei au ia olua. Ke haawi aku nei au i ka'u hoomaikai i kuu kelki ia Wm. Kalaiwaa Jr., i kpna komo pu ana i na hora oke kaumaha. Pela ka makua Kalaiwaa ka mea nana i hoomaikai iho i ke kino wailua o kuu kane, ke haawi aku nei au i kau hoomaikai. Pela na makamaka na hoaloha Kepani Haole i haawi mai i na lyke pua; ame ke komo pu ana iloko o ke anaina hoolewa o kuu kane. No oukou ko'u hoomaikai nui a na ke Akua e haawi mai i na pomaikai. Owau no me ka luuluu. MRS. M. LIMAHAI, Kahauiki, Maui.