Ka Nupepa Kuokoa, Volume LXII, Number 46, 15 November 1923 — HE OHU LEI NO W. H. HEEN. [ARTICLE]

HE OHU LEI NO W. H. HEEN.

He wehi keia no Ha'eha'e, Ka molio lanakila a ka lehulehu. He wehi ohuohu no ke kanaka, A nau ia a e lei mau akif, Ua piha olioli Oahu nui, Na kini o ka Ua Kukalahale, Ua hoike mai na mana koho, Ka manao hiaai ō ka lokahi, Aia me oe ka ipo nohea, A ka puuwai a e haulani nel Ua lono e ka la Hamauleo, I ka leo o ke kai o Waialua, Ha'eha'e ke kilo kanawai, Kuhikuhipuuone o Hawnii. Haina ko wehi lei hanohano, Wiliama Ha'eha'e Heen e o. Hakuia e: S. K. K.