Ka Nupepa Kuokoa, Volume LXII, Number 46, 15 November 1923 — HE INOA NO HA'EHA'E. [ARTICLE]

HE INOA NO HA'EHA'E.

He inoa keia no Ha'eha'e, Ka moho a ka lahui ua lanakila. Ko lei keia o ka hanohano, Eia me oe e lei mau ai. He wehi me kilakila i nohea ia, Hookahi puuwai o ka lehulehu. Ke hea mai nei a o Ha'eha'e, O oe ka makou a e li'a mau ai. E o ka inoa a o Ha'eha'e, Ka moho lanakila me ka hanohano Haina mai ka puana he lei aloha, Ua kau i ka hanohano ka luna wekiu. Haina ka puana he lei i aloha ia, Ha'eha'e e ka moho ua lanakila. Hakuia e Helen K. Davis