Ka Nupepa Kuokoa, Volume LXII, Number 46, 15 November 1923 — Pa-Hu Ke Kiana Pauda A Lele Ka Peahi Lima No ka Wahine ka manao Ana e Hoopoino Muumuu Nae ka Lima o ke Kane NO KA WAIONA MAI KE KUMU O KA PILIKIA Noho o Jack Keawe i ka Halema'i Mamuli o Kana Hana Naaupo i Hooko ai [ARTICLE]

Pa-Hu Ke Kiana Pauda A Lele Ka Peahi Lima

No ka Wahine ka manao Ana e Hoopoino Muumuu Nae ka Lima o ke Kane

NO KA WAIONA MAI KE KUMU O KA PILIKIA

Noho o Jack Keawe i ka Halema'i Mamuli o Kana Hana Naaupo i Hooko ai

No ke alualu ana i kana wahine, me ka manao, e hoopa-hu iaia i ke kiana pauda, ma ke kakahiaka o ke Sabati aku la, i pa-huia ae ai ka lima o Jack Keawe e kela kian'i pauda, ana i hoomakaukau ai no kana wahine, a lele ana ka peahi lima i kahi e, me ko koe niai nao 0 ka apahu o kona lima akau. Ma ka moolelo o kela hana hoo-pa-hu kiana pauda, no ka okolehao mai no ka ke kumu. a hui nu iho me na manao maikai ole no ka wahine, ua lilo okoa i kumu e imi ai 1 wahi e poino ai ke kino. Ma kela kakahiaka Sabati, ua inu nui o Jack Keawe o ke alanui Umi, Palolo, i ka okolehao, me kona hakaka ana me kana wahine ma kela kakahiaka, a wahi a Sam Kaapana, he inoa makuakane no Jack Keawe, ua olelo ae ka o Keawe i kona hoonaukiuki i kana wahine, no ka hokai wale aku no i kona manawa e makemake ai e hauoli. Me kela manao hoonaukiuki iloko ona, no kana wahine, ua kii aku la o Keawe he auka kiana pauda, hookomo iho la i ka uwiki, mo ke kuni ana i ke kukaepele, alaila hoomaka aku la e alualu i ka wahine, me ka paa no o ke kiana pauda iloko' o kona lima akau. Ma kahi nae o ke kiolu aku i ke kiana pnuda, no ka hoopoino ana i kana wahine, ua pa-hu ae la ua kiana pauda nei, a lele ana ka penhi lima i kahi e. Ma ka hoakaka a Mrs. Keawe i na makai, ua laki maoli oia i kona pakele ana wiai ka poino mai, a mni ka make mai paha, ina no ke kiolaia aku o kela kiana paud.i iluna ona. Ua hoihoi awiwi ia aku o Jac,k Keawe no ka halema'i o na poino ulia, i ka wa i hoea aku ai o ke kaa makai, a mahop<> iho o kona lapaauia ana mai, i lioihoi loa ia aku ai noloko o ka Halema'i Moiwahine, kona .wahi e noho ai ahiki i ke ola ana o kona lima i muumuu. -