Ka Nupepa Kuokoa, Volume LXII, Number 46, 15 November 1923 — KA NINAU HOOPII UKUHANA. [ARTICLE]

KA NINAU HOOPII UKUHANA.

O kekahi o na hana a na hoa Demokarata o ka papa o na lunakiai e hooko aku ana, mamua o ka noho ana mai o ka papa lunakiai hou, elike me na mea e loheloheia nei i keia wa, 0 ia no ka hoopii hou ana ae i na ukuhana, o na limahana o ke kulanakauhale. Aole paha he limahana i nele ka makemake e loaa iaia kekahi ukuhana kiekie, ma na hana ana e lawelawe ana, e lilo ana keia manao hoopii ukuhana, i mea hauoli no na limahana ke hapai i'o ia mai, a liooholoia e na hoa Demokarata o ka papa. He hookahi nae mea hookahaha i ko kakou noonoo, o ia no keia. He mau manawa lehulehu, ka ka Lunakiai Hollinger 1 hooikaika ai e hoopiiia ae ka ukuhana o na limahana, me ke kokua pu o kona mau hoa Repubalika, eia nae e hoole mau ana na hoa Demokarata o ka papa. Heaha nae keia kumu makemake o na Demokarata e hoomahuahua ae i ka ukuhana o na limahana, i ka nana aku, mamuli mai no ia o ke kalaiaina, o ia ka holo o na mahaloia i na Demokarata, aole hoi i na hoa Repubalika o ka papa.