Ka Nupepa Kuokoa, Volume LXII, Number 46, 15 November 1923 — NA HANA KOKUA MANAWALEA. [ARTICLE]

NA HANA KOKUA MANAWALEA.

Elike me ka maa i na makahiki ae nei i hala, pela no e hoea mai ai na noi dala, imua o ka lehulehu ma keia mua iho, no na kokua manawale'a, no ke kokua ana i kekahi mau home, e malamaia mai nei ka poe pilikia, a me na hale i kaa aku ai ka malamaia ana maluna o na makaainana. E lilo kakou i poe kokua i'o, i na hana i uiia mai ai maluna o na makaainana, ma ko kakou haawi ana elike me ka hiki, ina no he uuku ka kakou mea e haawi ai. O ka poe ulakolako o ko lakou noho ana, a nui paha ka lakou loaa, aohe olelo, ana no lakou, ua hiki lfe haawi me na dala mahuahua. O ka poe e hoopomaikaiia ana mamuli o keia mau kokua i manaoia, e holo ana ia maluna o na lahui like ole; oiai e maheleheleia ana ka huina e lawa ai no kela ame keia hale o ka lehulehu, a maloko o ia mau hale, aia malaila na wahine kane-make, na keiki makua ole ame ka poe i loohia i ka ma'i ; malia o ko kakovi mau 6hana ana kekahi e hoi ana maloko o ia mau home e noho ai, nolaila aole i makehewa na kokua e haawiia ana, aka ina no aole o kakou mau ohana, aka ua haawiia aku no na kokua manaAvale'a, ma kekahi mau hana e minamina ole iho ai kakou. Ke luia nei he huina dala mahuahua no na lealea pauwale, no na hana uhauha hua ole, e loaa ana he pomaikai nui i kekahi poe popilikia o kakou, ina e holo aku kekahi o kela mau dala no na mea e pono ai ko lakou noho ana, a e loaa ai he hauoli ia lakou.