Ka Nupepa Kuokoa, Volume LXII, Number 46, 15 November 1923 — KE KULANA PUUKU O KE KALANA O HAWAII. [ARTICLE]

KE KULANA PUUKU O KE KALANA O HAWAII.

No ka manawa mua loa, ma ka moolelo o ke koho baloka i malamaia ma ke Kalana o Ilawaii, i kohoia ai he Demokarata ma ke kulana puuku, ma ka Poalua aku la i hala, mamuli o ka lanakila ana o 01iver T. Shipman, maluna o Charles 11. Swain. O ka haule ana o ka Puuku Swain, i kona hoa paio, aole he kanalua iki ke olelo ae. mamuli mai ia o ka pilikia i ikeia maloko o kona keena elike me ka hihia e ku nei iloko o ka aha, e ku-e ana i kona hope ma ka oihana, no ka pokole ana o na dala o ke aupuni. Mamuli o keia hopena i oili mai nei, no ka loli ana o ke kulana puuku i kekahi mea okoa aole ia no ke Demokarata ana 0 Mr. Shipman, a Repubalika paha o Mr. Swain, oiai ua lanakila na Repubalika apau ma na kulana e ae, a haule hoi na Demokarata, aka ua nana aku koho i ka hemaliema 1 hanaia, i kumu, e hoonohoia aku ai i mea hou nana e lawelawe i na hana o ka lehulehu. Ke loli nei ke au o ka noonoo o na mana koho, iloko o keia mau makahiki, o ka malamaia ana o na koho baloka o kakou; o ia ka lilo o ka aoao kalaiaina i mea uuku; o ka hoopono ame ka makaukau ka mea nui; ahe haawina a'o maikai hoi, no na luna oihana apau e ike iho ai, ke kau mau aku nei na maka o ka lehulehu o na mana koho, maluna o lakou, me na manao makee, e lawelaweia na hana o ke aupuni me ka pololei. Ma ka manawa a ka Makai Nui David K. Trask e huli hoi mai ai no Honolulu nei, mai kana huakai aku nei no Los Angeles, e manaoia, e huli hoi mai ana oia me ka pulumi ame na hana hakihaki kanawai apau, e loa ai ka palekana i a mena hana hakihaki kanawai apau, e loaa ai ka palekana i na makaainana, a e nohoalii mai ai ka maluhia i ke kulanakauhale o Honolulu nei, ma kona manawa e lawe ae ai i ka noho poo ana no kela oihana, ma ka la 2 ae "nei o ka mahina 0 lanuan. Nui ino na hana aihue i lawelaweia e kekahi poe piko pauiole ma na la aku nei i hala, e haawiia nae na mahalo ana 1 ke Kakiana Makaikiu Kellett, i kona noeau, ma ka hookolo ana mahope o ka meheu o kekahi poe aihue ahiki i ko lakou paa ana i ka hopuia. Ke noho mai nei lakou maloko o ka halepaahao, no ka hana i ko lakou hoopa'i hoopaahao. Ina pela iho la e paa mau ae ai ka puulu o k poe aihue i ka hopuia, e hoea mai ana i ka wa e kau ai ka weli i ka poe o kela ano, ma keia mua aku. Keu aku no paha ka naaupo o ka manao ana e kiola aku i ke kiana pauda iluna o kana wahine, elike me ia a Jack Keawe i hana ai ma ke Sabati aku nei i hala, i kona wa e lilo ana i kauwa na ka okolehao. Ua pomaikai nae oia, oka peahi wale no o kona lima akau ka i lele i kalii e, e ole nae ia, loaa kona. alina, e kuhikuhi mau aku ai oia i ka hewa maluna o ka o'kolehao.