Ka Nupepa Kuokoa, Volume LXII, Number 46, 15 November 1923 — KU AE IMUA O KA AHA NO KA BUKE BAIBALA. [ARTICLE]

KU AE IMUA O KA AHA NO KA BUKE BAIBALA.

Mamuli o ka hoopaapaa, owai la ka mea i kuleana maoli i kekahi Buko Baibala, i ku ao ai o Mrg. Julia Jeremiah ame Mts. May Wakineleona imua o ka Aha Apana ma ke kakahiaka o ka Poaha aku la o ka pule i hala. Wahi a ka hoopii a Mts. Wakinekona, ua hoike ae oia, ua komo aku o Mrs. Jeremiah maloko o kona liome ma ka la koho baloka, oiai aole oia ma ka hale a lawe mai la ke-1 kahi Buke Baibala, ekolu mau bola I mabala ame kekahi leuipine. Mahope iho o ka hoike ana ae o ka mea hoopii i na mea apau imua o ka aha, me kona hoike pu ana ae he nui ka poe i ike i ke komo ana o iMrs. Jeremiah iloko o kona hale, I he mea hoi na ka mea i hoopiiia i hooiaio mai ai ua komo oia iloko 0 ka hale, aka, aole oia i aihue i ka Baibala no ka mea nana ponoi kela Baibala a he kuleana kona e lawe ai ia mea. No ka pane ana i kekahi mau ninau lehulehu i waihoi?( aku e Lunakanawai Harry Steiner i maopopo ai owai la ka ona maoli o kela baibala, ua hoike ae o Mrs. Jeremiah ua loaa mai kela Baibala iaia he 22 makahiki ae nei i hala i kona wa 1 maro ai me kana kane. Ua olelo ae oia, iloko o ia mau la, o ka poe apau loa e mariEia ana iloko o kekahi halepulo e haaWiia ana ka Baibala ia lakou, a no ka loaa ana mai o kela Baibala iaia ma ia ano kona kumu o ka makemake ole ana e kaawale aku*kela Buke Baibala mai iaia aku. Ma ka hoike hoi a Mrs. Wakinekona, he mau makahiki loihi i hala ae nei kona kuai ana i kela Baibala. Ma ka ninaninau hou ia ana, ua loaa ae kekahi ike, ua noho pu kela mau wahine i ka hale hookahi he mau mahina i liala ae nei, a i ka haalele ana mai o Mrs. Jeremiah i kela hale ua waiho iho oia i kekahi o kona mau pono mahope. Ma ka Poalima nei nae, mahope iho o ka hooponoponoia ana,*ua haawiia kela Baibala ia Mrs. Jeremiah o ka hoea ana mai hoi ia i ka hopena o kela hihia, no ka maopopo ana o ka ona pololei nona kela waiwai.