Ka Nupepa Kuokoa, Volume LXII, Number 46, 15 November 1923 — HOOMANAO KO HONOLULU NEI POE I KA LA MALUHIA Huliamahi na Mea Apau ma ke Kaihukai me na Manao Ohohia no ka la i Hoopauia ai o ke Kaua Nui o ke Ao [ARTICLE]

HOOMANAO KO HONOLULU NEI POE I KA LA MALUHIA

Huliamahi na Mea Apau ma ke Kaihukai me na Manao Ohohia no ka la i Hoopauia ai o ke Kaua Nui o ke Ao

Me na kane, na wahine ame na kamalii, na pualikoa, na makaainana ame na haumana oloko o na kula, iloko o ko lakou mau kahiko like ole, pela hoi ka poe holo pa-u, i hui pu aku ai ma kekahi kaihuakai nui, i ike mua ole ia ma ka moolelo o na kaihuakai o na makahiki ae nei i haln, i malama ae ai ko Honolulu nei poe, i na hoomanao ana no ka La Hoopau Kaua; ma ka Poakahi noi, e lilo ai ia mau hiona i mea e poina ole ai no kekalii manawa loihi e hoea mai ana. Elike me ka papa hoonohonoho o na hana o kela la, ua akoakoa aku ka lehulehu nowaho o Kamaki Kuea, ka poe e komo ana iloko o ke ka'ihuakai, oiai hoi kekahi mahele o na makaainana, i hoopiha ae ai i na alanui, ame ke kahua o ka pa 'lii, ma na hora o ke kakahiaka o kela la. Ma ka hapalua o ka hora umi o kela kakahiaka, i hoomaka mai ai ke ka'i ana o ka huakai mai K.imaki Kuea mai nolaila o ka pa'lii, ma ke alanui, a i ka hoea ana i ke alanui Likeke, i huli ai i kai, a ka'i ahiki i ke alanui Moi, alaila huli i Waikiki, ahiki i ka puka-pa nui makai, alaila komo mai la noloko o ke kahua o ka pa'lii, no ka malama ana aku i na hana haiolelo. He ku i ka nani ka hiona o ka huakai ke nana aku, oiai ka poe makaikai e ku ana ma na aoao o ke alanui, kahi o ka huakai e nee ana me ka malie. Ua komo pu ka Hope Kiaaina I?. C. Brown, iloko o ka huakai, pela me na aliikoa o ka oihana koa ama ka oihana kana, a pela pu hoi me na luna oihana o ke aupuni, a i ko lakou hoea ana noloko o ka pa'lii, ua hoi ae la lakou, a noho, ma kahi i hoomakaukauia no lakou mamua pono mai o na anuu o ke alapii, o ka halealii. E ukali pono aku ana mahope o na luna oihana ame na aliikoa, na malihini, o ka hoea ana mai no keia kulanakauhale mai Los Angelcs mai. na hoa o ka ahahui kalepa o Los Angeles. Mahope aku o na maliliini, na aliikoa, o na pualikoa e kiai nei ma keia mokupuni ame na aliikoa o ka oihana kaua, iloko o ko lakou kahiko piha o ka oihana, a e ukali pono aku ana mahope o lakou na pualikoa like ole me na bana puhiohe. I ka hala ana aku o kela mahele o ka huakai, i oili mai ai ka bana o Kameliameha, i -ukaliia mai e na keiki o ke kula kiekie o Hawaii, Punahou, McKinley, me kona bana puhiohe ame ka pualikoa. Ka Puali Rigiona aku me na koa i komo iloko o ke kaua ma Europa, o na lahui like ole, ame« ka poe i komo iloko o ke Ke'a

Ulaula ame ka Ahahui o na Kaikamahine o Amerika. Nui na Haumana Kula O ka bana puhiohe o na koa, ma ke poo o ka mahele o ka huakai i komo aku ai na kula like ole, o keia mahele nui hookahi maloko o kela huakai, a no ka manawa mua loa, i ikeia ai kekahi huakai nui o na kula elike mo keia, me na hoailona like ole maluna o na poo, a ma ka umauma. O na kula i komo ;loko o keia kaihuakai, o ia na kula o Kaiulani, Maemae, Kauluwela, Pohukaina, Waikiki, Likelike, Pauoa, Moiliili, Royal, Central, Normal amo Kalihi. Oiai aole i komo T)u ae na haumana o kekahi mau kula o keia kulanakauhale ma kela kaihuakai, ua komo mai no nae na kumu ame kekahi poe i waeia, no na kula o Punahou, M"cKinley, Sana Lui amo ke kula o ka Puali Hoola. Mahope aku o kela mahele o ka huakai ka Bana Hawaii, i ukaliia aku e ka Ahahui Hale o na Alii o Hawaii, ka Ahahui Kamehameha, ka Y. M. C. A., ka Nuuanu Y. M. C. A., ke Kalapu o na' Makuahino o Moanalua, ka ahahui kalepa o na Kepani, ka ahahui kalepa o na Pake, ka Ahahui o na Poola kane ame wahine, Pilipino ame na Korea. Komo na Hui Ma-lu 0 ka Ahahui Ma-lu Arab Patrol, me ko lakou aahu makalike kekahi i mahalo nui ia, pela me ke Kalapu Hoolaha; i ukaliia aku e ka Ahahui Phoenix, ke Kalapu Eotary. O ka poe holo pa-u kekahi mahele ku i ka nani o ka huakai; o Mr. J. K. Mokumaia ke alakai o keia mahele, me elua mau waliine no kela ame keia mokupuni, me ko lakou mau pa-u e welo pulelo ana i ka makani, ka mea nana i haawi aku i na manao mahalo, me ka hauoli pu i na malihini makaikai, o ke kipa ana mai iloko o keia mau la. 0 keia kekahi o na kaihuakai nui, no ka mea mai ke komo ana o ke poo mua o ka huakai iloko o ka pa'lii, ahiki i ka maka hope loa o ka huakai, ua aneane e piha ka hora hookahi. 1 ka akoakoa ana o na jq£a apau maloko o ka pa'lii, i malamaia ai na hana haiolelo, me ke kalokalo ana ae o ka Rev. H. P. Judd i kekahi mau leo pule hoomaikai i ke Akua; a i ke Kenerala Summerall ame ka Hopo Kiaaina Brown na haiolelo ano nui o ka la. I ke kani ana o ka hora umi-ku-mamalua o ke awakea, ua kiia na pu he 21, me ke kani ana o na pu o-le, oiai hoi na mokulele e hookikakaha ana iluna o ka lewa, alaila hookuuia na hana o kela la, a huli hoi aku kela ame keia, no ko lakou mau home, iloko o na manao mahalo, no na mea a ko lakou mau maka i ike ai ma ia la.