Ka Nupepa Kuokoa, Volume LXII, Number 46, 15 November 1923 — WALI KA AUWAE O MILLS I KA PUUPUUA J. C. COHEN. [ARTICLE]

WALI KA AUWAE O MILLS I KA PUUPUUA J. C. COHEN.

No ka nui hauoli o na hoaloha o na moho i loaa ia lakou ka lanakila ma ke koho baloka aku nei i hala, ma na oihana ano nui o na luna oihana o ke Kulanakauhale a Kalana o Honolulu nei, ua haawiia aku na makana pua ia lakou, ma ke kakahiaka o ka Poakolu nei, a ma kahi nae o ka loaa pu aku he makan.a pua ia Mr. J. C. Cohen, ka lunahoomalu o ke komite kalana Eepubalika, he pauku iwi, ka i hoounaia aku iaia e Harry T. Mills, ke kakauolelo mua o ke komitc kalana. Ma ke kakahiaka o kela Poakolu, ua waihoia aku la he puolo iwi me ka i'o puaa hame, i wa-hiia a paa, a i kauia hoi me ka apana lole eleele, maluna o ke pakaukau o Mr. Cohen, balika, o ke keena poo o na Hepubalika, mawaho o kela puola iwi, e kau ana keia mau huaolelo: " 'Hookomoia mai'. Ia Joe Cohen Bex. O keia ke kupapa'u oka 'wawae' o na wahine. Me ke aloha o Harrv T. Mills." He mau hana hoohaehae kela a Mr. Mills ia Cohen, no ka mea ua ikeia ko laua ahewa aku a ahowa mai kekahi i kekahi» i na la hakoko kalaiaina, a me he mea la e hoike okoa aku ana o Milla, no ka hopenā o ke koho baloka i hala, mamuli o ko Mr. Cohen, ae wale ana aku e kokua i ka ahahui o na wahine koho baloka, ma ke kapae ana i ka inoa o Cunha mai ka paa baloka Repuhalika aku. | Ku'iia o Mill ma. ka Papaauwa« Ua lilo kela hana ma ka aoao 6

Mills, i kumu e hoalaia ai ka inaina wela iloko o Mr. Cohen, nolaila ua kakali malie oia i kona manao inaina, ahiki i kona halawai ana me Millia, ma ke alanui Hokele, e kokoke ana i ke alanui Papu, ma ka hora umi, o ka po Poaha nei, ia vra oia i nmau aku ai ia Mills, i ka manao 0 kela puolo iwi ana i waiho ai maluna o kona pakaukau, ame ke ano o na huaolelo i kakauia maluna olaila. Ma kahi nae o ka pane ana aku 1 kela ninau, ua ninau okoa aku la ua o Mills, i ka Cohen mea e hana ai, a i pane no kela ninau, ua haawi mai la o Mr. Cohen, he hookahi puupuu mahanahana ma ka papa auwae o Mills. L 7 a oi aku kela pane mamua oka mea hiki ia Mills ke hoomanawanui, a hoike okoa aku la oia ia Cohen, e hopuia ana oia, no ka hewa hoeha. Me kona kakali ole nae no kona kiiia mai e hopu e kekahi makai, ua hele okoa aku Ia o Cohen no ka halewai, a haawipio aku la iaia iho, me ke kauoha ana i ka oihana niakai e hopu mai iaia, a oiai aole he mau kumu hoo>halahala i waihoia aku i ka halewai, e ku-e ana iaia no ka hoeha, aole oia- i hopuia. Ua keleponaia aku o Mr. Milla ma kona home ma Kaimuki ma kela po, no ke kumu o kona ku'iia ana e Mr. Cohen ma ka auwae, a iloko o kona kulana pihoihoi, i hoike mai ai oia, aohe ana mea e kamailio mai ai, me ke kau ino ana ae, i ka mea hoolohe o ke kelepona. Ma ke kakaliiaka nae o ka Poalima mai, i hoea aku ai ua o Milla no ka halewai a hoohiki i ka palapala hopu e ku-e ana ia Mr. Cohen no ka hoeha.