Ka Nupepa Kuokoa, Volume LXII, Number 46, 15 November 1923 — PAA I KA HOPUIA MALOKO O KA PAHU LOLE. [ARTICLE]

PAA I KA HOPUIA MALOKO O KA PAHU LOLE.

Mahope o ka huli ana o ka makai no ka mahina a oi ua paa ae la nae i ka hopuia kekahi Pake kamaaina o Castner a hoopaaia ae i ka halepaahao. Aneane ma na la waena o ka mahina o Okatoba aku la i hala oia ka manawa i komo ia ai ka halekuai o S. Matsumoto ma Wahiawa a lilo he paa kamaa. He mau hora liilii wale no ma ia hope iho ua paa ae la ua Pake la i ka hopuia e ka Makai o Wahiawa 'a laweia ae i ka halepaahao ma Waialua e hoopaa ai, eia nae, ma kekahi la ae no mamuli o ka hemahema o ka mea malama halepaahao, ua holo mahuka mai la ua Pake la; ua huli na makai iaia no kekahi mau la loihi aohe nae oia i loaa iki. Mahope wale mai nei ua loaa ae la he lono aia no kela Pake maloko 0 kona hale ma Castner kahi i noho ai. I ka manawa i hoea ae ai ka makai ilaila a kikeke ao la i ka puka ua hala ka he mau minuke loihi i ka wahine Pilipino a kela Pake mamua o kona wehe ana mai 1 ka puka, a i ke komo ana aku o ka makai ua huliia oloko o ka hale aohe loaa o ka Pake. A hala kekahi manawa loihi na kokahi o na makai i olelo ae i kekahi o laua e huli laua ialoko o na pahulole, ua houlolohi loa ka ka wahine Pilipino i ka wehe ana i ka pahu, a no ke koi loa aku o kekahi makai, ia wehe ana ae o ka waliine Pilipino i ke pani o ka pahu e lapuu ana ka Pake iloko. Ua laweia aku oia i Waialua, a ma ka manawa o kona hookolokoloia ana, ua hoopa'iia mai oia e ka Lunakanawai Apana Hoar eha mahina e noho ai i Kawa.