Ka Nupepa Kuokoa, Volume LXII, Number 47, 22 November 1923 — MALAMA KA PAPA I KA HALAWAI MA KA WA AO. [ARTICLE]

MALAMA KA PAPA I KA HALAWAI MA KA WA AO.

Manmli o na hakoko kalaiaina o keia mau la e nee nei i malama ae ai ka papa lunakiai i ka halawai i ka wa ao, oiai ka Meia Wilson ame na lunakiai e alualu ana no ke koho hou ia e paa mau ana ko lakou mau manawa halawai ma ka po ma ka helo ana i na halawai kalaiaina ma kela a ma keia apana 110 ka hooikaika ana e loaa ko lakou lanakila ma ka hoouka kaua. Ma ka hora 1:30 p. m. o ka Poakolu aku la i hala ka lakou halawai mua o ka malama ana i ke ao a ua lawelaweia na hana a pau me ka eleu amo ka holomua a ma ke ano hoi o ka 'lawelawe oihana ana, i like ole me ko na manawa e ae i hala ke kakaiahili ame ka ulolohi a hoopau manawa wale, lilo i na hoopaapaa waiwai ole pau wale ka manaAva; he nui na hana i lawelaweia o na hoa o ka papa ma kela Poakolu, eia nae, ua hoopauia me ka holopono iloko o ka manawa pokole. Hookahi o na lunakiai aolo i hiki ae ma ia halawai oia o Low. 0 ka hana mua a ka papa ma ia la o ia ke apono ana aku i ka $3650 o ke kula o Palolo mahope 0 ka pau pono ana o ka hana a ka mea iaia ka aelike o ke kukulu ana ia leula. Ua aponoia e ka papa ke noi a E. J. Lord, e haawi hou ia aku iaia 1 90 la no ka hoopau pono ana i ka hana o iia alanui Puowaina ame Miller. He palapala, mai ka Ahahui Kalepa mai o Oaha ka i heluheluia o apono ana i ka lioolilo ana aku i $2000 no ka mahina no na hana hou paa mau e hanaia aku ana apuni ke kulanakauhale o Honolulu. Ua hooholoia e ka papa ka haawi ana aku no ka manawa i ka mea hooheehee Asphalt i ka mahiko o Ewa ame kekahi luna no ka hana ana i kekahi alanui maluna o ka apana aina o ia mahiko. He palapala hoopii mai na makaainana ae o Kaimuki ka i heluheluia e noi ana i ka papa e hanaia kekahi kahua paani tenni9 maloko o ka Paka Kaimuki. Ua waihoia aku ia hana i ke komite a ka papa ma* luna o na paka ame na kahua paani. He hoopii mai na makaainana mai o na Alanui 18 ame 10 o ka Oeean Vicw, e noi ana e hanaia aku ko lakou mau alanui inoino a maikai, he mau alanui hoi i makemake loa ia e hana koke ia aku me ka hoo* hakalia ole. Ua waihoia aku ia liana i ke komite o na alanui a ka papa. He $3000 i hooholo a i hookaawaleia e ka papa no na lilo o ke kuai ana a lilo mai kekahi apana aina ma kahi o na hana hou o Kaimuki e hanaia nku ana. Mamuli o ka hooholo lokahi ana 0 na hoa o ka papa i kauohaia ae ai ke Kakauolelo Kalauokalani e kakauinoa i ka aelike e haawi ana 1 ka hana nui hou ma ka apana o Kaimuki i ka Hawaiian ContractCo., nona na hoolilo he $477,897. No ka hooloihi ana aku i ke ala- \ nul Betela e hoomaka koke ia aku I ana ka hana ana ma keia mua koke aku i ka huina o $34,000 no na hoolilo o ia hana hou.

Ua haawiia aku 0 ka papa ka aelike ia Henry Freitas, ka mea koho haahaa loa, no ka hana ana i ka haleauau ame ka hale malumalu ma ka Paka ma Hauula nona na hoolilo ho $3000. Ua haawiia aku ka aelike no ka eli ana i elua mau luawai aniani ma kahi kokoke i ka paumawai ma Manamana ma ke alanui Beritania ia L. L. McCandlesB no laua na hoolilo apau he $10,000. Xo ka hoomahuahua ana aku i ka pono wai 0 ka apana 0 Manoa mauka loa i hookaawaleia ae ai e ka papa ka huina 0 $3000. E hoomoeia aku ana he laina paipn lawe mea ino hou no ke alanui Hunnewell nona na hoolilo i manaoia he $675.