Ka Nupepa Kuokoa, Volume LXII, Number 47, 22 November 1923 — E HOOMAA I NA KEIKI I KA HANA. [ARTICLE]

E HOOMAA I NA KEIKI I KA HANA.

Iloko o keia mau la nui o ka naauao e a'oia nei i na keiki a kakou, he keu aku ka hoohemahemaia o na hana ma na home, oiai nae, o kekahi mea ano nui loa ia, e pono ai e hoomaaia na keiki, mawaho ae o ka naauao a lakou e hooikaika nei maloko o na kula. | Aole paha maluna o na keiki wale no na ahewa e hookau-i ia aku ai no ko lakou lilo ole i poe hooikaika i na hanama ko lakou mau home, aka maluna kekahi o na makua, o ia ko lakōu a'o ikaika ole i ka lakou poe keiki, i na hana i kupono ia lakou, no ka mea aole no ha'i aku na pomaikai, ke loaa ka ike hana, aka no lakou ponoi iho no, ke lilo lakou i poe kanaka makua, a noho aku no lakou iho. I ka manawa mamua, he mau makahiki lehulehu i hala ae nei, aole he hookuu wale ia o na keikikane e hele i ka paani, i ka wa e pau ai ke kula, pela me na kaikamahine, aka e hoi ana lakou ma na home, a lawelawe aku na keikikane, i na hana i kupono ia lakou, pela hoi na kaikamahine, ma ka lakou mau hana iho; me ka hookaawaleia o ka manawa kupono no ka paani, a ma na hora o ke ahiahi, he manawa ia no ka hoopaa ana i na haawina. I ke kanaka makua ana o kela poe keiki, aole he hemahema iki o ko lakou noho ana, oiai ua maa lakou i ke ano o ka noho ohana ana, ua makaukau e lawelawe i na hana o ka home, a me he mea la, ina he poe keiki kekahi a lakou i keia wa, aole ana e nele ko lakou hoomaa i kela mau keiki, i na hana o ka home. He mea maikai ka hoouna ana i na keiki i ka naauao, oiai 0 ka naauao ka mea e loaa ai o na leulana oihana kiekie, me ka loaa pu o na ukuhana maikai, iloko nae o ia manawa hookahi, he mea kokua nui, ka ike i ke ano o na hana i pili i ka noho ana o ka home, i ka lakou mau lawelawe hana ana, e hoopau ole ia ai kekahi mau manawa waiwai, ma na hana waiwai ole. O na kanaka kaulana o Amerika a kakou i lohe nui ai no lakou, ame ko lakou mau moolelo, he poe lakou i hoomaaia 1 ko lakou wa kamalii i na hana o ko lakou noho home ana, a i ka loaa ana o ka naauao ia lakou, a loaa na kulana oihana ko'iko'i iloko o ka aina, aole loa lakou i hoopoina, i na anuu mua o ko lakou liio ana i poe kanaka ko'iko'i, o ia no ko lakou lawelawe kino ana i na hana o ko lakou mau home a mai kela mau hana mai, na haawina a'o kupono loa nana i hapai ae ai lakou, a lilo i poe kanaka kiekie a kaulana. He keu na keiki o keia manawa a ka poe piikoi, a puni i na mea maikai, me ka haaheo maoli, na keia mau ano iloko o na keiki, i kono mai ia lakou e hoohemahema i na hana.i manaoia na lakou ma na home, a hui pu iho me ka hooikaika ole o na makua, ua lilo maoli kela poe keiki, i mau keiki heinahema no lakou*iho; me ka hoomaunauna wale ia o ko lakou mau inanawa kupono, ma ka lalau hele ana ma kela ame keia wahi. Aole he manawa oi aku o ka maikai ame ke kupono. o ka hoomaa ana i na keiki a kakou i na hana o na home elike me keia wa, ka manawa e akeia mai nei na Hawaii, e hoi ma na aina hoopulapula no ka mea o ka noho ana o kela mau aina, me ka hooikaika wale no e pono ai, mai na makua a na keiki; ina aole e hoomaaia i na hana i keia manawa, e lilo ana ka ninau hoi e nolio ma na aina hoopulapula i mea hoowahawahaia, oiai ua maa na keiki i ka hoonaninani, a hookahikohiko ia lakou iho, e lilo ai ka lawelawe aku i na hana, i mea molowa, a makemake ole ia.