Ka Nupepa Kuokoa, Volume LXII, Number 48, 29 November 1923 — NA ONO HUIKAU O KA UANOE O KOLOA. [ARTICLE]

NA ONO HUIKAU O KA UANOE O KOLOA.

Ma ka lihikai o Polpu, ke alahele o na mokulele i iho mai ai mai Honolulu maij a hoea i Port Allen, ma ka pule i hala, "auwe no hoi ka nani e, kapalulu na meahana, ku ka e'a o ka lepo mahope, puehu liilii ka lehu o kapuahi, oilua kahi o ia i ka ehukai. Hoaumoe ma Port Alien, a huli hoi hou aku lfc no Puuloa. l*'a Ulo ia Mr. Halehoe ke koho haahaa loa, no ke kukulu ana i ka halekula hou o Koloa nei, he $6,500, a eia na paia nani o keia halekula hou ke pii ae nei me ka maikai, oiai; ua makemakeia e paa keia halekula iloko o na la he 165, o ia ka aelike i hanaia ai, i keia manawa, aole i piha elua mahina, ua pau ka hapanui o kekahi mau hemahema i ka hanaia me ka holopono; ua manao keia makapeni, iua aole e loaa he mau kuia, e pau pono ana na meA apau loa iloko o ka makahiki hou. No Mr. Halehoe, oia kekahi keiki Hawaii akamai loa ma keia oihana o ke kamana, nana e ulupa nei na laeula o ke Kalana o Kauai nei a pili pu ka hila i ka moena, eia malalo o kona malu e hana nei he 20 mau limahana he poe laeula no. Kaulana mai nei a o Halehoe, Kamana akamai a 0 ko kalana, He inoa nui kou ua kaulana, Ma nei oihana akeakamai. Nau e kaapuni nei apuni, Xa -\vahi apau o Kauai nei, Mea ole na hana a ka enemi. Mamuli o ka ike me ko akamai, Ua kohu menehune na limahana, Hooko pono ana i kou leo, He mea nui oe ia lakou, Puuwaihamama me ke aloha, Hea aku makou o mai oe, 0 Halehoe no kou inoa. Haina ia mai ana ka puana, Kamana akamai a o ke Kalana. Eia no ke keiki Mose, ma Koloa nei i keia mau la kahi i noho ai, ka mea i kapaia ka Niuhi ai loli o ka moaha, ka mea nana i o aku ka mano o 11 anana a make, ku ma kekahi maka, a puka ke o ma kekahi maka. He ku i ka maka'u ole, he kae'ae'a a he lawa maoli ma na ano lawai'a apau, o ia mau no ka ula o ka ihu o ua wahi kaaka la, e pakele hoi kau i ka luu mau i ke kai, hele ia la a, hinuhinu. He wahi paina hoomanao la hanau, ka Mr. ame Mr3. Henry G. Spalding no ka laua kaikamahine Miss Mura Kealoha Spalding, ma ko laua home ma Poipu, i ka la 11

o keia mahina, no ka piha ana iaia he 14 mak&hiki. Ono ino no hoi kahi palaoa lawalu, ame kahi iee crcam, ke kalokalo ae noi e hooloihi no i na Ia o ke kamaiki a kau i ka pua aneane. L'a lawa keia mau ono a uwila hou aku no,, me ka Lunalw>oponopono ka mahalo nui, ame na keiki oniuhua kepau o kou keena pa 'i ko'u adieu. Me ka haahaa, PETEK KAMANO, HK, Koloa, Kauai. - ♦♦