Ka Nupepa Kuokoa, Volume LXII, Number 48, 29 November 1923 — E MAKAALA I NA HOME I KEIA MANAWA. [ARTICLE]

E MAKAALA I NA HOME I KEIA MANAWA.

He keu maoli a ka nui o na .hana powa me aihue i keia wa e paliola nei ma keia kulanakauhale, e pono ai i na mea apau e niakaala, i ko lakou mau home i ke ao ame ka po, no ka mea ua hala na la i noho nanea ai. me ka palaka, i ka manawa i komo nui ole mai ai na lahui e, iloko o ka aina, kela manawa e wehe hamama ia ana na ipuka o na home i ka po, me ka maka'u ole no ke komo mai o ka poe aihue. Maloko o na hale oihana, ma kekahi mau home, ma na alanoi akea, i lawelaweia ai na hana powa me ka aihue, ua hele maoli a kau ka weli o kekahi pōe e noho mai nei, mamuli o keia ano hana i maa ole i ka ikeia e kakou i na makahiki ae nei i hala. * I ka nana aku, o ke dala. na waiwai makamae, ame na lole, ka makemake o ka poe aihue, aka o ka ninau pohihihi nae, o ia ka lahui o keia poe aihue me powa. Eia no ka mea maopopo loa, aole he hookahi ano lahui wale no, nana keia mau hana, aka ua pau like no na lahui o ia hoi na kanaka e hele wale mal nei, me ko lakou hele ole i ka hana, ka poe i komo iloko o na hana piliwaiwai a puehu ka lakou mau dala ame ka poe nele maoli me ka pilikia o ka noho ana. I ka hiamoe ana i ka po maloko o na home, e hookomo ī ke elala ame na waiwai makamae iloko o na pahuume, me ke ki'ana a paa, a maloko paha o na pahu, aole e waiho wale. maloko o na lole, a mau.wahi waiho e ae paha; oiai aole i ikeia aku, eia ka auanei, iloko o ka wa o ka hoohemahema ana, e ka manawa iho la ia e komo aku ai ka poe aihue maloko o na home. I ka wa ao, e lawe mau i kela kulana makaala, ma ka waiho ana i na dala ame na waiwai makamae, maloko o na wahi e lilo ole ai i ka poe aihue, o lilo auanei l<a lioohemahema ī kumu e mihi ai mahope aku. Mamuli n'ae o ka nui o na wahi i komo aihueia, mai na hōme noho a na hale oihana, me he mea la, he nui okoa keia puulu aihue me powa e hele nei ma keia ke hakilo mau nei lakou, i ka wa no e hemahema ae ai, o ko lakou komo aku la no ia. a lawelawe i ka lakou mau hana. I ka ike ana i kekahi poe aihue maloko o'na home, mai hoo hakalia i ke kahea ana i na kokua, a ina he mau meaeha kekahi, ma kahi e loaa koke aku ai ke kii, e hoohana aku ia mau mea. me ka manao, pela e paa ai ka mea aihue, a poe aihue paha. O ka pihoihoi o ka manao, o ka pupuahulu ma ka hoohana ana i na mea kupono, e paa ai ka poe kolohe, he alahele wale no ia e wi ole 'ai.ka niho, o kela poe aihue. Mai manao kakou, o ka hoea ole o ka poe aihue ma ko kākou mau home, he mea. ia e maii aku ai o ka noho nanea ana, aole pela, aia no he la e hoea mai ana, o ko kakou 'mau home kekahi e komoia mai;ana e kela puulu, no ka mea aole ma keKS.hi wahi hooieahi wale no kela puulu e lawe-lawe mau aī i ka lakou hana hakihaki kanawai, aka e nee ana lakou mai kekahi wahi a i kekahi, elike me ka lakou i ike ai, pela iho la e nui ai ko lakou mau pomaikai.