Ka Nupepa Kuokoa, Volume LXII, Number 48, 29 November 1923 — E HOOMAIKAI NA KANAKA I KE AKUA. [ARTICLE]

E HOOMAIKAI NA KANAKA I KE AKUA.

Ma keia Poaha, ka la hoomaikai a hoalohaloha i ke Akua. He la keia e malamaia ana he mau anaina haipule maloko o na halepule lehuleha o kakou, apuni ka aina. no ka hoakoakoa ena o na kanaka ia lakou iho, a hoomaikai' aku i ke Akua, me na leo pule, na leo himeni, ame na haiolelo, elike me ka man*o maoli o keia la kulaia. E kaokoa ana ke ano o ka hoomaikai ana a na kanaka o I;eia wa. mai ka hoomaikai mai a na kanaka, na lakou i hoomanao mua i keia la hoalohaloha, elike me ka loli o ke kulana o ke ola ana o na kanaka o keia manawa, ame ke ano o ka lakou mau liana. No na pomaikai i loaa i na kanaka kahiko o Amenka. mamuli mai o na huaai, . a»mc na meakanu lehulehu a lakou i hooulu ai. pela iho la lakou i hookaawale ,ae ai i ka Poaha hope iloko o ka mahina o Novemaba, i la no lakou e hoomaikai aku ai i ke Akua, ka Mea nana i haawi mai i na pomaikai he nui ia lakou. Ua lilo keia hana maa, i mea malama mau ia no na makahiki lehulehu i hala aku nei, a ia kakou e hoomanao ai i keia Ja, aole ia no na pomaikai i loaa mai ia kakou, no na huaai sme na meakanu wale no, aka no na pomaikai i loaa mai, ma ka kakou mau hanalima, na hana ilee akamai, ame na pomaikai e ae ma na ano lehulehu. Mai manao nae kakou, o keia wale no ka la e pono ai e haawiia aku na hoomaikai ame «na hoalohaloha ana i ke Akua, aole pela, ua hiki ia kakou ke hoomaikai aku laia i kela ame keia la, no ke ola i loaa ia kakou, ka poinaikai oi ae i haawiia mai mamuli o Kona lokomaikai. Aole no he waiwai, o ka malama ana i na anaina hoomaikai, ka hoakoakoa ana i na meakanu, na meaulu, maloko. o na halepule, na home .paha, ame na wahi e malamaia ana he ana ina o ke!a ano, ina no ka makemake hoikeike wale no. ka manao o kela mau hana, no ka ikeia mai, anie ka marhaloia mai paha, ke ole. e malamaia. a e laweia kela mau hana apau me na manao lioomaikai kui'o, mailoko mai o ka naau, aole hoi ma ka .waha wale no. He hana maikai a kilakila loa keia i hoomaaia e na kanaka Amerika paionia, ma ia hana i hoike mai ai lakou, i ko lakou hilinai a paulele piha maluna o ke Akua. E hoohalike kakou me kela poe kanaka paionia, .aole paha ma ke kulike ana o ko kakou mau ano. ka kakou mau hana, me ka lakou, aka ma ka like ana o ko- kakou. manao me ko lakou, ma ka hoopii ana i na leo hoomaikai, a hoalohaloha imua o ke Akua, no na mea maikai apau i loaa mai ia kakou, mamuli o Kona lokomaikai ame Kona aloha palena ole.