Ka Nupepa Kuokoa, Volume LXII, Number 48, 29 November 1923 — E HOOKOHUIA MAI ANA. [ARTICLE]

E HOOKOHUIA MAI ANA.

E hoopauia ana na pohihihi, no ka mea e pani ae ana i ke kulana o John Colburn 111, ma ke ano he luna hooko i ke kanaAvai hookapu waiona ma Hawaii nei, mamuli o kc kelekalapa i hoounaia mai e Kiaaina Farrington, no ka hookohuia mai o Senatoa J. 11. \Vise ma ia -\vahi. Ile inoa keia i ku-eia e kekahi poe o Ilonolulu nei, aka nae ma ka manaoio o na hoaloha o Sc.natoa Wise, pela me ka poe apau i ike a i kamaaina i kona mau ano, ua hauoli loa lakou i kela* nuhou o ka loaa ana mai; a no ka mea ua manaoio lakou, he kanaka o Senatoa Wise, i liiki kc hooko i na hana apau i pili i ke keena hookapu waiona maanei nei, me ka hoopilimeaai ole, ka mea hiki ole i na luna oihana e paa nei i na hana 0 kela keena, ke hooko me ka pololei mamua aku nei. He kanaka inu w r aiona ole o Seuatoa Wise, o kekahi kumu ia o kona kupono, ma ke poo o ke keena hooko i ke kanawai hookapu waiona federala maanei; a ina e komo pu mai ana ka oihana makai, ma ke kokua ana, ia Senatoa \Vise ma ka hopuhopu ana i ka poe ku-e kanawai, e hele lanakila nei 1 keia mau la, e oi loa ae ana ka holopono o kana hooko ana i ke kanawai, no ke kuniu. ina e ala mai ana he mau ku-e ana, no ke ku ole i ke kanawai ka hopuia ana o kekahi poe, alaila e lilo ana na hana a na makai, i mea hoopakele ae iaia, ma o na kanawai Teritore la. O ke kupono nae a kupono ole o Senatoa \Vise ma kela kulana oihana, he ninau ia mahope aku e hooponopono ai ,ha ka hana ana e hooko aku e hoike mai i ka mea oiaio, he hookahi tiae a kakou mea e hoomaikai ae ai, o ia no ka holo ana mai o ka hookohu i kekahi mea ma Hawaii nei. aole hoi, i hookohuia aku he malihini mai Amerika mai, no ka mea aole i nele o I-lawaii nei, i na kanaka, i makaukau e hoopiha aku i na kulana oihana federala maanei nei.