Ka Nupepa Kuokoa, Volume LXII, Number 48, 29 November 1923 — KE KEENA PUUKU O HAWAII. [ARTICLE]

KE KEENA PUUKU O HAWAII.

Ke nana aku nei ka lehulehu i ka hopena o na hoopii ho'aliewa, a ke kiure kiekie o Hawaii, o ka hoihoi ana ae" m% kana hoike, e ku-e ana i ka Puuku Swain ame ka Hope Puuku \ r ieira, me na manao kui'o, e ikeia ae ka mea oiaio i lawelaweia no na dala o ka lehulehu.

Hc hookahi nae mea maopopo loa iloko o keia manawa, o ia no ke oho ana mai o na manao ahewa iloko o ka lehulehu, no ke ano o ka lawelaweia ana o na hana o ke kalana o Hawaii, o ia ka lawe ole iā ana ae o na keehina apau, e maopopo mau ai ke kulana o ka waihona puuku, i kela ame keia manawa; na keehina hoi, e ike koke ia ai ka pilikia iloko o ka wa pokole; ma ia ano e paleia aku ai na hoowalewale me ka holopono loa.

Mamuli o ka hoemiia ana mai o na aoao o ka nupepa iloko o keia mau 'pu.le e nee nei, he hana paakiki maoli, ka hoopuka koke ana aku i na palapala a na makamaka i hoouna mai ai i keia keeua, no keia kumu. eia na palapala he nui ke waiho pei, i hele a ku ka paila, a elike nie ka loaa o na kolamu kaawale o ka nupepa i kela ame keia manawa, pela no e hoopukaia aku ai ia mau palapala.

Ua hoea mai i ka hopena o kela hihia pepehikanaka o Molokai, kela pepehikanaka i waiho me ka pohihihi no na makahiki loihi, o ia ke kau ana aku o ka hoopa'i a ke kanawai maluna o ka makuakane ame kana mau keiki elua. * Mamuli iho la o keia hopena, e maopopo loa ai ia'kakou, pehea ka loihi 0 ka waiho ana o kekahi karaima i hanaia. aia mau no na lima o ke kanawai ke hookolo la mahope o ka poe na lakou 1 lawelaweia mau hana.

O ka manao ana o ka poe hana karaima c liolo mahuka mai kekahi wahi a i kekahi, me ke kuhihewa pela iho la e pakele ai lakou mai ka paa ana aku i ka hopuia; īne he mea la ua loaa aku ka ike 1 ka paahao niahuka o ka hopuia ana ma ka Poakahi iho ne maloko o ka Aloha Paka, ua oi aku kona palekana maloko o na paia o ka halepaahao, mamua o ka hele ana ma na wahi akea, no ka mea aia mau -no ka poino ke ukali la mahope ona i na wa apau.