Ka Nupepa Kuokoa, Volume LXII, Number 51, 20 December 1923 — NA HANA AIHUE I NA HALEKUAI. [ARTICLE]

NA HANA AIHUE I NA HALEKUAI.

Ua hoomama iki ia ae na manao o na ona o na halekuai o keia kulanakauhale, mamuli o ka paa ana ae o kekahi poe keiki opio i ka hopuia ma ka pule aku la i hala. Ehia nae puulu o kela ano e hele lanakila mai nei, he hana ia na ka oihana makai, e huli aku ai, a ina e lawelaweia kela hana liuli i ka poe aihue me ke kui'o ame ka makaala maoli. aole no e nele ka loaa o ka poe aihue, na lakou i hookau aku i ka ma--?Vu ame ka weliweli, me ka hoonaukiuki pu i kekahi heluna o na makaainana.

Ma ka hoomaopopo ana i ke kuinu holopono loa o ka aihue ana a kela mau opio i na halekuai, elike me ka lakou o ka hoike okoa ana ae imua o ke Kakiana Makaikiu Kellett, o ia 110 ka makaala ole o na makai, i ka lakou hana, oiai i ka ike ana o kela mau keiki opi'o, aole na makai ma kahi o ka lakou mau huina kahi i makaala ai, o ko lakou komo aku la no ia ma na halekuai, me ka wawahi ana i na puka a nahaha, me ka hopohopo ole, oiai ua laelae ke alahele no ka lakou hana. I ka wa ao pkoa no i komo aihue ia ai kekahi mau halekuai, 0 kela kekahi hana koa a maka'u ole, hookahi nae kumu o ka maka'u ole, no ka ike o ka poe kolohe, aole na makai he poe makaala ma ka lakou hana. Nohea mai nae kela manao aa iloko o na kanaka opio e aihue 1 na halekuai, ame na home noho, oiai he hana keia i ike nui ole ia ma keia' kulanakauhale mamua aku nei? I ka nana aku, mamuli o na kiionioni e hoikeike mau ia nei maloko o na hale kiionioni i kela ame keia manawa, pela iho la i loaa mai ai ka ike i keia poe keiki', i ke ano o ka aihue ana, a mailaila rnai no i loaa ai ia lakou ka manao koa a maka'u ole. Pehea nae ka holopono o ka aihue ana a kekahi poe, me ko lakou paa ole i ka hopuia e na kanaka o kf aupuni, ina e hoomau ana lakou ia ano hana no kekahi manawa loihi, aole loa e'nele ko lakou paa i ka hopuia i kekahi manawa, no ka mea na ka lakou mau hana ponoi no e kilmakaia ia lakou iho, a i ole na ko lakou puulu ponoi no e hoike ae i ke akea : ka lakou tnau hana aihue; eiike me kekahi olelo noeau: "Na kekahi mea aihue no e liopu i ka mea aihue."