Ka Nupepa Kuokoa, Volume LXII, Number 51, 20 December 1923 — NA HOOKOHU LUNAKANAWAI KAAPUNI. [ARTICLE]

NA HOOKOHU LUNAKANAWAI KAAPUNI.

lle nuhou hoohauoli i ko Honolulu nei poe, ka lono o ka hoounaia ana mai W akiuekona mai, no ka hookohli ana mai nei o ka Peresidena Coolidge i ka Loio W. I\ Rawlins, ma ke kulana lunakanawai federala no Hawaii nei, pela hoi ka hookohu hou ia ana mai nei o ka Lunakanawai James J. Banks, no ka alia kaapuni o Oahu nei, ame ka Lunakanawai William C. Aehi, 1 r., no ka aha kaapuni o Kauai. Iloko nae o keia mau hookohu oihana a ekolu, aole 'no i nele ke komohia o na manao kahaha i koonei poe, no ka hookohuia ana mai nei o ka Lunakanawai Kaapuni Banks, ma ke kulana no ana e paa nei i keia manawa, no ka mea, he Demokarata kona aoao kalaiaina, a he Repubalika hoi ka kalaiaina o ka Peresidena Coolidge. Ua ikeia ke kupono ame ka makaukau o ka Lunakanawai Kaapuni Banks, iloko o kana mau olelo hooholo apau i hoopuka ai, no na hihia i hoea aku iloko o kana aha, i kona mau makahiki o ka noho lunakanawai ana, aole he hoohalahala ana a koonei poe ma ia mea, koe wale no ka loaa o na manao mahalo nona, me ka nui pu o na kakoo no kona hookohu hou ia mai. Ma kona hookohu hou ia ana mai nei nae i lunakanawai, ua maopopo loa ke kapae ana ae o ka Peresidena Coolidge i ka ninau aoao kalaiaina mahope, a kukulu mai la i na ano kupono o ke kanaka mamua. pela hoi ke kulana ko'iko'i o ka poe i kakoo aku i kona inoa ma Wakinekona.