Ka Nupepa Kuokoa, Volume LXII, Number 51, 20 December 1923 — HOOPAUIA MAI KA HUI MOKUAHI AKU. [ARTICLE]

HOOPAUIA MAI KA HUI MOKUAHI AKU.

Mamuli o ka loaa pono ana, oia ka mea nana i haawi ke kauoha e laweia ho pahulole mailuna aku o ka uwapo, me ke kuleana ole, a i loaa aku ai hoi na omole waina maloko o ua pahu nei, mahope mai, i hoopauia aku ai ka noho hana ana o kekahi o na kupakako, o ka hui moknahi holo pili aina, e na ona o kela hui mokuahi. Ma ka manawa a ka mokuahi Haleakala o ke ku ana mai no Honolulu nei, ma ka Poaha aku nei i hala, he pahulole ka i kauohaia e kekahi o na kupakako o ka Haleakala, e hoihoiia no kona home. Ua ikeia nae ka nalowale ana o kela pahulole mai ka uwapo aku, nolaila ua hoomaka koke na ona o ka hui mokuahi holo pili aina, o huli i kela pahulole a loaa aku maloko o ka home o ke kupakako.