Ka Nupepa Kuokoa, Volume LXII, Number 52, 27 December 1923 — HE MAU KEIKI HAWAII A'O KAUKA. [ARTICLE]

HE MAU KEIKI HAWAII A'O KAUKA.

Mr. Solomon Hanohane, Lumahooponopono o ke Kuokoa, Aloha oe:— Ina he mea hiki ia o® ke hoolaha aku ma kau nupepa o keia pule. i keia mau meahou mai kekahi keiki Hawaii mai nona ka inoa o Georgc K. Paoa. O George K. Paoa, oia no ke keiki a Mr. ame Mrs. Henrr Paoa o Waikiki. Aia keia keiki i ke Kula !sui o Harvard, e imi ana i ka oihana kauka hana niho. Ua hoonaauaoia keia keiki i ka McKinley. a mailaila aku ua komo aku oia i ka T7niversitv o Hawa'i no hookahi makahiki a i ka makahiki 1919 ua holo aku oia no ke Kula Nui o HarvardL Ua loaa leka mai nei au mai iaia mai i kela pule aku nei. e haha'i mai ana i ka maikai no o kona ola kino. A i keia makahiki ac oia e puka ai, ika mahina o lune. Kona makahiki hope loa keia a nni no hoi na meahou a lakou e a'oia mai 1 nei. a, aohe like me na kauka niho o ka wa i hala. Nui na ike hou 0 keia au e ne<? nei, a ua kakau mai nei ia 'u ina oia e hoi mai ana, e hoolako ana oia i kona keena me na meahou a lakon e a'oia mai nei. Eia kekahi mea a Geore Pa.oa i kakau mai nei, i kela mahina aku nei, ua hui kino mai nei oia mo kekahi keiki Hawaii i ka Halekula no o Harvard. a nona ka inoa o Gregory Kaonohi. Ko Gregory Kaonohi makahiki mua keia ia kula, e hoomana-wanui ana no ka imi ana 1 ka oihana K?uka Hoola. Nui ka hauoli o ka hui ana o keia mau keiki Hawaii. Ua mea mai o Paoa, i ka hoomanawanui o keia keiki o Kaonohi; no ka mea, he oi aku ka paakiki o na haawina o ka oihana Kauka Hoola mamua o ka Kauka Niho. No Kailua, Kona Hawaii, keia keiki o Gregory Kaonohi, a i ke Kula Kamehameha oia i hoonaauaoia ai. Oiai he meahou keia e pili ana i kekahi mau keiki Harraii o hoomanawanui ana e loaa ia laua ka ike Kauka Niho a kekahi hoi, Kauka Hoo!a, a ka lahui Hawaii hoi e minamina nei no ka nui ole aku o na keiki Hawaii e hahai nei i keia mau ike kiekie loa, no keia kumu au i lawe ai i keia manawa, a kakau hoi i ka Lunahooponopono o ke Kuokoa, no ka pono ame ka hoohauoli ana aku i na kini o ka aina. Otrau iho no me ka haahan, GEO. E. K. AWAI,