Ka Nupepa Kuokoa, Volume LXII, Number 52, 27 December 1923 — KA AOAO O NA MANAO HOOPULAPULA. [ARTICLE]

KA AOAO O NA MANAO HOOPULAPULA.

O keia helu hope o ke Kuokoa, e hoopukaia aku ai na manao no na hana hoopulapula i na Hawaii, malalo o ka pani & Senatoa John H. \Vise, ka mea a ke Komisina o na Home Hawaii, i koho ae ai no ke kakau ana i na manao hoopulapula. Ko keia nee ana aku omua, aole he mea i maopopo ia makou koe wale 110 ka manao ana o na lala o ke komisina, e hoopau i ke kulana i paaia iho nei e Senatoa John H. Wise no na makahiki elua, no ka hoemi ana mai i na hoolilo o kela komisina. Ke minamina nui nei makou, no kela manao iloko o ke Komisina o na Home Hawaii, e hoopau i ke kulana i paaia iho nei e Senatoa J. H. Wise. 1 Ua haawi aku ke Kuokoa i aoao holookoa, no na manao pili hoopulapula, a no na makaniki elua, i hoopiha mau ia ai he hookahi aoao o keia pepa me na manao i kakauia e Senatoa Wise, a ua lilo ia mau manao i mea heluhelu nui ia, aole wale no e na Hawaii, aka e na makamaka ili keokeo kekahi . Hamuli iho la o ka loaa ole o ka mea e kakau i na manao hoopulapula, a e hoopau loa ia aku ana no paha aole he aoao hoopulapula no keia nupepa, nolaila e hoopihaia aku ana ia aoao, me na meahou o kela ame keia ano. Ma keia kaawale ana ae la nae o kela aoao i kamaaina i na manao hoopulapula mainua aku nei, e hiki ana e hoopukaia aku na palapala a na makamaka, i hoounaia mai ai no keia keena, oiai nae i ka wa e ku mau ana kela aoao, he hana paakiki ma ko makou aoao ka hoopuka koke ana akju, no ka loa ole o kahi kaawale nui o ka nupepa. H-