Ka Nupepa Kuokoa, Volume LXIII, Number 1, 3 January 1924 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA HONOLULU, T. H., IANUARI 3, 1924 ELIMA
KE ANAINA HOOHAUOLI A NA OPIO MA KAWAIAHAO
Ma ke ahiahi o ka Poalima o ka pule i hala aku la, i malama ae ai na opio o Kawaiahao he anaina hoohauoli Makahiki Hou, maloko o ka hale kalapu a he anaina nui piha me na manao hauoli ka i akoakoa ae malaila ia ahiahi. Ku i ka nani na himeni i meleia mai e na puukana like ole maikai a kuliu na @al@lele; lilo i na haumana kahiko o ke Kula o Kawaiahao i ka manawa o Binamy ka bo-ke pua rose makana, mamuli o ka ui loa @ he lakou mau himeni o ka haawi ana mai elike me ka hooholo ana a ka @@nakanawai i kehoia, Rudolph @@@@@@, ke kakauolelo hou a ke K@@@@@@ o na home Hawaii, a he mau meaai mama i hoomakaukauia @@@ opio, ola na ice Cream huihui ame sandwiches ka i kai puu like a mai i kela ame keia ka hana ame loa o ia po mamua iho o ka @@@@@@@ a ke anaina, "Aloha @@@@ Hawaii Ponoi." a hoo@@@@ ia na hana me na lulu @@@ hapenuia ana.
Ma @@@ o ka James H. Hakuole ! ma@o ana na hana hoohauoli o ka po. Lehuleu na himeni Haa i kahiko i meleia mai e na haumana kahiko mai o ke Kula Kaikamahine o Kawaiahao, he lehulehu o lakou i hoea ae ma ia po, a pela hoi me na opio mai o Kawaiahao, na keikikane ame na kaikamahine, a pela mai ka ahaluna mai a he oli, ke mele Hawaii kahiko, mai ia Ioela Kiakahi mai.
H pua rose Amerika ka makana i hoomakaukauia no ka haawi ana i ke kalapu himeni e mele ana i na himeni Hawaii kahiko me ka nani loa, a no ka ui loa o ke mele ana a na kaikamahine kahiko o ke Kula Kaikamahine o Kawaiahao ua lehulehu hoi na manawa a ia hui i kaheaia ai e himeni, ua hooholo ka lunakanawai e lilo ia makana ia lakou, aole i nele ka ui ame ka nani o na hui himeni e ae, aka nae, o na himeni i meleia mai e na haumana kahiko o Kawaiahao ka oi ae o ka nani.
Mai ia Mr. Duncan mai kekahi mau manao koakaka no ka mea e pili ana i na hana e lawelaweia mai la e na kanaka Hawaii ma Molokai; wahi ana he manaolana nui no ka holomua o na kanaka Hawaii ma nei mua aku, ke ulu la na mea kanu, ke laha nui mai la na holoholona a kela ame keia ohana, ua ai na kanaka i ka hua o ka lakou hooikaika ana. a in a no ka holopono o ke kiiia ana o ka wai, e lilo ana ka Aina Hoopulapula Kalanianaole ma Molokai i aina piha i ka momona a he kahua hooulu a hoolaupai hoi i na kanaka Hawaii ma nei mua aku. He elua haneri a oi aku ka nui o na kanaka ame na keiki maluna o ia aina i nei manawa, a ua manaoia iloko o umi makahiki mai nei manawa aku e hiki aku ana ma kahi o eha a elima haneri ka nui o na kanaka maluna o ia aina.
Ua kokua nui ia aku kona mau manao e ka kahu Akaika Akana me na manao paipai e kono ana i na haumana kahiko o Kawaiahao e hoi mai iloko o ka ekalesia oiai, he mau hoahanau kahiko no lakou no Kawaiahao.
Mai ia Mrs Julia pauole mai kekahi mau hoakaka e pili ana aua i ka halepule o Kawaiahao, kona manawa i kukuluia, ke komo pu ana mai o na alii Hawaii e kokua i ke kukulu ana, ka hooikaika ana a na hoahanau kahiko ma ka halihali ana i na pohaku akoakoa mai kahakai mai, a he nui aku na mea waiwai ana o ha hoakaka ana mai. Mai ia Mrs. Waldron mai kekahi mau moolelo hoakaaka a ua nui ka akaia me ka piha hauoli o na mea apau.
Mahope iho o ka paneeia ana mai o na meaai mama ame ka himeni ana i ke anaina, "Aloha Oe" ame "Hawaii Ponoi," ua haawiia ae na aloha lululima Hapenuia me na manao ulumahiehie a ua hoi aku la kela ame keia me na manao ohohia.
E PAU ANA O KELLETT, WAHI A DAVID K. TRASK.
Me ka nana ole aku i ka John R. Kellett olelo o ka oikeia ana ae ma ke akea e kupaa ana oia me ka haawipio ole maluna o kona mana i haawiia mai iaia e ka Makai Nui Kalana Rose, ma ke ano he kapena no na makaikiu, ua hoike ae la o David K. Trask ma ka Poalima aku la o ka pule i hala he kanaka okoa no kana i mauao ai no ia kulana, ua noi ae oia ia A. M. Harris, he makaikiu mai Kapalakiko mai e lilo oia i kapena makaikiu, a ua apono mai o Harris e lawe ia kulana.
"Elaweia ae ana ka hihia o Kellett imua o ke Komisina Ninaninau in a e ike ia ana ke kupono," wahi a Trask. "Aohe o'u maka'u no ka hopena e oili mai ana; o Harris aku ana ke kapena makaikiu ma kahi o Kellett i hookohuia e Charles H. Rose."
I ka mokupuni o Hina ka Makaikiu ma kela mau la aku nei, a ma ke kakahiaka Poalima aku la i hala ka hoi ana mai maluna o ka mokuahi Haleakala no ke kuka ana me ka Makai Nui i kohoia Trask, a mahope o ko laua kukakuka ana ua ae ka makaikiu Harris e lawe i ke kulana kapena no na makaikiu, a ia pau ana ua kau hou ka Makaikiu Harris maluna o ka moku no Molokai, no ka hoopau pono ana i kana hana noii a huli e pili ana i ka hihia o Conant, ka hihia hoi ana i hana ai no kekahi mau pule lehulehu i hala aku nei, a e huli hoi mai ana oia i Honoluu nei me he mea la maloko paha o na pule elua no ka lawe ana ae i kana mau hana hou ma ke ano he kapena makaikiu mahope, o kona ike ana i ka malaelae o ke alahele no kana hana o huli mai la ma Molokai.
HOOPANEE LOA IA KA MALAMA ANA I KE KULAIA KARISIMAKA
O na hana hoohauoli Karisimaka i hoolalaia ai no ka lehulehu maloko o ka Hale Kapi@ala no ke ahiahi Sabati nei ua hoopanee loa ia ka malama ana no keia makahiki, mamuli o ke koikoi o na kuaua o ia ahiahi.
Ma ka hore 3:15 o ia ahiahi ka hoea ana ae io ka @ana Hawaii; ua makaukau ke kanaka pa'i kiionioni me kana meahana ma na alapii o ka halealii; ua makaukau ka pianono ka hoea ae o ka mea nana i hookani, a o ka pae na lakou e koikeke mai ana i ke tabalo no ke kii ole o ka Haku ua hoea ae kekahi poe.
Ua hele ka lewa a pouli a e hoike mai ana hoi ka lewa he ino nui ke hiki mai ana, e koomaka mai ana, e hoomaka mai ana ka ua e helelei liilii ia manawa a e loheia aku ana ka nakoljolo o ka leo o ka hekili a e elapa ana hoi ka uwila ma ka lewa lani, a he mau minuke kakaikahi ma ia hope iho ua wehe hamamaia ae la na ipu kawai o Kulanihakoi a he manawa pokoli loa ma ia hope iho ua halana pu ia na alanui a ua like hoi me na muliwai e kahe ana na alanui ia manawa.
Ua hiki ole i na kanaka puhiohe o ka bana Hawaii ke ku hou iho, o lakou ame kekahi poe e ae i hoea ae ia manawa ua pahee aku la noloko o ka halealii a no kahi e loaa ai ka palekana, a maloko o ia mau wahi lakou o ka pee ana ahiki i ka hora 6:15 ka manawa i kualiilii loa mai ai ka ua a holokiki aku la no kahi o na kaa otomobile e kuku mai ana a noluna hoi o na kaa uwila.
No ka hiki ole ke malamaia na hoikeike a hoohauoli ana ua hoolaha ae ka Rev. W. A. Palmer aole e malamaia ana na hana hoohauoli Karisimaka no ka lehulehu maloko o ka Hale Kapitala i keia makahiki, e hoopanee loa ia na hana i hoomakaukauia ma ka papa kuhikuhi hana no keia makahiki.
Me ia hele no o ka lewa a hakumakuma a he mau kuaua koikoi loa ke hoohanininiia mai ana, eia nae, ua piha oloko o ke kahua o ka halealii i na kaa otomobile. Ma ka hora 6:30 ponoi o ia po e paani ai ka bana aka nae, ma ia manawa i manaoia ua like na alanui me he mau muliwai la e kahe ana a hoopau wale ia ka paani ana.
MANAOIA E ALA MAI ANA NA HOOPII
Mahope iho o ka hoohala ana i kekahi mau la ma Kapaa, Kauai, i juli hoi mai ai ka Hope Ilamuku Kinaiahi E. P. Fogarty, mai kauai mai, a ua manaoia e ala mai ana he mau hoopii kanawai, e pili ana he mau hoopii kanawai, e pili ana i ke ano o ke ahi mana i holapu ae a neoneo kekahi mau kauhale ma Kapaa, pela hoi me na hana aihue, i lawelaweia e kekahi poe, no na waiwai oloko o na halekuai.
Ma ka manawa i hoea aku ai o Mr. Fogarty no Kapaa, Kauai, ua hoomaka koke kona huli a noii pono ana, i ke ano o ka pauahi ma kela taona, ma ka pule mamua aku.
He elua la i noke ia ai kekahimau hoike he iwakalua a oi i ka ninaninau, maloko o ka hale hookolokolo ma Kapaa, eia nae ua noho hamau loa o Mr. Fogarty aole i ka mailio wale ae, no na mea e hanaia aku ana, a ma ka manao wale ia, aole i pau na hana noii ma kona aoao no kela pauahi.
Ua kokuaia mai o Mr. Fogarty, ma kana hana noii i ke kumu o kela pauahi e ka Makai Nui Rice o Kauai, a ma ka manawa e waiho aku ai o Fogarty i kana hoike imua o ka Puuku Henry C. Hapai, ka Ilamuku Kinaiahi nui, ia wa e hoikeia ae ai i ke akea, na keehina e laweia ae ana e na luna oihana o ke aupuni.
HE 302 MAU OHUA I HOOMALUIA AE
No eono hora ka paaia ana o ka mokuahi Peresidena Taft mawaho o ka nuku o ke awa mahope o ka hoea ana mai Yokohama mai a aole ia i komo mai iloko o ke awa a ma ka Uwapo 7 hoi ahiki mamua iki iho o ke awakea o ka Poalima aku la i hala, mamuli o kona hoomaluia ana no ka puka ana ae o ka ma'i puupuu liilii mawaena o kekahi mau ohua.
Ma ke kakahiaka loa o ia la ke kaalo ana ae o ia moku ma ka nuku o ke awa, aka, mamuli o ka ma'i puupuu liilii i ikeia mawaena o kekahi o na ohua no ka nana ana i na ohua. He 302 mau ohua, o ka hapanui o ia heluna he mau pake, i hookaawaleia maiulna mai o ka moku a laweia mai no kahi hoomalu mai Kakaaulana, a malaila i nana hou ia ai e na kauka a paaia lakou malaila ahiki i ka pau ana o ka ma'i.
He manawa pokole ka mahope iho o ka haalele ana aku a ka mokuahi Taft i ke awa o Yokohama ua puka ae la ka ma'i puupuu liilii mawaena o kekahi mau ohua oneki. He bebe ka mea i loaa a make ia ma'i, a kanuia aku oia i ka moana. Ia manawa i hoomakaia ai na ohua apau o ka rumi oneki e oia no ka hoopakele ana mai i ka lehulehu o na kanaka maluna o ka moku mai ka pahola loa ana ae o ia ma'i.
Mai ka haalele ana aku ka a ka Mokuahi Peresidena Taft ia Yokohama ahiki wale i ke ku ana mai i Honolulu nei he malie maikai ka moana, a maluna mai on a he 100 mau eke leka, me 13 mau ohua no keia awa.
HOOLEIA KE NOI A KA MAKAI NUI SAM PUA
Ma ka halawai a ka papa o ka auwina la o ka Poaono aku la i hala ka pau ana i ka hoomakaukauia o ka bila haawina o na hoolilo no ka makahiki e hiki mai ana no ke kalana o Hawaii, ua okiia mai kekahi mau hoolilo o kekahi mau keenahana lehulehu, he liilii loa nae ka loli mai ko ka makahiki i hala aku la, elike me ka hoika i loaa ae i ka Advertiser mai ke buro lala mai o ka Advertiser ma Hilo.
O ke noi a ka Makai Nui Pua no kekahi mau makai hou no ka hoomalu ana i ka apana o Hilo Hema ua hooleia, a pela hoi me kana noi no kekahi mau pahu kelepona no na apana mawaho aku o Hilo i hiki ai ke hoohuiia mai me ke keena o ka oihana makai maloko i ho o ke kaona o Hilo.
O na hoolilo i kohoia no ia mau hoolilo waiwai ole wale no ka ia. Ua nui na mea i hoakakaia ae e na hoa o ka papa e pili an ai na ulia i ikeia i kela ame keia la maloko iho o ke kulanakauhale o Hilo e kupono ai ka hoomahuahua hou ana ua i ekolu mau makai eia nae, ua hoole ia no e ka papa keia noi a ka makai nui.
o ka mea wale no i aponoia e ka papa o ia ka hoopii hou ana ae i ka uku o na makai i 20 pakeneka no na makai apau i emi iho ko lakou mau ukuhana malalo o ka $100 o ka mahina, a oiai e hooholoia ana pela ua hooholo ka papa e hoopau i kekahi mau makai i hoomau i ka hana no kekahi mau manawa i hala a i hoikeia ae he mau repubalika maikai, o ka manao nui ma ia hoopau ana i loaa ai i wahi kaawale no kekahi mau punahele e komo mai ai, he poe i oi ae ka punahele i na hoa o ka papa lunakiai.
NA HANAU
Na David Makahona ame Sarah Sam, he kaikikane, Sept 3.
Na Samuel Kahoano ame Mary Kalama, he keikikane, Nov. 19.
Na F. R. Quintal ame Carnelia E. Hilling, he kaikamahine, Dec. 7.
Na Ernest S. Aoki ame Libbie Kaaiahua, he kaikamahine, Dec. 19.
Na Geo. Punahele ame Sarah Waiolama, he kaikamahine, Dec. 25.
ELUA MAU KANAKA I MAKE MA KA LA KARISIMAKA.
He la hauoli ke Karisimaka i hookaokoaia ae ai e ke aupuni no na kanaka apau, eia nae ka mea i ikeia he la ia i hookaumaha ia aku ai o kekahi mau ohana no ka make ana o ka lakou mau mea aloha, a no ka hoehaehaia ana hoi o kekahi poe mamuli o na ulia kaa otomobile.
Ma ka hora 7:45 o ke ahiahi o ka La Karisimaka i lele loa ae ai ke aho o Frank Silva maloko o ka Halema'i Moiwahine, a ma ke ahiahi mamua iho o ke Karisimaka i make loa ai hoi o Joe Rodrigues, ke kanaka nana e malama ke kahua Fea Teritore ma Kapaulu mamuli o kona haule ana iloko o ke kiowai lepo, o ke kumu mai o ka make ana o nei mau kanaka no ka on a mai, elike me ka moolelo.
Ma ia la no eono poe i eha kukonukonu loa mamuli o na ulia kaa otomobile. O ke kumu o ko Frank Silva make ana no ka hooku'i ana mai o ke kaa oto ana e kalaiwa ana me ke kaa bus haliahali ohua o ka Hui Kaa Uwila o Kalihi uka.
Ma ke ahiahi mamua iho o ke Kalikimaka he ekolu poe i eha mamuli o kekahi ulia kaa otomoile maluna o ke alanui Kalakaua no lakou keia mau inoa: Gordon Norrie R. K. Holstein ame H. Akana, ma kahi kokoki aku keia i ke alanui Lui. Ua hooku'i ke kaa oto a Norrie e kalaiwa ana me ke kaa oto e kalaiwaia ana e ke Kakiana N. S. Wann.
He kaa otomobile e kau ana o Mrs. A. Burr, S. Kahalewai ame John Liilii ka i hooku'i me ke kaa uwila a eha ia poe. Ma ia la no elua mau wahine i hoao e hoopokole ae i ko laua mau la o ke ola ana ma ka inu ana ae i ka laaumake no ka ukiuki mai ke kumu i ka laua mau aliikane, a laki nae ko laua mau ola aohe i haalele mai i ka la i ka mea mehana. Ma ka la Kalikimaka he wahine o Mrs. L. Akana ka i laweia ae e kana kane i ka halema'i o na poino ulia no ka inu ana i ka laaumaka, elika me ia a ke kane o ka hoike ana ae i ke kauka Ayer.
Mahope iki iho o ke aumoe o ka po Poalua he wahine o Mrs. E. Ness o ke alanui Hokele, ka i inu i ka laau make pela ka oleloia, o ke kumu mai ka o ka hoao ana e hana naaupo i kona ola mamuli o ka paee hahana ana me kana kane, a ua manao oia o kona inu ana i ka laaumake ke kumu e hoopauia ae ai o ko laua paee hou ana.
A-IA KE KAA UWILA HELU 10 O KE ALANUI PUNAHOU
Aneane loaa e poino holookoa ke kaa Uwila Helu 10 o ke alanui Punaou i ke ahi ma ka hora 9:30 o ka po Poaha aku la i hala, ma ka manawa o ka uwea uwila I haule ai a kau iluna o ke kaa. Ma ke alanui Alexander kela ahi o ka halawai ana o ke kaa uwila me keia poino, ma kahi aneane 100 kapuai mai ke alanui Beritania aku.
I kulike me ka ke kiakaa gomes o ka hoike ana ae he elua mau ohua e kau ana maluna o ke kaa ia manawa, ua pakele no nae laua aole i ehu. No ka aneane he 20 minuke ka ka holapu ana ae o na ulaahi ma na wahi like ole o ke kaa, a no ka lalapa o ke ahi i holo mai ai kekahi poe no kahi e a-ia ana o ke kaa uwila, maluna o na kaa oto. Ua hoopaaia ka uwila no ka manawa ma kela laina o ke alanui Punahou, a na ke kaa kinaiahi i hoopio i ke ahi e holapu ana ma na aoao o ke kaa uwila. Ma ka manaoia o ke kiakaa Gomes i moku ka uwea uwila mamuli o ka haki ana o kekahi lala o ke kumulaau kiawe e ulu ana mahai o ke alanui a e pono ia mau kumulaau e okiia ma kahi kokoke loa i ke alanui.
HE HOALOHALOHA
OIAI, ua oluolu loa i ka Mea Mana Loa ka lawe ana aku i ka uhane o Mrs. Kalei Kahapea Hanakeawe, mai kona kino aku m a ka manawa e waiho ana kona kino me ka nawaliwali no ka hanau keiki maloko o ka Halema'i Moiwahine maloko o na la pekole loa, a
OIAI HOI, he hoapaahana a he lima kokua oia ma na hana o ko makou Ahahui Hooikaika Kristiano, a mamuli o kona haalele ana mai la i keia ola ana ua kau iho maluna o makou kona mau hoapaahana ke kaumaha ame ka luuluu no kona haalele koke ana mai la i keia ola honua ana iloko o kona mau la opio, a
NOLAILA, e hooholoia e haawiia i hookahi kope o keia Olelo Hoalohaloha ia Mr. Hanakeawe, ke kane mare i hooluuluuia, a i hookahi kope i ka Nupepa Kuokoa. Ka makou pula e hoomamaia mai na naau o ka ohana ame na mea aloa apau i haaleleia i ho ma keia ao.
Na makou na na hoahanau, na lala o ka ahahui Hooikaika Kristiano ame na haumana o ke Kula Sabati o Kawaiahao ma o ko makou komite la.
MRS. MARTHA HAILELE,
MRS KALUA PAUOLA,
DAVID KAHAULEIO,
AIHUE I KE KAA NO KA LAWE ANA I KA IPO.
Ma ka po o ka Poaha o ka pule i hala no ka makemake o kekahi koa e lawe i kana ipo e hooholokaa, me kona ike no aohe on a kaa, ua kii aku la oia i kekahi kaa oto Oakland i onaia e H. R. Slocum, o ka Hawaiian Electric, e ku ana maloko o ka pa waiho wale e pili mai ana i ka hale o ka Hawaiian Electric, me ka manao kolohe, a kekahi manawa mawaena o ka hora 7:30 ame 8:30 a holo aku la. O ka noho hoi ia o Mr. Slocum ame M. A. Mulrony a puka mai, aohe ke kaa, a hoomaka aku la laua e hele e huli i ke kaa nalowale.
Aneane i ka hora 9:45 o ia po ua ike aku la o Mulrony i kekahi kanaka me kekahi wahine opio e kau ana iluna o ke kaa malalo iho o ke kumulaau banyan maloko o ka Paka Kapiolani. Ua kauoha aku la oia i ke kanaka e kalaiwa ana e ku iho, aohe i paneia mai kana kauoha, ua hooikaika loa aku la ke kalaiwa i ka holo o ke kaa. Iloko o kela manawa pihoihoi o ke kalaiwa ua hooholo pololei aku la oia i ke kaa i kahi pohopoho, me ka pau o na meakanu malaila i ka hina ilalo, me ke kauoha iho i ka wahine e kau pu ana maluna o ke kaa e holo me ka mama, o paa aku oia i ka hopuia e na kanaka e hahai aku ana mahope.
O ke kanaka e kalaiwa ana i ke kaa he koa oia, elike me ka hoike a ka wahine i na kanaka i alualu aku ai mahope o laua, i kona manawa i paa aku ai i ka pouia, a no ua koa la ua hoikeia aku i na aliikoa ma Kahauiki a ua paa ae ka ua koa la i ka hpuia a hoihoiia aku i Kahauiki.
HOOPIIIA AE NO KA MAKAALA OLE I KANA HANA.
I kulike me ka hoakaka ma ka moolelo a A. Lister ka lunahoohana o ka Hui Halakahiki ma Kohala, o ka hoike ana ae i ka loio Kuhina Matthewman, ma ka leka e hoopii ana i a Ernest Kanehailua o ka apana o Kohala Akau no ka makaala ole i kana hana, ma ka Poaono o Novemaba 10, ua ala ae he hoopaapaa mawaena o Maria Canavis, he wahine Pilipino ame Cecelia Kapukaa, maloko o ka halehana halakahiki, a iloko o ia manawa a laua i hoopaapaa ai ua okiia mai la ka opu o Cecelia Kapukaa me ka pahi. Ua laweia ae o Cecelia i ka halema'i o Kohala a ma ka Poakahi mai i make ai oia.
Ma ka hoakaka a ka Lunahoohana Lister maloko o kana leka i ka loio kuhina aole i hoea kino aku ka Hope Makai Kanehailua i kahi i hanaia ai ke karaima, m ka la 13 mai o Novemaba i noi aku ai oia e huliia ka pahi i okiia ai o Cecelia maloko o ka halehana kini halakahiki, a ma ia la 13 no hoi ka Hope Makai nui Kanehailua i hoomaka ai e ninaninau no keia hihia. Ma ka leka a ka Lunahoohana Lister o ke kakau ana ae i ka loio kuhina, e noi ana ia no ka ninaninauia o ko Kanehailua kumu o ka hoopalaleha ana i ka hana.
Ma ka la 13 Novemaba i kakauia ai ka Lister leka. Ua loaa ae i ka Makai Nui Pua o Hawaii ka leka a ka Loio Kuhina Matthewman ma ka Poaono Dekemaba 21 enoi aku ana ia Pua e huli a noii pono aku i na mea apau e pili ana i ka hihia a hoike aku i na mea i loaa iaia ma ia ninaninau ana. Ua ukali pu mai me ka leka a ka loio kuhina ka leka a ka Lunahoohana Lister i hoouna aku ai.
A oiai ua oi aku mamua o elima pule mai ka manaw mai a Lister i hoike ae ai i ka Loio Kuhina ua hooholo ka Makai Nui Pua e wiaho aku i ka hana o ka noii ana aku i na mea e pili ana ia Kanehailua imua o ka papa lunakiai. O keia ka lono i hoikeia mai i Honolulu nei mai Hilo mai.
POKOLE NA DALA MA KA HALE HANAHAO MA HILO.
Ma kahi o ka eiwa kaukani dala, ka pokole i ikeia maloko o na buke o ka Hale Ranahao o Hilo, elike me na hoike i loaa mai i Honolulu nei, e hoea mai ai i ka hpuia ana o kekahi mea, i ili aku ke ko'iko'i o ka pokole ana o na dala o kela halehana maluna on a.
Mahope iho o ka loaa ana mai o kela nuhou i keia kulanakauhale, na oili pu ae la he hoakaka, no ka hoopanee o ka hopuia aku o kekahi limahana a mau limahana paha a hala he mau la.
Ma ka mokuahi Haleakala o ke ku ana mai no Honolulu nei mai Hilo mai, i hoea mai ai o Gavien A. Bush, ka lunanui o ka Hale Hanahao o Hilo no keia kulanakauhale, a ma na mea i holiloia ae, o ke ano nui o kana misiona i holo mai nei, no ka hui pu ana no ia me na lunanui o ka Hale Hanahao o Honolulu nei, no ke kukakuka ana, no na alahele e laweia ae ana, i pili i ka pokole ana o kela mau kaukani dala.
Ma kekahi mau mea nae i kamailioia ae, ua hoao na lunanui o ka Hale hanohao ma Hilo, e huna i ke alaele e hookoia aku ana, no na mea i pili i ka pokole ana o kela mau dala, eia nae, ua oili ae la no ka lohe, elike ae la me ia maluna.
Ua oili ae kekahi mau manao kohokoho, in a nei no ka hoopukaia he palapala hopu, e hoea mai ana i ka wa e hookahahaia aku ai ka manao o kekai poe o Hilo.
HOAILONA
AEKO
Waia Kia
Nui na hanauna o na bebe i
ulu ae me ke ola kino maikai
a pu'ipu'i me ka
WAIU KIA AEKO
"Heaha La Ke Kumu o Ko'u Noho Ula-
kolako Ole Ana Elike Me ko'u Hoa-
launa Oiai Nae Ua Oi Ae Ka Nui
O Ka'u Loaa Mamua O Kana
O keia kekahi o na mea ninau mau ia.
Ua ninaninau anei oe in a paha eia ua hoalauna nei ou ke hoomakaulii nei i kana wahi hunahuna liilii i kela ame keia pule?
Ina aole, alaila, e ninau. E loaa no ka ike ia oe eia oia ke hana nei pela, a o a hoomakaulii o ia ka nanehuna o kona nohona uakolako ana.
CHINESE-AMERICAN BANK
Kihi o na Alanui Moi and Nuuanu. Honolulu, T. H.
Pahu Leka 200 Kelepona 6119
8 Keneka
"EIA KA BILA NO KA HOIAIO ANA"
o ka paona o na i'o Hipa uha mua.
- Ma na Poakolu apau -
"Pehea ia no ka Hooemi Ana Mai i ko Kaua Lilo?"
"Heaha mai auanei kau, ua manao au eia au ke ai nei i na i'o pii loa. He palupalu maoli no kela i'o hipa a he ku maoli no i ka ono."
No ka Waiu Bata Ono "MAILE" he 60c
wale no o ka paona.
Metropolitan Meat Market
Ma ka aoao Waikiki o ke kihi o na Alanui Bekela ame Moi
CITY MILL CO.
KEKAHI O NA HUI KAHIKO LOA MA HONOLUUL NEI
Poe kuai Papa, Pilihale, na iako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku ana, me na kookaa liilii.
O KA OI LOA AKU NO KA POE HOOKUONOONO.
Mai Poina --- Hele Mai la Makou
Kihi o na Alanui Moiwahine me Kakaulike. Honolulu, T. H
A LOT MEANS A HOME
$500. Lot 50x100, near Bus line Kalihi Road. $20 down, $10 per month.
$900. Lot 7950 sq. ft., Kalihi Road. $20 down, $10 per month.
$950. Lot 50x100, 18th Ave. Ocean View. Easy terms.
8300. Palolo Hillside Lot, over 5000 sq. ft. $20 down, $10 per month.
$1400. Lot 50x150, Kilauea Ave., Strauch Tract, Kaimuki, $25 down, $15 per month.
$1675. Lot 50x200, 19th Avenue. Strauch Tract, Kaimuki. $50 down, $20 per month.
Easiest terms in town. Prices the lowest consistent with market values.
Ask C. W. Carpenter. with
PAULO KALAUKA
(P. E. R. STRAUCH)
Alanui Moi, Helu 74, Mawaeno o na Alanui Papa ame Betela.
Keena hawaii
No Na
Lako Hana Mahiko
Hapukku Kila Oliver
Chilled âme na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA UKANA ME KALAKA ME KA ILANA HOU ANA
Schuman
Carriage Co., Ltd.
Na paionia o na Huna Halihali o Hawaii nei.
KA VICTROLA
- Ka Meakani Mele Kilakila - he meakani e pono e loaa ma kou home. kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
âme na mea apau pili i na mele.
Bergstrom Music Co.
1020 Aalanui Papu Honolulu
HALE UWI WAIU
MAPULEHU
PUKOO, MOLOKAI
E Hooholo Ana i ka
MOKUKUNA GESOLINA
LELEIONA
Mawaena o na Awa o Honolulu me Molokai
Geo. P. Cooke,
ONA
Poe Lawe Hau me Waiu
E KUAI I KOU MAU
Pono Hale
ma ka
Hawaii Furniture Co.
Helu 469 Alanui Moi
kokoke i ke kihi o ke Alanui Liliha
He oluolu na kukai olelo ana.
T. O. MURATA FURNITURE STORE
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo.
715 Alanui Hema, Honolulu, T.H.
Kelepona 1695
Ka Pila GRAFONOLA COLUMBIA
Maopopo ka Wa e Pau Ai
Na ka mea hoopaa nona iho makaala ia @@ nou. Ua hiki ia oe ke hulahula ahiki i ka huaolelo @@pe loa.
Uku Liilii ke Makemakeia
Thayer Piano Co.,
LIMITED
148-150 Alanui Hokele
Kakela & Kuke
(KAUPALENAIA)
Poe Kalepa ma ke Komisina
- A LA -
Poe Agena no na Mahiko Lehulehu
PAPA NA LAKO KUKULU HALE
No ka hoahu ana i kou wai ma na Pahu Wai Papa Ulaula o 5000 a 10000 Galani.
E hoolakoia aku no na kumukuai ame na hoakaka ia oe ke noi mai.
ALLEN & ROBINSON, LTD.
HONOLULU, T. H.
Nupepa Kuokoa
No ka makahiki (one year)….$2.50
O ua Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu; T. H.
217 Alanui Moi, ma Waikiki o ke Alanui Alakea; ka Nupepa Advertiser.
Entered at the Post Office at Honolulu, T. H., as Second Class Matter.
SOLOMON HANOHANO, Lunahooponopono.
CHARLES S. CRANE, Luna Nui.