Ka Nupepa Kuokoa, Volume LXIII, Number 1, 3 January 1924 — MANAOIA E ALA MAI ANA NA HOOPII [ARTICLE]

MANAOIA E ALA MAI ANA NA HOOPII

Mahope iho o ka hoohala ana i kekahi mau la ma Kapaa, Kauai, i huli lioi mai ai ka Hope Ilamuku Kinaiahi E. P. Fogarty, mai kauai mai, a ua manaoia e ala mai ana he »au hoopii kanawai, e pili aaa i ke ano o ke ahi nana i holapu ae a neoueo kekahi mau kauhale ma Kapaa, pela hoi me na hana aihue, i lawelaweia e kekahi poe, no na waiwai oloko o na halekuai. Ma ka manawa i lioea aku ai o Mr. Fogarty no Kapaa, Kauai, ua hoomaka koke kona huli a noii pono ana, i ke ano o ka pauahi ma kela taona, ma ka pule mamua aku. He elua la i noke ia ai kekahi mau hoike he iwakalua a oi i ka ninaninau, maloko o ka hale hookolokolo ma'Kapaa, eia nae ua noho hamau loa o Mr. Fogarty aole i kamailio wale ae, no na meā e hanaia aku aua, a ma ka manao* wale ia, aole i pau na hana noii ma kona aoao no kela pauahi. Ua kokuaia mai o Mr. Fogarty, n)a kana hana noii i ke kumu o kela pauahi e ka Makai Nui Kiee o Kauai, a ma ka manawa e waiho aku ai o Fogartv i kana hoike imua o ka Puuku Henry C. Hapai, ka Ilamuku Kinaiahi nui, ia wa e hōikeia aa ai i ke akea, na keehina e laweia ae ana e na luna oihana o ke aupuni.