Ka Nupepa Kuokoa, Volume LXIII, Number 1, 3 January 1924 — HE HANA ANO KUPONO OLE [ARTICLE]

HE HANA ANO KUPONO OLE

Ma nehinei aku la, ka la 2 o lanuari, o ka makahiki hou, 1924. i lawe ae ai ka Makai Nui Trask, i ka noho poo ana no ka oihana makai o ke Kulanakauhale a Kalana o Honolulu nei, a ke kakali aku nei na makaainana koho baloka i ke ano kana hoohana ana i kela keena oihana, ma ke ano e hooiia ae ai ke kupono ame ka mahaloia. Aole i poina i ka lehulehu ma kana mau haiolelo kalaiaina, leona kalahea ana me ka manao kuio, e kaiehu no oia i ka Makaikiu McDuffie mai ke keena aku o na makaikiu; ua hoomaalahiia ae nae ka hana ana i manao ai e hooko aku, mamuli o k waiho okoa ana mai o Mr. McDuffie i kona noho poo ana iio ka oihana makaikiu. Ma kela waiho okoa ana mai nae o ka Makaikiu McDuffie i kona kulana oihana, mamua ae o ke kaa ana aku o ka hooinam ana o ka oihana makai malalo o ka Makai Nui Trask, na maopopo loa, aole ia malalo o kekahi kumu e ae, aka no ka maopopo mua ana iaia, e hoopauia mai ana oia, i ka wa e pi: ae ai ka Makai Nui Trask, ma ke kulana oihana a ka hapa- j nui o na mana koho, i hookau aku ai maluna ona. He mea no nae e hookahahaia ai ko kakou manao, i ka) pinmahulu loa o ka Makai Nui Rose, ma ka hookohu koke ana sku. i ke pani ma kahi o ka Makaikiu McDuffie, ma ka hookiekie ana ae i ke Kakiana Makaikiu Kellett, i poo no na makaikiu. aole noi o ka w*aiho aku, na ka Makai Nui Trask e hoo- j kohu mai, i kana kanaka i makemake ai no keia oihana ano nui. Hoo'kahi mea maopopo i ka noonoo aku, ma o keia hana; la ma ka aoao o ka makai Nui Rose, o ia no kona hoohoka ana aku i ka makai nui hou. a ma kekahi olelo ana ae hoi, ua alai aku oia i ke alahele, e lilo ai i hana paakiki loa, na Mr. Trask ke kipaku ana aku ia Mr. Kellet mai ke poo aku o na makaikiu. He hana ano kupono ole keia i ka nana aku, eia nae, aia no leuleana ame ka mana o ka hookohu ana i poo hou no ka oihana makaikiu, maluna o ka Makai Nui Rose ; aka ina nei no ka manao maikai, alaila o ka hana pono ma kona aoao, o ia no ka waiho hakahaka ana i kela kulana, a na ka Makai Nui Trask e hoopiha mai. Me ka nana ole aku nae i ke keehina i laweia ae e ka Makai Nui Rose. ua wae ae o Mr, Trask i kana kanaka i makemake ai no kela kulana, oia ka Makaikiu Harris o Kapalakiko, e noho nei maanei, a o ka mea maopopo, e hoalaia mai ana kekahi ninau kanawai. a i ole, e laweia mai ana kekahi mau kumu hoohalahala e ku-e ana ia Mr. Kellett, ina he mea kekahi oia ano, i w r ahi e hana mai ai ka Makai Nui Trask i kana hookohu oihana maluna o kana kanaka i manaoio ai, i kupono i poo no na makaikiu. O ka mea pololei maoli, e haawiia i ka makai nui hou, na kakoo ana ma na ano apau e holomua ai kana mau hana. Ua loihi ka noho ana o Mr. Kellett iloko o ka oihana maa ua ikeia no hoi kana mau hana. elike me kekahi mau h ; h:a pohihihi i hookoloia eia, ahiki ika paa ana 'O ka poe na lakou na hana hakihaki kanawai. aole nae ia he kumu e hoomauia aku ai kona paa ana i ke kulana poo o na makaikiu, koe wa'e ro a koho maoli ka manao o Mr. Trask iaia.