Ka Nupepa Kuokoa, Volume LXIII, Number 2, 10 January 1924 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
OPEN A CHARGE ACCOUNT AT The Model Clothiers
FORT ST.
Aia he hao iloko o ka B. B. C.
Ua @ i Kamahao i Aeia mai e na @ Akeakamai ame na Kanaka @ @ Kaulana no ka Holopono n@ @ @ Hana.
U@ ke liilii loa ka makemake @ ka hao.aka nae ke koi @ ka hao no na biliona o na @ ulaula iloko o kou k@ mea i ka B. B. C. ma k@ maalahi loa e holo ai @ meapaa@.
@ aia ka meahuna @ Ka@ Br@ i ikeia ka mau a@ ikaika. O ke Gentiana Lutea @ ka @ wali ole o ka ai. ka eha ma@ o ka ai ana. ono ole o ka @ ke ano opihapiha. ka pu-ha. ka puuwai kapalili ele. O ka Resi@ P@ no keia akepaa inoino. ka @ me ke poniuniu. O ka A@ U@ U@. no ka ho@ i ka rumatika o na puupaa aina na waiawa o ae. Pela pu na @ laau waiwai nui i kau pu@ ma ka Hale Haawi Laau @ Makuaina Hulia, a i heakakaia @ kauka akamai loa no ka maika @ B. B> C. e kokua ana ma ka ho@ aua i na meaino mai ka opu ak@. O ka hananea he kulana @ ka noonoo @ Ina he kino kou @ me ka ikaika opiopio ame @ mana @ mau kupono e hoomaemaeia maloko a pela mawaho. O @ @ ana i ka B. B. C. e loaa @ i@ maikai mahope o @ manawa pokole e hoohanaia ai.
Ma na halekuai laau apau ame na halekuai mahiko. Kumukuai $1.00. Ka kawa @ no $5.00. Benson. Smith & Co. Honolulu.
Laauhame B. B. C. - Maikai loa no ka Hu'i Rumatika. Umauma Eha, Ma-ui ame na eha e ae.
ALPINE MILK
hiki ke waiho loihi mamua o na waiu e ae.
Ninau i kou kanaka kuai meaai no ka -
E Hookaawale i Kekahi Hapa o Kou Ukuhana
ma o ka hoahu ana maloko o ka Banako i loaa ai ka hauoli i kou ohana.
O ka hoomakaulii, o ia ka mole o ka nohona ulakolako ana.
Ua makaukau mau makou e lawe mai i kau mau hoahu liilii.
CHINESE-AMERICAN BANK
Kihi o na Alanui Moi âme Nuuanu. Honolulu, T. H.
Pahu leka 2000 Kelepona 6119
KA MAKEKE BIPI
METROPOLITAN MEAT CO.
Ka Home o na Io Bipi Momona no ke Kumukuai Haahaa Loa
Na Io Kamano Momona i Loaa Ole Ma Kekahi Mau Makeke e Ae.
Ka Waiubata Maile He 60c Wale no o ka paona.
E Hele Mai e ike ia makou. Mai Hoohilahila
Metropolitan Meat Market
Ma ka aoao Waikiki o ke kihi o na Alanui Bekele ame Moi
HULI HOI HOU AKU O ANDREW LAMBERTS NO KAPALAKIKO
Ma ka mokuahi Manoa o ka Poalua o ka pule i hala, i huli hoi aku ai o Mr. ame Mrs. Andrew Lamberts no Kapalakiko a malaila laua e noho mau aku ai, pela ka mea i manaoia. Ma ka oleloia ua hoi aku laua me ka malu loa a ma ka Poalua wale iho nei no ka wawaia ana ae no ko laua hoi ana aku.
Ua mareia laua ma Kapalakiko ma ka la 1 o Novemaba, a no elua pule ka hunaia ana me ka malu loa o ko laua mareia ana, a ma Hawaii nei ka mua loa o ka hoolahaia ana ae ma ke akea o ko laua mareia ana. Mahope iho o ko laua mareia ana ua hoi mai la o Mrs. Lambert i Honolulu nei malalo o kona inoa mua. Ma ka manawa o ka loaa ana mai o ka nuhou e pili ana i ko laua mareia ana ma Kapalakiko a hoopukaia ae maloko o ka Nupepa Advertiser, ua hoole kekahi poe i pili aku i ke kamaliiwahine opio i ka oiaio o ka Advertiser hoolaha no ka mare ana o ke Kamaliiwahino opio ma Kapalakiko. Eia nae i ka manawa i hoea mai ai o Andrew Lambert i Honolulu nei oia poe no i hoole ae ai i ka oiaio o ka Advertiser mea o ka hoopuka ana o lakou no ka i hooiaio ae no ia mare ana o na opio.
O Mrs. Lambert i mare ai me Andrew Lambert ma Kapalakiko o ke Kamaliiwahine Kapiolani Kawananakoa no ia, ke kaikamahine hiapo a ke Kamaliiwahine Abigail Kawananakoa a kaikamahine hoi a ke Keikialii David Kawananakoa, ke kaikuaana o ke Keikialii Jonah Kuhio Kalanianaole, ka elele lahui a Hawaii i ka Ahaolelo Nui ma Wakinekona no na makahiki he 20 i hala.
HAINA NANE.
E Mr. Lunahooponopono o ka Nupepa Kuokoa, Aloha a nui loa:-E oluolu hoi oe e hookomo iho ma kahi kaawale o kekahi kolamu kaawale no ka'u haina o ka nane a ke keiki laeula laekani o ka pali kapu o Keoua; ka nioi pinika hoi e pinana ai na lehelehe i ka ua mea o ke oolea a pa-ki liilii ai ka wai o ka maka.
Mahele 1. E loaa no au i na meaulu apau o ka honua.
Haina. Laau. Ua loaa mai ka laau mailoko mai o na meaulu o ka honua..
Mahele 2. Loaa no au i na moku, loaa no au i na waapa, loaa no au i na waa, na @ealili, na meakolo. na kanaka no apau. Aole au e haalele ia lakou ahiki i ko lakou hooluolu ana Haina Ihu.
Eia ka mea apiki, in a e hoohuiia ko'u mahele 2, ame kou mahele 1, wehe o uahi manu kuu hoa noho mai i ka nahele.
Ae. i ka wa e kaawale ana o mahele 1, ame 2, aole i weho o uahi, e noho pu ana no; a pela no hoi o ihu o ka ihu maoli nei no o kaua e kane, wahine na moku, waapu, waa, na mealele, na meakolo.
He make no kaki a hooluolu alaila, haalele o ihu ia kakou. Manu kuu hoa noho mai i ka nahele. Owai la ka inoa o kuu kama Laau Ihu. Wehe o uahi la, manu kuu hoa noho mai i ka nahele.
E Mr. Lunahooponopono e, e manao ana paha, ua keiki nei o ka pali kapu o Keoua, aohe mea nana e noii nowelo aku ana ua mau wahi hua nioi pinika koekoe nei ana, eia nae puehu liilii ka lehu o kapuahi la.
Me ka lana o ka manao o ke keiki o ka makani kehau o Kapalilua, ua ku aku la kuu laau ike i ka aama kualenalena o ka pani kapu o Keoua.
Me na keiki hoonoho hua kuu aloha nui, a o kuu aloha pau ole, me ka Lunahooponopono.
THOS. ALEALE KIHOLO, Kona Hema.
Ol@ loa mai la no ka pahuna ihe a ke keiki o Kapalilua, ua halahu aku la mahope o ka puapua. Hooni hou ia mai!-L.H.
HAINA NANE.
E Mr. Lunahooponopono o ka Nupepa Kuokoa; Aloha oe:-E oluolu mai hoi oe ame kou ma uhoa paahana, no ka haina o ka nane nioi pinika pinana o na lehelehe i kau a mea he wewela.
Ea, moe malie mai nei nae na olohe puni nane laeula, laeoo, aohe wahi puai leo iki. Eia la ohea o Kakelamaluikaleo, Kawelowai, Ihonalimaokapalani, Aekai o Keauau, Pohakuopele, Kukapao, a nui wale aku.
He moe nae paha na ka laau loa, ke ala no a wala, pa ke poo o ke kalohe. O na keiki wale no o ikeia nei, o ka meni hulu ekake o ka Maluulu o Lele, S. Paniani o Kukaiau, ame Hakalau Boy. He u'a keia, a he maukauka hoe hewa; aka, o ka hoao no e a'o ka mea e ike ai. Eia ka nane a ua ka'eae'a nei o ka pali kapu o Keoua.
Kama. 1. Loaa no au i na meaulu apau a ke Akua i hana ai.
Haina. Ko. O ke ko no keia a kakou e ai nei, a e wiliia ai.
Kama 2. Loaa no au i @ moku, waapa, waa, na mealele, na meakolo, na kanaka apau. Aole au e haalele ia lakou ahiki i ko lakou hooluolu ana.
Haina. Kua. O ke kua maoli no keia o ka moku, waapa, waa, na mea lele, na meakolo, he kua ko lakou, a he kua ko na kanaka, aole lakou e haalele iki ana i nohaha ka moku a hooluolu na mealele na meakolo, ame na kanaka.
Eia ka mea apiki in a e huiia ka mahele 2, ame ka mahele 1, pau ko oukou ike ana ia'u.
Wehe o Uahi,
Manu kuu hoa,
Noho mai ka uahele.
Owai la ka inoa o kuu kama?
Haina. Kokua. Kokua manawa lea i ko na Aina E. Pehea aku la la, ua keiki nei o ka pali kapu o Keoua, ua loaa pono aku la paha, ke pi nei ka ihu o ka nai'a.
Ke lana nei kuu manao e hoi puolo ana kahi boy ouka lae laau.
Me na keiki hoonohohua kuu aloha hope me ki@ Lunahooponopono.
THOS. J. WAIALOHA,
Kona, Haina.
Ua hoi nele oe e ke hoa, he hoomaneoneo ka hauna laau, aole e make ka hoa paio, huli hou ia mai! - L. H.
KUU LEI DAIMANA UA HALA.
Mr. Solomon Hanohano, aloha kaua:- E oluolu mai kou ahonui no'u kauwahi kaawale o ka hiwahiwa a kaua, i ike mai ka ohana, na hoaloha o maua, ame na makamaka, no kela wahi poomanao e kau keha ae la maluna, aloha ino!
Ma ka la iwakalua-kumamakolu o Augate, 1923, i pauaho mai ai ka maua lei aloha i keia ola mauleule ana oia o Baby Darling Jessemine Haleamau, ma Kalaoa N. Kona, i ka hora eono o ke ahiahi, a waiho iho la ke kino puanuanu na maua ua na makua, kona kaikuaana, ame kona mau kaikunane e paiauma aku ma keia ao. Auwe luuluu wale!
Ua hanauia ka maua lei aloha ma Waiakea Homestead, Hilo, i ka la elua, o Augate 1923, a ua piha he ekolu pule o kona hanu ana i na ea huihui o keia ola honua ana a hala aku la oia me ko maua minamina nui. Ua loihi maoli keia noho ana no elima makahiki aole hanau hou, a loaa iho la keia bebe mai ko mana puhaka.
Mamuli o ko maua minamina i ka maua kaikamahine i hala mua ma kela ao, pela au kona mama i makemake loa ai e loaa hou on a pani ma kona makalua, he mea oiaio ua ae mai ka Makua Lani i ka nonoi a kana kauwa, a loaa hou keia bebe kaikamahine nui momona a ka naau e hoohihi ai.
Ua piha elua pule iaia, ua ha'iia mai la ka lono pilikia o ko maua papa G. Haleamau ma Kalaoa, N. Kona, Hawaii, haalele iho la no ia i ka home, a hele aku la maua me na lei aloha a maua no kahi o ka pilikia. Me ka maikai wale no aole i moeuhane mua ia e he huakai pilikia keia, hoea aku i ka home me ka maikai, a hui me ka papa o maua me ka maikai.
Hookahi o makou pule i Kalaoa, loaa iho la ka lei a maua i kekahi anu ikaika loa. Ia loaa ana no pau ka oni ana ame ka ai ana i ka waiu, auwe no hoi e, kupouli ae la ka noonoo, hiki ole ae ke hoomaopopo i ka mea e hana ai, oioi he bebe liilii loa keia, ua ikaika loa ka ma'i oiai he nui no na bebe liilii e ma'i ana kohu ano flu.
I ke ahiahi Poakolu ka loaa aua hora ewalu o ka po, a ao ae Poaha hora eono o ke ahiahi o ka lele loa ae la no ia o ka hanu. Auwa luuluu wale au i ke aloha o kuu lei.
Aloha na maka i ka nana ae me he mea la e olelo ae ana mama.
Auwe no hoi e, i hele aku hoi i ka ma'i o ke kuku, eia ka oia ke pauaho e mai aua i keia ola ana aloha ino!
I ka Poalima ae, hora elua i hoopaloia aku ai kona kino, i ka ilina ohana, a hoi aku la ka lepo i ka lepo, a o ka uhane i ka mea nana i hana ke kino me ka uhane oia ko kakou Haku ma ka lani.
Ke haawi aku nei maua na makua i ka hoomaikai palena ole i na makamaka ame na hoaloha i komo pu mai e kumakena no ka maua mea aloha he keiki, a pela pu no hoi me na makana pua a na hoaloha i hoohiwahiwa iho ai maluna e kona kino puanuanu, hana ua mea he pua, a pela me ka poe eli lua, no lakou ko maua hoomaikai palena ole, a na ke aloha o ka Haku e hoopiha a hu, ko oukou mau waihona, o keia ka maua leo nonoi imua o ko kakou Haku Iesu. Amene.
O maua iho no me ka luuluu,
MR. & MRS. D. P. HALEAMAU,
KUU PAPA ALOHA, UA HALA I KE ALA HOI OLE MAI.
Mr. Solomon Hanohano, ka Lunahooponopono o ke Kuokoa, Aloha nui oe:- E oluolu mai kou ahonui i kekahi wahi kaawale o ka kaua lei hiwahiwa, no ka'u puolo waimaka e kau ao la maluna, nana hoi ia e lawe mama aku ma na kihi eha o ka aina, i ike mai ai na kini makamaka ame ka ohana, ame na hoaloha mai ka hikina a ka la i Kumukhi a ka welona a ka la i ka poli o Lehua.
Aloha wale kuu papa i hele aku la i ke ala mau o na mea apau, oiai ua hanauia kuu papa ma ma Kilauea, Kauai i ka mahina o Iulai la 8 makahiki 1860 ua piha iaia he 63 makahiki me eha mahina ame na la keu o kona hanu ana i na ea huihui o keia ola honua ana, a moe aku la i ka moe kau o Niolopua.
Ua hanauia kuu papa mai ka puhaka mai o kona mama aloha Mrs. Kanikele Titcomb, he Hawaii piha oia ame kona papa Mr. Chas. Titcomb, he haole Pelekane piha kona papa ma Kilauea Kauai oia i noho ai me kona mau makua na kaikuaana na kaikuahine ahiki i kona nui ana a hoi aku oia no Honolulu a loaa ka wahine oia o Mrs. Caroline Moltino Totcomb oia kuu mama,
hookahi wale no au mai kona puhaka mai, a hoi mai ma Waimea, Kauai, me kekahi o kona Aunty Mrs. Kuikeaka Iakona.
Ua noho oia me ia Aunty on a ahiki i kona hele ana a noho ma Koloa, Kauai, a ma ia noho ana malaila mau makahiki a hoi mai i Wainiha, Kauai, a ua hala e aku ko'u mama aloha i ka makahiki 1922 i ka mahina o Aug. la 2, a hele aku la no hoi kuu papa aloha mahope o kona meheu.
Aloha no au ka laua lei i hooneleia i ka makua a hookahi o'u makua o ke kane, a ua waiho mai laua ia'u ka laua lei kaikamahine ame na moopuna eiwa ko lakou nui, elima keikikane, eha kaikamahine e noho u aku ma keia ao; a ko iho la ka olelo a ka Buke Nui e hoi no keia kino i ka lepo, a o ka uhane i ka mea nana i hana, he mahu ke ola o ke kanaka i pua ae a nalo iho, aka o ke aloha o ka makua aole ia e poina.
Ua huliia ke ola no kuu papa Geo. R. Titcomb, oiai oia ma Honolulu, kahi i noho ai me na keiki a kona kaikuahine oia hoi o Mr. F. C. Bertelmann, a ua hoomahuahua loa mai kona nawaliwali maluna o kona kino, a ua hoihoiia aku oia i ka Haukapila Moiwahine malalo o ka malu o na kauka, malaila oia i noho ai ahiki i ka nui loa ana mai o kona pilikia ahiki wale i ka loaa ana mai o ka'u leta mai ka ohana mai, e hai mai ana ia'u i ka lono kaumaha no kuu papa ua nui kona pilikia; me kuu manaolana e pau ana la hoi ka pilikia o kuu papa, malalo o ka malu o na kauka. aka ua nui no ka pilikia i loaa iaia, a ua kii aku ka'u kane iaia o Jno. Hanohano ame kana moopuna o Geo. Naoiokalani Titcomb ahiki ma Honolulu, ahiki laua ma ka home o Mr. F. C. Bertelmann, ke keiki a kona kaikuahine Mrs. S. Bertelmann, a hele pu lakou i ka haukapila a hui aloha me kuu papa aloha a ua nui kona hauoli i ka ike ana mai i kana hunona kane ame kona moopuna a ma ia ahiahi no kau i ka moku Kilauea no Anukini ke awa.
Ua hoi mai kuu papa aloha me ia kulana nawaliwali ahiki ma kona home ponoi ma Wainiha, Kauai, a hui iho la maua me kuu papa aloha ame na kuluwaimaka o ke aloha makua e hoopulu ana i ka lau lihilihi, a nana aku la au iaia me ka manao kaumaha oiai ua emi mai kona kino, aole hiki ke holoholo iho maloko o kona home; aka ua noho au me kuu papa aloha, me ka hoomanao pu i ka mea Nana i hana ke kino ame ka uhane a nana i lawe aku i na kaumaha ame na luuluu o kuu papa. Aka ua poho wale ia mau upu ana oiai ua pauaho mai no ka mea nana i hana ke kino ame ka uhane, aka ua kaheaia no ke kauka no kuu papa aloha a ua nanaia no kona nawaliwali a o ka pane a ke kauka, aia kona pilikia ma ka puuwai, aohe mea hiki ia'u ke hana aku no kuu papa aloha.
He mau la pokole wale no kuu papa i noho mai ai me maua na keiki ame na moopuna a me kuu hoahanau kaikuaana Mrs. Malie Tai ahiki i kona pauaho ana mai i keia ola ana, aka he mea hiki ole ia ke paa aku, o kona makemake ke hana ia.
Kuu papa aloha i na hala o Naue au i ke kai, ame ke kai holu o Makua kuu papa i ke one o Maniniholo, ame na wai kaulana o ka aina wai o Kanaloa ame Kai a Kauala'e kuu papa i ka poli kapu a Lohiau ame ke kai hone o Kee, aloha ia kai ipo a kuu papa e auau ai. Kuu papa i ke ahi kau o Makana, e hiipoiia mai la e ka wai a mau; ka makani kaulana o ka aina, kuu papa aloha e, auhea oe eia aku nei paha oe me Kilioe wahine i ka poli o Kee, kau i ka ihu o ka lio, i ke kula o Hanaimaa, aloha ia kula a kuu papa e haulani ai.
Kuu papa i na Lehua o Luluupali, i ka poli o Kaumaka, aloha ia wahi a kuu papa e luana ai, kuu papa i na hau o Maihi, au i ke kai, aloha ka Ipoleimauu, ia wahi a kuu papa e haulani ai; kuu papa i ka Ualoku o Hanalei, e lei no au i ke aloha o ka makua aole e poina.
Aloha ka home o kuu papa, ua nalo na maka, ua pau ka ikena, ua hamau ka leo.
Ke hoomaikai ae nei au i kuu Aunty Mrs. F. Weber, ame kuu cousin, Mrs. E. Cropp, i ko laua malama hoomanawanui i kuu papa aloha ma Honolulu.
Ke hoomaikai hou nei au i na hoaloha ame ka ohana i hele mai e ike i kuu papa aloha, ame ka lakou makana pua no kuu papa ame ko lakou hui pu ana mai me maua kana mau keiki, na moopuna e komo pu i kona huakai hoolewa.
Ua laweia aku kona kino ma Kilauea, Kauai, ahiki ma ka halepule Kakolika ma Waiuli, a malaila i malamaia ai kona anaina haipule hope loa, a laweia aku oia a ma ka aoao o kana mea aloha he wahine ame kona papa Charles Titcomb, ame kona mama Mrs. Kanikele Titcomb, ame kona kaikunane Charles Titcomb, Jr., no ka wa mau loa; a hoi mai la maua kana mau lei keiki me na moopuna ame ka ohana no ka home o kuu papa aloha i hala i ke ala hoi ole mai.
Ke hoomaikai pu ae nie au i na keiki oniuhua o ka papapa'i ame ke aloha i ka Lunahooponopono o ke Kuokoa kou welina.
Owau iho no o kana lei kaikamahine i hooneleia i ka makua me na moopuna.
MR. & MRS. JNO. HANOHANO,
Ame ka maua mau keiki.
HE PUOLO WAIMAKA NO KO MAKOU TUTU ALOHA, MR. SAMUEL K KEKOOWAI, UA HALA.
Mr. Solomon Hanohano, Aloha malihini kaua:- E oluolu oe e haawi mai i kekahi rumi kaawalo o ka kaua hiwahiwa o ia hoi ka Nupepa Kuokoa, nana hoi e aha'i mama aku ma na kihi eha, mai ka puka ana a ka la, ahiki aku i ka welona a ka la i Lehua, i ike mai ai na ohana na hoaloha o ko makou tutu i aloha nui ia e kana mau moopuna e paiauma aku ma keia aoao o ka muliwai eleele o ka make.
He eha wale no la o kona waiho ana i ka ma'i, a i ke ahiahi Sabati, hora 7:45 Dec. 23, 1923 i haalele mai ai ka uhane ola mai ke kino aku, a waiho iho i ke kino puanuanu na makou na na moopuna, e kanikau aku nona. Luuluu wale!
Aole makou e ike hou ana i kona helehelena, ua hala i ke ala hoi ole mai. E hoomaikai nui ia ke Akua, Nana no i haawi mai, a Nana no i lawe aku, aloha no!
Hanaula ko makou tutu ma Molokai Nui a Hina nei. Ua piha iaia na makahiki he 66 a oi o kona ola ana. I Honolulu no kona wahi i noho ai, a hoi mai me makou na moopuna, e hoohala ai i kona Karisimaka. He elua wale no la i koe, a hala iho la, ua kuu ka luhi ame na ehaeha. Luuluu wale!
He nui kana mau hana maikai ia makou kana poe moopuna. Auwe no hoi ke aloha ke hoomanao ae i kahi a ko makou tutu e hele pu ai me makou na moopuna. Pau kona hehi hou ana i ka lepo o Oahu.
Ke nono nei makou kana mau moopuna i hooneleia i ke kupunakane; auwe ke aloha ke hoomanao ae nona.
Ua waiho iho oia he kiahoomanao nona mahope nei na makou na na moopuna e hoomanao aku nona.
Ke hoomaikai aku nei au i ka makua mana loa, Nana e hoomama mai ia makou kaua mau moopuna.
Ke hoomaikai pu aku nie au, i na makamaka ame ka ohana, i akoakoa ae, i ko makou wa o ke kaumama. Me ka mahalo nui i na lede i lawe mai i na bo-ke pua, a hoohiwahiwa iho maluna o ke kino puanuanu o ko makou tutu heleloa, Miss Eliza Smith ame Mrs. Mary Kauwila.
Ke haawi pu aku nie au i ka'u hoomaikai ia oe e kuu Sol. Hanohano me na keiki oniuhua o kou keena pa'i.
O makou iho no me ka luuluu,
HERMAN K. KAMOKU,
LYDIA K. KAMOKU,
SAMUEL K. KEKOOWAI,
Ame ka ohana.
Poniuohua, Molokai, Dec. 26, 1923.
KE ANAINA HOOMANAO NO KE KEIKIALII KUHIO.
Mauka ae nei o ka @ina o na alii Maunaala, ma ke Awawa o Nuuanu, ma ka hora 10:30 o ke kakahiaka Poakahi iho nei, i malamaia ae ai e na Ahahui Hawaii, Mamakakaua, ka Ahahui Kalama ame na Ahahui Hooulu a Hoola Lahui he anaina haipule hoomanao no ke Keikialii i make Jonah Kuhio Kalanianaole, maloko o ka hale kupapau kahiko o na alii i Looliloia ae i halepule, ka lua o ka malamaia ana o ke anaina haipule hoomanao maloko o ia halepule no ke keikialii i make. Malaila pu ae ke kahunapule o ka Hoomana Bihopa ka Rev. John D. La Mothe a nana i malama ke anaina haipule.
Ua hooliloia kela halekupapau kahiko ma Maunaala i nei manawa i halepule malalo o na hoopono hou ana a ko Kamaliiwahine Kalanianaole, ma kekahi manawa mahope mai o ka make ana o ke Keikialii, a he kulana o kekahi halepule uuku nani ko ia hale i nei manawa, a e lilo ana ia i wahi e malama mau ia aku ana o na anaina haipule hoomanao no na alii i hala mamua aku.
HOOLAHA KUAI O NA HOOLI MALIMA AUPUNI.
Ma keia ke haawiia aku nei ka hoolaha akea ma ka hora 10:00 a m., Poalua Feberuari 12, 1924, ma ke keena o ka Hope-akena, Mr. F. K. Kalua, Wailuku, Maui, malaila e kuai hoolilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, na Hoolimalima Laula o na aina Aupuni malalo iho nei:
1. Hapa o na Apana Aupuni o Paehala-Puaalua ame Kaumakani-Alaeiki, Hana ame Kipahulu, Maui, nona ka iliaina o 93 eka, oi aku a emi mai paha.
2. Hapa o ka aina Aupuni ma ka Apana Aina o Hulihana ame Puuiki-Papahawahawa, Hana, Maui, nona ka iliaina o 93 eka, oi aku a emi mai paha.
E kaa no na hoolimalima e kuai hoolilo ia aku ana malalo o na kumu aelike ame na kulana apau o na Hoolimalima Aupuni Laula i hoopukaia e ke Keena o ke Komisina o na Aina Aupuni a malalo no hoi o ke kulana paku'i e hookomoia aku ana maloko o na hoolimalima e hoopukaia aku ana mamuli o keia kuai, e hoakaka ana elike me keia malalo iho nei:
"Ina e mahiia ana kekahi hapa o ka aina e hoolimalimaia aku ana, o ka iliaina i mahiia, e hoohua mai i ka ulu hoolimalima o $5.00 o ka eka no ka makahiki no ke koeua aku o ka manawa mai ka la aku o ka mahiia ana ma ke ano paku'i i ka hoolimalima i hoakakaia maloko o ka hoolimalima i oleloia."
E kaa keia kuai malalo o keia mau kulana malalo iho nei:
a. Manawa o na hoolimalima, 15, makahiki pakahi mai Feberuari 12, 1924 aku.
b. Uku hoolimalima haahaa, $24.00 o ka makahiki pakahi, e uku hapa-makahiki mua ia.
c. E uku mua ka poe e lilo ai, ma ka haule ana o ka hamare i ka uku hoolimalima o na mahina mua eono, hui pu me na hoolilo a pau o ka hoolaha ana ame na kaki e ae apau e pili ana me ka hoomakaukau ana i na hoolimalima i oleloia.
O ke kii palapala aina e hoikeike ana i na aina e hoolimalimaia aku ana ame ke ano o ka Hoolimalima Aupuni laula, eia ke waiho nei ma kahi o na palapala a e ikeia no ma ke keena o ka Hope-akena, Wailuku, Maui, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
No na hoakaka i koe e ninau ae ma ke Keena o ka Hope-akena, Mr. F. K. Kalua, Wailuku, Maui, a i ole ma ke Keena o ke Komisina o na Aina Aupuni, Hale Kapitala, Honolulu, T. H.
Hanaia ma Honolulu, T. H., maloko o ke Keena o ke Komisina o na Aina Aupuni, i keia la 4 o Ianuari, A. D. 1924,
C. T. BAILEY,
Komisina o na Aina Aupuni, 6590-Jan. 10, 17.
CITY MILL CO.
KEKAHI O NA HUI KAHIKO LOA MA HONOLULU NEI.
Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii ana, me na hookaa liilii.
O KA OI LOA AKU NO KA POE HOOKUONOONO.
Mai Poina---Hele Mai Ia Makou
Kihi o na Alanui Moiwahine me Kekaulike. Honolulu, T. H.
A LOT MEANS A HOME
$850. Lot 50x100, 18th Ave. Ocean View. Easy Terms.
$300. Palolo Hillside Lot, over 5000 sq. ft. $20 down, $10 per month.
$750. Palolo Hillside Lot, over 1/2 acre, $20 down, $10 per month.
$1400. Lot 50x150, Kilauea Ave., Strauch Tract, Kaimuki, $25 down, $15 per month.
$1675. Lot 50x200, 9th Avenue, Strauch Tract, Kaimuki. $50 down, $20 per month.
Easiest terms in town. Prices the lowest consistent with market values
Ask C. W. Carpenter, with
PAULO KALAUKA
(P. E. R. STRAUCH)
Alanui Moi, Helu 74, Mawaena o na Alanui Papu ame Betela.
Keena Hawaii NO NA Lako Hana Mahiko
Hapuku Kila Oliver Chilled ame na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA UKANA ME KALAKA ME KA HANA HOU ANA
Schuman Carriage Co., Ltd.
Na Paionia o na Hana Halihali o Hawaii Nei
KA VICTROLA
-Ka Meakani Mele Kilakila-he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
a me na mea a pau pili i na mele.
Bergstrom Music Co.
1020 Alanui Papu Honolulu
HALE UWI WAIU
MAPULEHU
PUKOO, MOLOKAI
E Hooholo Ana i ka MOKUKUNA GESOLINA
LELEIONA
Mawaena o na Awa o Honolulu me Molokai
Geo. P. Cooke,
ONA
Poe Lawe Hau me Waiu
E KUAI I KOU MAU
Pono Hale
ma ka
Hawaii Furniture Co.
Helu 469 Alanui Moi kokoke i ke kihi o ke Alanui Liliha
He oluolu na kukai olelo ana.
T. O. MURATA
FURNITURE STORE
(Na noho hoolimalima me lako pa maanei.)
Na lako Hale Hou me Kahiko.
Hoolimalima me kuai Hoolilo.
715 ALanui Hema, Honolulu, T. H.
Kelepona 1695
Ka Pila
GRAFONOLA
COLUMBIA
Maopopo ka Wa e Pau Ai
Na ka mea hoopaa nona iho a makaala ia ea nou. Ua hiki ia oe ke hulahula ahiki i ka huaolelo pe loa.
Uku Liilii ke Makemakeia
Thayer Piano Co.,
LIMITED.
148-150 Alanui Hokele
Kakela & Kuke
(KAUPALENAIA)
Poe Kalepa ma ke Komisina
A HE
Poe Agena no na Mahiko Lehulehu
PAPA
NA LAKO
KUKULU
HALE
No ka hoahu ana i kou wai ma na Pahu Wai Papa Ulaula o 5000 a 10000 Galani.
E hoolakoia aku no na kumukuai ame na hoakaka ia oe ke noi mai.
ALLEN & ROBINSON, LTD.
HONOLULU, T. H.
Nupepa Kuokoa
No ka makahiki (one year)….$2.50
O na Dala âme na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu, T. H.
217 Alanui Moi, ma Waikiki o Ke Alanui Alakea; Ka Kupepa Advertiser.
Entered at the Post Office at Honolulu, T. H., as Second CLass Matter.
SOLOMON HANOHANO, Lunahooponopono.
CHARLES S. CRANE, Luna Nui.