Ka Nupepa Kuokoa, Volume LXIII, Number 2, 10 January 1924 — Page 6

This text was transcribed by:	Kamehameha Schools Gift To Dr. Chun
This work is dedicated to:	Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

AOAO NO NA MANAO PEPA SOLOMON HANOHANO, LUNAHOOPONOPONO

NA MOOLELOHOONANEA, NA NUHOU KALAIAINA ME NA NUHOU O KA MANAWA

NUPEPA KUOKOA HONOLULU. T. H. IANUARI 10,1924

E LOAA ANA HE LOLI ANO NUI

Ma na mea maopopo loa iloko o keia mau la mua o ka noho ana ae o ka Makai Nui Trask ma ke poo o ka oihana makai o ke kulanakauhale o Honolulu nei, aole he mau kanalua ana, no ka loaa he loli ano nui iloko o keia oihana ma keia mua aku. elike me ia e ikeia aku nei, no ke kuiʻo a me ke kanaka makua o na kauoha i haawiia aku i na makai ma ka hooko ana i ka lakou mau hana.

Ma ka haiolelo a ka Makai Nui Trask imua o na makai, ma kona manawa i pii ae ai ma ke po o kela oihana, aole oia i huna iho i knoa manao maoli, ma ka hoike ana aku imua o akou. ua makemake oia i na maki apau e kupaa mahope on a. a e hooko aku i ke kanawai ma ke ano kuiʻo, a hoopilimeaai ole; a in a he hoe makai kekahi i loaa na manao ku-e no-na. ua oi aku ka pono o kolakou waiho ana mai i ka oihana, mamua o ka noho ana aku i loko o ka oihana makai me kela kulike ole o na manao.

Ua haawi pu ia aku ke kauoha ia lakou, aole e kamailio ma ua mea pili kalaiaina i ko lakou wa e ku ana i ka lakou uwaki; aole hoi e puhipaka i ka wa o ka hana a i ole ku paha malalo o na pouliuli i ka po, aka e lilo lakou i poe ma kee i ka ihiihi @ kauoha aole hoi e like ma na manawa ae nei i haia, oiai e noho ana malalo o ke poo mua o kela oihana.

Ma ka olelo ana ae, ua pau e kamailio wale ana o na makai. ma ke ano kualehelehe ma na huina alanui, ua pau ka hoolalau hale ana mai kahi aku o ka lakou hana; ka haalele ana i ka lakou mau huina o na alanui, me na kumu kupono @: aka e konoia ana lakou e malama i lakou oihana ma ke ano e kau ai ka weli ame ka makaʻu i ka poe hakihaki kanawai. ka mea i hana ole ia e lakou pela mamua aku nei.

Akahi a hoao maoli ia na makai i ko lakou kupono ame ka makaala i ka lakou hooko pono auanei i ka lakou mau hana, e hoomau aku ia lakou iloko o ka oihana, a i ole hookiekieia ae paha ma na anuu kiekie ae; a o ka poe makaala pono ole, a hoohemahema i na hana i kaukaʻiia aku ai maluna o lakou, e hoopauia ana lakou mai ka oihana aku.

Aohe punahele imua o keia poo hou o ka oihana makai, he like na makai apau imua on a, o keia wale no ke alahele e loaa ai ka hookoia o na kanawai me ka pololei, a e kau ai hoi ka @ i ka poe hakihaki kanawai; aole o ka nana ma na kii maka nunui, a o na kii maka liilii he poe unu lakou.

Aole no paha e nele ana ka halawai o ka Makai Nui Trask. me kekahi mau alalai no ka holomua o ka oihana makai ma kekahi mau ano: he mea mau no ia i ikeia ma na oihana apau. @ @ he hookahi mea hiki ole ia kakou ke hoohewahewa: @ o kela manao paa me ke kuiʻo i loko on a, e ikeia aku @ oihana makai o Honolulu nei, ma ke kulana ano hou, e @ mai ana no i ka hookoia ana o kona mau iini apau.

O kekahi mea makai loa a kupono maoli e like me ia a ka Makai Nui Trast. i ka mailio ae ai i na makai, o ia no ko lakou @ aku: i ke kanawai, ma ia ano auanei, e maopopo pono @ lakou ke ano o na hihia, ame na loina apau i pili i ka @ ana i na lawehala.

KE KALAPU HOAHU KARISIMAKA

@ ka Poakahi iho nei. i wehe hou ia ai ke Kalapu Hoahu Karisimaka. Maloko o ka Banako o Bihopa ma, ua nui maoli ka poe i lilo i mau lala o keia kalapu hoahu no keia makahikki @ @ nei.

Ua hiki i kela a me keia mea e makemake and e lilo i lala no kela kalapu ke hookomo mai ka iwakalua-kumamalima keneka aku o ka pule ahiki i ka elima dala; o ka nui no o ka mea e houkomo ai iloko o ka pule, o ka mahuahua ia o na dala e @ mai ana iaia, i ka puha ana o na pule he kanaha_kumamahiku. a uuku no ka mea e hookomo ai. pela no e uuku ai na dala e loaa mai ana i ka pau ana o kela mau pule ae la iloko o ka makahiki.

O keia kekahi o na kalapu maikai loa. i loaa ole aku kona lua. ma ka hana hoomakaulii, mamuli auanei o keia kalapu, e loaa ai i ke kahi heluna mahuahua o na Hawaii, he huina dala nui. me ia mau huina dala auanei, e loaa ai ia lakou he noho na kuokoa ana. ke hooliloia ka lakou mau dala i hoahu ai, ma na alahele apau e loaa ai ke huonoono.

No ka põe i loaa ole ka manawa kaawale o na hora o ke ao, e hookomo ae ai i ka lakou mau dala i keia kalapu, ua hiki @ lakou ke lawe ae ma ka banako o Bihopa ma, maloko o ke keena i ku ai o keia kalapu, ma na ahiahi Poaono apau, o keia kekahi mea kokua nui mai i ka lehulehu, aole wale no ka makemake o na onaʻo ka banako e kokua mai i ka poe paa loa i ka hana ma na hora o ke ao, aka mamuli mai kekahi o ke ake ana. e komo nui na mea apau iloko o keia kalapu.

Ma ka mea oiaio maoli ua pii mahuahua mau ae ka heluna o na lala o keia kalapu i kela ame keia makahiki, he hoike ana mai keia. i ka ike maoli iho no o ka poe i komo i keia kalapu i ka waiwai ame ka pomaikai o ka hoahu ana i na dala ma ka pule: aole no ka hiki ole ia lakou ke hoahu ma kekahi mau ano e ae. aka no ko lakou manaoio, he oi loa ae ka maikai ame ke kupono o ke Kalapu Hoahu Karisimaka, no ka mea aole e aeia e unuhi i na dala i hookomoia i loko o keia kalapu, aia wale no a puha na pule he kanaha-kumamahiku.

Mai hookakalia i ka lilo ana i mau lala no keia kalapu, oiai na la e haumana ana no ka poe apau e makemake ana e hookomo i ka lakou mau dala iloko o keia kalapu, ma ke ano hahu liilii!

O ka poe he mau loaa makahiki ko lakou, i kauohaia ai e ke kanawai e hana i koike a waiho aku me ka luna ohi auhau o ko lakou mau apana auhau pakahi iho. o keia ka manawa e kii ae ai i na pepa paʻihakahka ma na keena auhau, a hoopihapiha aku ma na wahi i hoakakaia, o ka poe i loaa ia lakou ka loaa makahiki. a ke kanawai i koi mai ai e hana i hoike, e hana ole ana i hoike o keia ano. e kauia ana he auhau. i kulike ai me ko lakou loaa makahiki. e ke keena auhau. E hoomanao i keia mea. o uku maʻuwale auanei i na dala auhau i ke aupuni. oiai nae he mau dala koe ia, in a i hanaia ka hoike loaa makahiki. a waiho aku i na luna ohi auhau, iloko o keia mahina o Ianuari.

O ka puni i na mea nani, o kes ake hoohalikelike aku me kekahi poe e kahiko ana i na lole maikai, na lako gula hoonani, he kumu hoowalewale ia, nana e alako i ke kanaka a ka wahine paha iloko o ka poino, pela ka hopena i ikeia no Henry K. Long, i paa ae ai i ka hopuia e ka Makaikiu Kellett, no ke komo aihue ana maloko o na home lehulehu, i loaa ai na lole nani, na lako gula, na kamaa aulii, ame na lako hoonani e ae no kana wahine

O ka mahina mua keia o ka makahiki 1924, o ka poe i uku ole mai i ka lakou nupepa no na mahine eono e @ aku nei, a no ka makahiki holookoa paha, o keia ka manawa e hookaa mai ai, aole o ke kakali a pau no mahina eono, a pihi paha ka makahiki holookoa, no ka moa he hookaa mua ka @ paa o ka Nupepa Kuokoa.

NUHOU KULOKO

Ke hoolalaia mai nei i nei manawa ua hana no ke kukulu ana aku i ka hale maʻi pupule hou, ua pau ke kii o ia hale i ke kahaia a ua hookaawale hoi ka ahaolelo kuloko i hala i kekahi haawiua dala o $300,000 no ia hale, o ke kahua ka mea e hookunanaia mai nei.

No ka aihue ana o Delfino Delino, he Pilipino, i kekahi uwaki gula me ke kaula mailoko mai o ka hale o Kitagaki ma kahi kokoke i ke kahua kinipono ma Kamoiliili ma ke awakea o ka Poakahi nei i paa ae ai oia i ka hopuia e ka Makaikiu Henry Kualii a noho ana i Kuapapanui.

O ka hihia okimare a Kichigoro Yasui o ka hookomo ana ae i ka aha kaapuni ma ka Poakahi nei e kue ana ia Isao Yasui no ka haalele wahi moe, o ka eono ia o na hihia i hookomoia ae i loko o keia mau la mua o ka mahina o Ianuari.

Ma ke Sabati i hala iho la ma ka manawa o ka malamaia ana o ka Papa Ahaaina a ka Haku ma Kawaiahao he ehiku ka nui o na hoahanau i hookomoia mai ia Ekalesia a he umikumamalima ka nui o na keiki i bapetikoia na hua mua o ka 1924.

Mai poina i ke kii ae i pepa helu auhau no keia makahiki, ina no ka hiki ole ia oe ke hoopihapiha i na wahi i waiho hakahakaia nau e hoopihapiha hele ae imua o kekahi o na hope luna auhau, a nana e hoopihapiha mai.

No ka oleia ana o na ohua oneki o ka papa elua ame ka papa ekolu e ke kauka o ka makuahi Sonoma mamua o ka haalele ana aku o ka moku ia Kapalakiko i paa ia ai ka mokuahi e na kauka hoomalu maʻi federala ma Honolulu nei ma kahi hoomalu maʻi mai ka hona 12 awaken ahiki mohopa iki iho o ka hora 3 o ka auinala.

O Kailua o ka inoa o ka mokuhi Casco hou a ka-Hui Mokuahi holo piliaina o ke kapa ana aku a ma kawina la o k polu neicmfw shro ka auwina la o ka Polua nei i holo aku ai ia no Hawaii a e holo mau ana ia mai Hilo a i Hilo ma ka holo kaapuni ana ia Hawaii, me ka laew ana i na ohua ame na ukana.

NA MARE.

Edward Burke Peterson ia Helen L. Chillingworth, Dec. 15

Henry Lau Tau ia Elizabeth Hore, Dec. 25.

Charles R. Bye ia Mable L. Titcomb, Dec.26.

John K. N. Mahelona ia Emily N. Akau, Dec. 29.

John R. Desha ia Elenor L. Holt, Dec. 31.

Ernest Peterson ia T. E. Wailehua Dec. 31.

Smauel K. Kaluna ia Annie K. Kauka, Dec 31.

Joseph Kahawai ia Hannah Pipi, Dec 31.

NA HANAU

Na Wiiiiam Puaoi âme Elizabeth Rodriques, he keikikane, Dec. 24.

Na Mr. âme Mrs. Solomon A. Halualani, he keikikane, Dec 25.

Na John A. S. De Fries ame Rebecca Kua, he kaikamahine, Jan 3.

Na Kealoha Kinney a me Harriet Awa, he kaikamahine, Jan. 6.

Na Fred William Klug ame Dora M. K. Paakamia, he keikikane, Jan 7.

NA MAKE

Pedro Kaimihana, ma ke alanui Mission, Jan.1

Hoomau Kohina, ma ka Halemaʻi Moiwahine. Jan. 2

Charles Punohu, ma ka Halepaahao Oahu, Jan. 2

Leialoha Makanoa, ma ka hale maʻi Moiwahine, Jan. 2

Mildred K. Wilscon, ma ka Mokuahi Kilauea, Jan.2

John Pololu, ma ke alanui Kellett. Jan 2

Dick Richard Jr., ma ke alanui Houghtailing Jan 3

Harriet Morton, ma ka halemaʻi o na Kamalii, Jan 4

Ezekiela Kala ma ke alanui Puowaina, Jan 4

Kauleikanaka Paakaula, ma ke alanui Coral, Jan 4

Mary Paaluhi, make alanui Auld, Jan 4

Norma Leilani Hoke, ma ke alanui Pua, Jan 4

Manaole Kamakawiwoole, ma Honolulu, Jan 4

Wailua, ma ka Home Lunalilo, Jan. 5

Rebecca De Fries, ma ka holomaʻi Moiwahine, Jan. 5

Samuel Kokuaipaka, ma ke alanui Liliha, Jan 6

Daniel P. Palani, ma ke alanui Lianiwii, Jan 7

HOPUIA HE KANAKA HOU PAHI E NA MAKAI

No kekahi mau moku pahu elua mahope o ke kua i laweia ae ai o Benito Relatore i ka halemaʻi o na poino ulia ma ka hora 8:30 o ka po Poakahi nei no kona lapaauia mai, a no kekahi moku pahi kukonukonu loa hoi ma ka lima hema o Pedro Mareno, he hoaloha no Benito, i lapaauia mai ai oia maloko o ia halemaʻi.

I kulike me ka moolelo i hoikeia ae i ke Kapena Makai Fieldgrove e Relatore, ua koi aku ka o Relatore ia Owed i na dala elua a Owed i aie mai ai iaia. Mahope iho o ka hookaaia ana ae ua ala ae la he hoopaapaa hahana mawaena o Relatore ame Owed, a iloko o ia manawa a lua e hoopaapaa ana i houia mai ai o Relatore me ka pahi mahope o ke kua.

I ka ike ana mai o Mareno, ka hoaloha o Relatore, ua holo mai la aku ai ota i ka pahi a moku ka lima hema. I ka moku ana o ne mau wahihale, no ke komo ana iloko o Owed a nalowale a oia ka hana a ua makau i huli ai maloko o ka apana o Kapalama.

PAA AE IA PIKO PAU IOLE I KA HOPUIA

Ma ke aumoe o ka po Poakahi nei i paa ae ai i ka hopuia e na lima hooko kanawai o ke auuni ke Hawaii nona ka inoa o John Koanui a nona hoi ka inoa kapakapa Baby Doll, he kanaka i ike a i kamaaina i ka lawelawe i ka hai, a hookomoia ae he hoopii nona e ka Makaikiu Kellett no ka hewa wawahi hale, no ke komo ana iloko o ka hale o Tada, he Kepani, e kunei ma ke alanui Kula ma ka mahina o Novemaba i hala aku nei.

Ma ke ao, ka manawa e holoholo ana no ka kanaka ma na alanui, i komoia ai ka hale o Tada, a o ke kumu o ka hiki ana i ka mea lima lepo ke hana ia hana aihue me ka holopono, mamuli no ia o kekahi ki, a me he mea la o ka hana wale paha ia a nei kolohe o ka hana i na ano puka like ole, i mea e hiki ai ke wehe i na puka komo, kahi ana e makemake ai e komo aihue.

O na waiwai i aihueia mai ka hale aku o Tade, he elua mau uwaki pakeke, elua mau komolima daimana makai loa, ame $100 ma ke dala pepa. Ua Loihi ka manawa i hookalaia e na makai ma ka huli ana o loaa kekahi moali ike no ka mea a mau mea na laua i komo ka hale o Tada, a ano koke aku nei no ka ka loaa ana ae i ke Kapena Makai kiu Kellett kekahi mau moali ike, he mau ike hoi ana i manaoio ai o John Koanui ka piko pau iole.

Me ka malie loa ka huliia ana o ka mea limalepo ame kona mau wahi i noho ai, a ma ke aumoo wale no o ka Poakahi nei i loaa ae ai ka ile i ka Makaikiu Kellett, aia maloko o kekahi hale ma Kalihi, me lea hoohakalia ole ua hoouna aku la o Kellett i na Makaikiu Ross, Kualii ame Apana i Kalihi, a i ka hoea ana aku a lakou e noho mai ana ua o John Koanui, a o kona paa iho la no ia i ka hopuia a laweia mai i ka halewai.

O kahi i laki ai o Tada o na waiwai no apau ana i mioia ai e na lima palanche o "Beby. Doll" ua loaa aku no ia, a pela me kekahi mau waiwai o ae a Koanui o ka nihue ana mai kekahi wahi aku. O ka hopena iho la keia e loaa ana i ka mea nona na lima hoopalaleha i ka hana.

Iloko aku la o ka aha a ka Luna kanawai Kaapuni Desha. Mailoko mai nae o kela mau hoopii, he 14 i hooleia ka hookaawale ana o na paamare a he 50 i hoopau wale ia.

Ma ka manao kanawai o ka Hope Loio Kalana Ashford, aole na kiai o ka halepaahao he poe makai, ma kela ano, aole lakou kuleana i na ukuhoomau, elike me ia i aeia ai i na makai.

Ma ka Poakahi iho nei, i piha ai na makahiki he kanalima-kumamaono i ke Kokua Kiaaina Raymond C. Brown: ua nui na hoaloha i hoouna ae i ka lakou mau leka hoomaikai iaia ame na makana pu.

PoiMakepono

E loaa no ka poi uouo kaohipuu makepono loa, maemae a maiau o ka hanaia ana ma na ano apau.

28 PAONA NO $1.00 MA KE KUIKE

HALE WILI POI O

JONAH KUMALAE

1719 Alanui Liliha,

HELE MAI I IKE PONO

Mai poina i ka Helu ame ke Alanui.

Nuhou Kuwaho

TOKIO, Jan. 6- Mahope o ka papa ana o na makai i ka nupepa Kepani nana i hoopuka i ka moolelo no ke kiolaia ana o kekahi poka pa hu iloko o ka halealii o ka Emepera, ua hoopukaia ae he moolelo no ke kiola ana aku o kekahi kanaka Korea i kekahi mau poka pa hu ekolu iloko o ke kahua o ka pa alii. Aohe i pahu ae na poka i kiolaia aku ai, a ua nele hoi ka hoopoino ana i kekahi mea. Ma o aku o na kakai e ku kiai ana he kakaikahi poe hou aku i hana pu a paa ke Korea i ka hopuia. Ua lilo ka hana hoao e hoopoino i ke ola o ke Keikialii e hooilina o ke kalaunu i hana hoopihoihoi nui i na noonoo o na kanaka oiai o ka makamua loa keia iloko o ka moolelo o Iapana i ike maopopo ia ai kekahi kue i ka emepera i hoikeia ae. O na kanaka Korea i kauiaaku ai na ahewa ana no kela ame keia hoao ana e hoopoino i ka hooilina o ka nohoalii ke hoolala mai nei lakou no kekahi mau hana hookaunaele mamua ae o ka mare ana o ke Keikialii Hirohito, i manaoia e malamaia ana ia ma ka la 29 o Ianuari.

WAKINEKONA, Jan. 7.-Na ka Lunamakaainaua John Rankin, he Demokarata, no ka mokuaina o Misesipi, ka olelo hooholo i hookomo ae i ka hale i keia la e hoakaka ana no ak haawiia aku o ke kuokoa i na Mokupuni Pilipine.

BROWNSVILLE, Tex. Jan 7- E hoakaka ana kekahi mau lono kelekalapa mau Monterey mai, o ke Kiaina Puerta o Yaccatan i hoikeia mai ua pepehiia a make e ka poe kipi, aia no oia ke ola mai la, aka nae, o kona hoahanau ka mea i pepehiia a make.

ATHENS, Jan 7.-He hana hoao e pepehi a make ia Mustapha Kemal Pasha, a peresidena o ka repubalika Tureke, elike me ka hoakaka a kekahi lono o ka loaa ana mai ianei. He poka pahu i kiolaia mai ka lima aku a iaia ka mea nana i hoeha i kana wahine aole nae oia i eha.

MANILA, Pilipine, Jan 7- Ma keia la i kipa aku ai o Manuel Quezon e ike i ke Kiaaina Kenerala Leonard Wood no ka haawi ana aku i kana hoomaikai, mahope o ka hoi ana mai ke kiaaina kenerala mai kana huakai aku nei i Male. Ma ka mea i hoikeia ae he kopa ana aku kela a Quezon ma ke ano launa aloha wale no, aohe no ke kukakuka ana no na hana e pili ana i ke aupuni

Eia no o Jonah Kumalae ke kuai hoemi mai nei i kana poi, ma ka helu 1719 Alanui Liliha, oiai o Pake ma e hoopipii ae ana i ka lakou.

HOOLAHA KUAI O KA HOOLIMALIMA AUPUNI

Ma keia ke haawiia aku nei ka hoolaha akea ma ka hora 10:00 a.m., Poakolu Feberuari 13, 1924, ma ka puka mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke ku dala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina Aupuni malalo iho nei:

Apana 33, na Apana Mahi o Wailua, Wailua, Puna, Kauai. nona ka ilaina o 14.90 eka, oi aku a emi mai pah.

E kaa no ka hoolimalima e kuai hoolilo ia aku ana malalo o na kumu aelike apau ame na kulana o na Hoolimalima Aupuni Laula i hoopukaia e ke Keena o ke Komisina o na Aina Aupuni.

E kaa no keia kuai malalo o keia mau kulana:

a. Manawa o ka hoolimalima, 15 makahiki mai Feberuari 13, 1924 aku

b. Uku hoolimalima haahaa, $75.00 o ka makahiki, e uku hapamakahiki mua ia.

c. E uku mua ka mea e lilo ai, ma ka haole ana o ka hamare i ka uku hoolimalima o na mahina mua eono, hui pu me na hoolilo o ka hoolaha ana ame na kaki e ae apau e puli ana me a hoomakaukau ana i ka hoolimalima i olelois.

O ke kii palapala aina e hoikeike ana i ka aina e hoolimalimaia aku ana ame ke ano o ka Hoolimalima Aupuni Laula eia ke waiho nei ma kahi o na palapala a e ikeia no ma ke Keona o ka Hope-akena, Hale Aupuni Kalana, Lihue, Kauai, a lole ma ke keona o ke Komision o na Aina Aupuni, Hale Kapitala, Honolulu, T.H.

No na hoakaka i koo e ninau ao ma ke Keona o ka Hope-akena, Mr. J.M. Lydgate, Hale Aupuni Kalena, Lihue, Kauai, a i ole ma ke Keona o ke Komisina o na Aina Aupuni Hale Kapitala, Honolulu, T.H.

Hanala ma Honolulu, T. H., maloko o ka kaena o ke Kamisina o na Aina Aupuni, i keia ia 7 o Ianuari, A. D. 1924.

C.T. Bailey

Kamisina o na Aina Aupuni 6590-Jan, 10,17.

The First American Savings & Trust Company of Hawaii, Limited

HOAKAKA NO KE KULANA

Ma ka Pau Ana o ka Oinana, Dekemaba 31, 1923

NA LOAA

Hoaie me Hoemi……$1,354,430.73

Bona………………..$835,519.34

Waiwai Paa…………$225.00

Aelike Kuai Waiwai Paa……$6,061.35

Dala Kuike a ma na Banako…$155,536.90

Ukupanee e Loaa Mai Ana……$20,101.11

Na Loaa e Ae………………$82.95

____________________________________

$2,371,957.38

NA LILO

Kumupaa i Ukuia………..$140,000.00

Keu……………………….$100,000.00

Puka Mahele Ole Ia………$11,868.81

Na Hoahu………………..$2,120,088.57

___________________________________

$2,371,957.33

Teritore o Hawaii

Kulanakauhale a Kalana -----SS.

o Honolulu

Owau o W.H. Compbell, Moa Uku Da la o ka The First American Savings & Trust Company of Hawaii, Limited, ke hoohiki nei o ka hoike maluna ae he pololei ia elike me kaʻu hoomaopopo ame koʻu manaoio.

W.H. Campbell

Mea Uku Dala

Hanaia a hoohikiia imua oʻu i keia la 31 o Dekemaba, 1923.

J. H. Ellis.

Noteri no ka Lehulehu, Apana Hookolokolo Kaapuni Ekahi, Teritore of Hawaii.

Ua Loaa anai ia OE he Kikoo Dala o ke

"Kalapu Hoahu Karisimaka"

i kela Makahiki aku la?

INA AOLE, NO KEAHA KE KUMU?

E Komo i ka Makou Kalapu o 1924 e Hamama Nei i Keia Wa.

Hoko o ke kalapu 1924, he 7 mau papa:

Papa A Uku $5.00 o ka pule no 47 e loaa ana $239.40