Ka Nupepa Kuokoa, Volume LXIII, Number 2, 10 January 1924 — KA LEI I ALOHAIA, MISS ROSE PALAILE PALEA. [ARTICLE]

KA LEI I ALOHAIA, MISS ROSE PALAILE PALEA.

He maha ma o no na luhi, He hale alii e maha ai, He liale lasepi a gula, A. lesu i kukulu ai. I kuu kapena . ahonui, Mr. Sol. Hanohano, Limahooponopono o ka Nupepa Kuokoa Welina kaua: —Eia hou r.o au imua ou no ka elua o ka manawa. Hc mau mahina wale no ke kawa, o ia 'waimaka, hiki hou no keia lono hoolelehauli. me ka ehaeha. Nolaila e noi aku ana au i kou lokomaikai no : u kekahi rumi kaa•wale o ka kaua hiwahiwa, no kahi puolo ivaimaka a ke aloha e kau ae la īnaluna nana ia e uwila aku ma na aekai ou e Hawaii aloha, i ike mai ai ka ohana mai Hawaii Moku o Keawe, ahiki aku i ka moku o Kahelelani. la'u e noho ana me ka nanea, anie ka pa a ka makani kaulana 0 na Kalihl nei, me ka haupu ole ae he mea hoehaeha ahiki mai, hoea mai ana ka elele waha ole he leta, wehe ae la a heluhelu iho 1 a i ka manao, a ike iho la me ka hoohewahewa ole maluna o ke aiai o ke kanana na kuu pokii aloha, e i mai ana i ka mea ehaeha o ka naau. E kuaana e ua hala i ke ala hoi ole mai ka lei a kaua he kaikamah.lne, Ho wa iho la ia o ka waimaka e haloku ana, e hoopulu ana i ka lihilihimaka, me ka ehaeha o kuu naau, noonoo ae la, i ka homo i noho aloha ia me na keiki. Aloha no! Kauai' kihapai pua nani e, aina hanau o ka lei heleloa a makou, n?, kou aloha no i hiipoi iho la ko Iwi onaona, nau iho la no i milimili ine ke aloha, ma, ko poli no oia kahi 1 walea ai i ke konane, i kou alo iho la no kahi holoholo ai, e hoonanea ana i ka pa a ka makani hu'ihu ? i, o kou hoohemahema iho la no ka ia i ko kama, auwe ,ko lokoino e! Aloha Kekupua e kahi a ka lei heleloa a makou i noho ai, kupa a kamaaina ina wahi apau malihizū ka hele ana mai mo kona mau makua me na pokii. Na.ka makua i noho ia wahi, no ka hana i mea e pono ai keia ola ana. Aloha na paia o ka home, ua pau ka maalo hou ana o ka lei a makou, ua pau ka lohe hou ia ana o kona leo aloha, [ ua pau no ka wa pau ole. ' E Polihale i ka pahapaha e, a Nohili i ke one kani i ka hone mai i me he waiolina la, a me ka wailiula I anapa i ke kula o Mana, a me ka pua ohai o Papiohuli, a ke kula laula o Limaloa, ame ke kaha o Kaunalewa i ka ulu niu i ka peahi mai me he ipo la. E Waimea i ka waiulailiahi, ame ka waikea o Makaweli i hui ia, ame ka auwai a ka menehune i ka lae o Kikiaola, me ka makani anu he waipao. Eia aku nei paha ka lei heleloa a makou me oukou kahi i hooipo ai, auwe ke hoala mai nei o Pupukaniao. Aole oia e lei hou ana i ka pahapaha, a me pua o ka ohai. Aole i ka wai anapa i ke kula, ia wai alualu a ka malihini, aole oia e maalo hou ana i ke kula laula o Limaloa, aole oia e ike hou ana i ka lau o ka niu i ke ant peahi rnai me he ipo Ja, aole oia e lohe hou ana i ka hone mai o ke one me he kaula eono la o uwehone, aole e hoopulu hou ia ana kona ili waianuhea i ka wai ula me ka waikea no ka wa mau ]oa. Minamina wale! Ma ka home oia kupunakane .T. P. Kaapuuwai, ma Kauwaihee, Kekaha, Kauai, i haalele mai ai i keia ola honua ana, ka makou lei aloha i kona mau la opiopio me ka minamina nui ia, Miss T?ose Palaile Palea, imua o kona mama aloha, aole kona papa ame kona mau pokii ame ka ohana i ike i koua hanu hope, i ka manawa i kipa ae ai ka anela menemene ole o ka make a kaili aku la i ka hanu ola, a niau palaneho ak»i la i ke ala hoi ole mai, ma ka la 16 o.Xovemaba makahiki 1923. Auwe ka mea pilihua e! Ua waiho iho Ja i ka ukana luuluu he aloha na'u na kona Aunty Afrs. Dora K. Craig, ame kona mau makua aloha, Mr. ame Mrs. John Palaile Palea, na pokii Miss Dora K. Palea, Miss Edith Palaile Palea, ame hookahi kaikunane, Mas. William X. Palaile Palea, ame kona hanaumua Miss Mary K. Palaile Pale* e noho nei i ka uluwehi o Honolulu me ka huikaulua o ke Taona. O kona mau kupuna ponoi e ola nei nana naai kona mama, Mr. ame Mrs. .T. E. Huluaulani,, ame ekolu auntys, . Mrs. Emily K. Pa, Mrs. Emma H. Kaiwi, ame Miss Hannah K. Huluaulani e noho mai la i ka moku o Kahelelani, aole no lakou i ike i ka hanu hope o ka loi heleloa a makou, no ka mea ua oki ke kai kaawale, e uwe kumakena aku me ka ehaeha ke kaumaha. Auwe ka mea manaonao e! Auwe olua e o'u mau pokii i lioonelo ia i ka mea aloha ho kaikamahine, ua luhi ia, ua lei ia, ua milimili ia, mo ke aloha keiki oiaio, a nui no boi, me ke kau mau aku o ka manaolana mnluna ona no ka pono o keia mua aku. Eia ka ua poho ia mau manao, ame ia mau upu ana. Ua pau ka lohe hou ia ana o kona leo nahenahe i ka hea mai ia olua, ame kona mau.pokii, ame ka ohana e kipa aku ana. Heaha no la keia hala nui i paweo mai ai, a ike ole »ai o ka lei aloha a kakou, a hele hookahi aku la, mo ka haalele mai ia kakou e u mo ke

kanikau aloha aku ka ehaeha. A-uwe kakou e! E Oahu i ke one o Kakuhihewa. me ka huikaulua o ke Taona. ame ka Ua Kukalahale e, .ua pau kou hoopulu hou aaa i ka ili o ka lei heleloa a makou, ua pau kona maalo h.ou ana ma kou mau alanui. | E na ale o Kaieiewaho, ame Kaieieloko e, ame ka halelana nana i hiipoi mai i ka lei heleloa a makou, ua pau ka *u hou ana i ke kai, ua pau ka ike hou ana i ka luhiehu o Houolulu. Aloha no! E kuu nui ohana e noho mai la i ka moku o Kahelelani e, eia aku nei paha ka lei a kakou me oukou i ke kui Jci momi o kai, ame ka ui lihano o ke kuahiwi i hui ia me ke koa Jau lii o Koolaukani i ohu i Trehi no ka wahine, i ohuohu ka hele ana o ke ala. no ka mea ua hele i ke kakahiaka i ka wa ma'u i oluolu ka hele ana a ka huakai a ka lei heleloa a kakou. Auwe aloha wale e! E Pakala e kahi a ka lei heleloa a makou e hele ai, eia aku nei oe ilaila me Auntr Lilia ma kahi i Tralea ai i ka lohe i ka nehe mai 0 ke kai i ka pueone. ame ka holu mai o na ale o ka moana kai lipolipo. E ka lei heleloa a makou 'e, eia au la ko auntr ua luuluu Hanalei i ka ua nui, ua po i ka noe o Alakai, 1 ka peahi ia e ka ualoku, a eha au i ka eha lima ole a ke aloha. Auwe kuu menemene e! 0 Kekaha, no kona -wahi i hanauia ai, no ka la, ame ka mahina ka makahiki aohe maopopo ia'u. Ua hoomoo ia aku ke kino o ka lei heieloa a makou me ka ohana. a me na kupuna i hala e ma kela ao, ma ka ilina o Kekaha ua kuu ka luhi ua maha no ka vra mau loa. A ko iho la ka ka Buke Xui e hoi ka lepo i ka lepo, ka palaho i ka palaho, a o kona uhane e hoi aku no ia ma ka poli aloha o kona Haku, a e kali no ke kani a ka pu a ka anela, a e ala mai ko na ilina. Nana no i haawi mai a Xana no i lawe aku. E hoomaikaiia aku Kona inoa Ihiihi, Amene. Me keia mau manao aloha ke hooki nei au me ka mahalo nui i ka lunahooponopono ahonui me na keiki o kou papapa'i ke aloha nui. Owau no nie ke kaumaha, MS. DORA K. CBAIG, 2002 Xorth Queen St. Kalihi-kai.