Ka Nupepa Kuokoa, Volume LXIII, Number 2, 10 January 1924 — Nuhou Kuwaho [ARTICLE]

Nuhou Kuwaho

TOKIO, Jan. 6 —Mahope o ka papa ana o na makai i ka nupepa Ke pani nana i hoopuka i ka moolelo no ke kiolaia ana o kekahi poka pa-hu iloko o ka halealii o ka Emepera, ua hoopukaia ae he moolelo no ke kiola ana aku o kekahi kanalea Korea i kekahi mau polea pa-hu ekolu iloko o ke kahua o ka pa-alii. Aohe i pahu ae na poka i kiolaia aku ai, a ua nele hoi ka hoopoino ana i kekahi mea. Ma o aku o na makai e ku kiai ana he kakaikahi poe hou aku i hana pu a paa ke Korea i ka hopuia. Ua lilo ka hana hoao e hoopoino i ke ola .> ko Keikialii a hooilina o ke kalaunu i hana hoopihoihoi nui i na noonoo o na kanaka oiai o ka makamua loa keia iloko o ka moolelo o lapana i ike maopopo ia ai kekahi ku-e i ka emepera i hoikeia ae. O na kanaka Korea i kauin aku ai na ahewa ana no kela ame keia hoao ana e hoopoino i ka hooilina o ka nohoalii ke hoolala mai nei lakou no kekahi mau hana hoohaunaele mamua ao o ka mare ana o ke Keikialii Hirohito, i manaoia e inalamaia ana ia ma ka la 29 o lanuari.

WAKINEKONA, Jan. 7.—Na ka Lunamakaainana John Rankin, he Demokarata, no ka mokuaina 0 Misesipi, ka olelo hooholo i hookomo ae i ka hale i keia la e hoaknka ana no ka haawiia aku 0 ko kuokoa i na Mokupuni Pilipine BROWNSVILLE, Tex. Jan. 7—E hoakaka ana kekahi mau lono kelekalapa mai Monterey mai, 0 ko Kiaaina Puerta 0 Yaccatan i hoikeia niai ua pepehiia a make e ka poe kipi, aia no oia ke ola mai la, aka nae, 0 kona hoahanau ka mea i pepehiia a make. ATHENS, Jan. 7.—He hana hoao e pepehi a make ia Mustapha Kcmal Pasha, ka peresidena 0 ka rcpuhalika Tureke, elike me ka hoakaka a kekahi lono 0 ka loaa nnn mai ianei. He poka paliu i kiolaia mai ka linia nku iaia ka mea nana i hoeha i kana wahine aole nae oia i eha. MANILA, Pilipine, Jan. 7.—Ma keia la i kipa aku ai 0 Manuel Quezon e ike i ke Kiaaina Kenerala Lconard Wood no ka haawi ana aku i kana hoomaikai, mahope 0 lea lioi ana mai o ke kiaaina kenerala mai kana huakai aku nei i Male. Ma ka mea i hoikeia ae he kipa ana aku kela a Quezon ma ke ano launa aleha wale no, aolie no ke kukakuka ana no na hana e pili ana i ke aupuni Eia no 0 Jonah Kumalae ke kuai hoemi mai nei i kana poi, ma ka hel/« 17.19 Alanui Liliha, oiai o Pake ma e hoopipii ae ana i ka lakou.