Ka Nupepa Kuokoa, Volume LXIII, Number 2, 10 January 1924 — HE 61 POE PILIWAIWAI I PAA AE I KA HOPUIA. [ARTICLE]

HE 61 POE PILIWAIWAI I PAA AE I KA HOPUIA.

lta ua Ia liope loa o ka pule mua 0 ko ka Makai Nui Trask komo ana ae e hoau i ka hana, he mau la ia i hapukuia ae ai kekahi poe piliwaiwai a ku ae i ka halewai, e hoomaka ana ma ka hora 8 o ka po Poaono ahiki i ka hora 2 o ka auwina la o ke Sabati aku nei 1 hala, e ole ka. bela ana ae i hookuu hou ia ae ai, me ka makaala mau aku no nae o na makai maluna 0 ia poo. He 61 ka nui o ka poe 1 hopuia o na lahui like ole ma na wahi like ole o ke kulanakauhale. Ma ka po o ka Poaono he 12 poe piliwaiwai i paa i ka hopuia e ke Kakiana Makaikiu Ross ame kona mau kanaka ma ke alanui Corkacrew. Mahope iki iho o ka hora 10 o ia po no, he 12 hou poe piliwaiwai i loaa pono aku ma ke alanui Robello a laweia ae i ka halewai maluna o ke kaa makai. Ma na hora kakahiaka wale o ke Sabati mai, loaa hou aku la no kekahi poe Kepani e piliwaiwai ana mahope aku o ka halekeaka Kepani ma. Kamoiliili ae nei, a he 12 o ia poe i huluiia ae . Ma ia auwina la Sabati no, he 22 ka nui o ka poe piliwaiwai i paa hou ae i na makaikiu ma kahi kokoke i ke kihi o »a alanui Halekauwila ame Hema a laweia ae i ka halewai, mai ka poe e piliwaiwai ana ame ka poe g akp.ikoa pu ana ma ia wahi, a he $15 bela pakahi i kauia mai. No na ona hale kahi o ka piliwaiwai e lawelaweia ana ame ka poe na lakou e hookele ana ia hana, he $25 ka be!a i kauia mai maluna o lakou pakahi. Ma ka mea i maa mau ia o ka poe i hopuia no ka piliwaiwai, he kakaikahi loa o lakou e hoea ae ana imua o ka aha hookolokolo no ka hakaka ana i ko lakou mau hihia, o ka hapanui ua haalele n-ale i na dala bela. lna keia poe i hopuia e haalele wale ana i ka lakou mau dala o ka bela ana ae e pokeokeo ana ke aupuni kulanakauhale ma kahi o ke $1000, a he pomaikai nui keia no ke aupuni mamuli o o keia makaala a : piha eleu o ka oihnna makaikiu ma na la hope aku la o ka pule i hala.