Ka Nupepa Kuokoa, Volume LXIII, Number 3, 17 January 1924 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA HONOLULU, T. H., IANUARI 16, 1924

 

@@@@@@ mamua iho a ke keonimana i ninau aku ai iaia, i @@@@ mai ai i keia mau huaolelo:

 

@@ Mr. Augusto, ke hooiaio aku nei au imua ou a imua hoi @ kau wahine i nei manawa, aohe wahi kumu iki a olua e kaumaha a e hilahila iho ai no ka mea e pili ana i kona mau makua a i ole kona mau kupuna paha, no ka mea, aohe wahi loko eleele hookahi i kau iho maluna o ko lakou mau inoa, a @@@ @@ hoi he mai kuluma i ili mai maluna o keia kamaiki mai @@@@ mau makua a mau kupuna mai.

 

"N@lu iho. Ua mareia au me ka'u kane me ke kupono loa, malalo o ke kanawai, ma ka la 15 o Maraki o ka makahiki i hala a oia kane a'u o ka mare ana he keonimana oiaio oia a he kanaka kulana kiekie, oiai nae aole maua i mareia maloko keia aupuni.

 

Mawaho ae o ia aole au e hoike aku ana i ka mooleloo e p@@ ana no'u iho. he mea huna ia. No ka mea hoi e pili ana keia kamaiki aole ma'i kuluma i ili iho maluna on a, o kona mau mea paahana a pau makoko on a he maikai me ka ikaika al@@ o mamaoio nei in a no kona malama maikai ia, e ola aku @@@ oia no kekahi makahiki loihi ahiki i kona kanikoo ana. Na'u @no he maikai mau ko'u ola kino, elike no me ia a'u i ike @@@ @@@ ko'u mau mea paahana maloko o'u, a elike no hoi me @@ au e ike mai la: au no hoi e hooiaio iho ai i ka oiaio o keia mau mea apau a'u i hoike aku la ia oe."

 

Ua maopopo no ia'u, "mahope o kekahi minuke o kona @@@@: ana me ka noonoo nui iloko on a." o keia haawi ana @ke: kuu keiki i kekahi mau mea elike me olua e makemake @@@ nei. i ka manawa e manaoia mai ai he hana kupono ole @@ @@ i ka nanaia mai, a he hana hoi i maa ole mai mua mai, @@ he hana ku maoli no hoi i ke aloha ole na kekahi makuakane elike me a'u ke hana: aka, e ike mai nae olua i keia, eia @@@ loko o kekahi kulana pilikia hiki ole ia'u ke kokua ia'u @@@ ua koikoi loa ke koi ia'u--he pilikia koikoi ka mea nana @@ @@@kono mai ia'u e lawe i keia hana i maa ole mai mua @@@

 

@@ keia wale ae la no ka mea hiki ia'u ke hoike aku ia olua @@@@anawa, aohe mea hou aku; in a ua ike olua i ke kupono @@ @@@kama i ke kamaiki, mahope o ko olua lohe ana aku la @@@@ mau hoakak. ma olua ia e hooholo no olua iho, in a aole, @@@ @@@ au e nana aku i kekahi poe e ae i noi mai, a hooponopono aku me lakou no ka hookama ana i nei kamaiki"

 

@@@ lawa ka ike i loaa ia'u ma kau hoakaka a pau i hoike @@@@" i pane aku ai o Mr. Augusto. a e lawe ana maua i @ohe "E Alika. nau keia bebe in a he makemake oe, " wahi @@@@ o ka huli ana ae e kamailio i ka wahine, oiai no oia @@@@ @@ke kamaiki iloko o kona mau lima ia manawa.

 

@@ makemake au i ka bebe, a e lawe ana au iaia," i pane i k@ wahine. "Aole au e haalele ana iaia. E nana mai no @@ ua kulike kona helehelena me ka kaua bebe i make," @@ @@@@ iho la ka lede maluna o ka helehelena o ke ka@@@@ @@@ ana me ka nana ole ae iluna iaia.

 

Eia ma anei oe me kou manao maikai a naau hemolele e @@@ i keia makana i keiki hookama na maua ma ke @@@ Pehea no ko'u manao." i ninau ae ai o Alika Damon @@@ Masetona. me ka helehelena hoihoi, a me ka helehelena no hoi o ka Lede Masetona e nana mai ana ia.

 

Ka olua manaoio maoli ia e kakau iho au i ko'u inoa @@@ @ ka palapala e hoolilo aku ana i keia bebe i keiki hoo@@@ @@olua no ka hooiaio ana aku i ka olelo hoopaa mawaena @@@@@@ alaila e olelo aku ana au aole." wahi a Mrs. Masetona.

 

@@@ @@ auanei ka waiwai o ka hana ana i mau palapala @@@ @@@" @ahi hou ana, "no ka mea aole hiki ia'u ke kakau @@ @@@ @onoi maluna o ia palapala, o ka inoa e kau nei @@@ @@ a maluna hoi o ia palapala e lilo ana i mea waiwai

 

@@ @@@@ hiki wale no ia'u ke hana o ka haawi aku iaia @@ @@@@ manawa. Me ka hana ole i palapala hookama a @@ @@@@ iaia na olua. Lawe aku olua iaia--na olua oia; @@@@@ aku nei au iaia me kuu naau oiaio apau a e lilo @@ @@ mea  hoomama a hoohauoli mau aku i ko olua mau @@ ma nei mua aku elike me ka loihi o ko olua ame kona @@@."

 

@@ ke ike aku nei au i kou manao o na palapala no ka hoo @@ @@@ mai i ka bebe ma ka hookama ana e lilo ana i mea @@ @@@ @@. oia anei?" wahi a Mr. Damona i ninau mai ai, @@ ke kanalua nui iloko on a, no ka mea, ma ia ano o ka lilo @@ mai o ke kamaiki ia laua ke ike la oia he ia no paha e @@@ mai ana o ke kiiia mai no ia e kaili'a o ka lilo aku no ia ke kamaiki mai ko laua alo aku.

 

"O keia a'u e haawi aku nei ia olua o ka mahele waiwai @@ @ ka olua kamaiki," i hoomau mai ai o Mrs. Masetona i kana kamailio ana. me ka helehelena minoaka ma kona mau papaina. i ka manawa ana o ka lalau ana iho i kekahi mailoko @@@ o ka ume hookahi ana i lawe mai ai i na dala no ka uku ana ike Kauka Tana, "a ke hiki pono ole nei ia'u ke hoakaka aku@ ka nui o kuu hauoli e hele pu aku ana me ia makana."

 

"O e ka madame maikai, aole hiki ia'u ke lawe mai i kena dala." wahi a Mr. Damona o ka pane ana mai, me ka pii ana ae la o ka ula ma kona mau papalina no ka inaina a hoo@@mao koke mai la oia mai ka lede mai e paa ana i na dala pepa iloko o kona lima, mamuli o kona manao ana iho he mau dala kipe ia o ka haawiia ana mai la e lilo ai i mea hoopilikia mai iaia mahope.

 

"O, no ke aha hoi? He nui ko'u waiwai, i lohe mai oe, a malaila ke makemake nei au e lawe aku oe; aole keia he dala au e mano iho ai he kipe, aka he dala keia no ke kokua ana aku ia olua no ka olua malama ana i ke kamaiki, aohe manao hewa iloko o keia dala e haawiia aku nei ia olua," wahi a ka @@@@.

 

Aohe o maua makemake i ke dala, o keia kamaiki wale no ka maua mea makemake, ka mea i holo ma ke mele, "he pua oni ke kanaka he mea laha ole," aohe o'u makemake e lawe mai i kena dala ma ke ano he mea hoowalewale a koi mai hoi no ko maua hookama ana iaia," i pane aku ai o Mr. Damona.

 

"Ina aole o olua nele ia mea he dala, a i ole aole o olua makemake e lawe, e koi aku ana no au ia olua e lawe aku," wahi a ka Mrs. Masetona pane. "Ina aole o olua makemake i ke dala hoahu no hoi ma kekahi wahi e loaa mai ai ka puka no ia dala no ka pono o ka olua kamaiki ke nui ae oia, a maloko o kekahi banako a hana hoopukapuka paha e waiho ai ahiki i kona nui ana, i loaa no kana dala i kona manawa e mare aku ai i ke kane, pehea ia la i ko olua manao?

 

"Eia hou, e kapa iho olua i inoa nona elike me ka olua e hooholo ai," wahi hou a ka lede. me ka leha iki ana mai i ke kamaiki. "Kapa iho i kona inoa elike me ka olua e makemake ai, a e lilo hoi ia i mea hoopomaikai mai ia olua mahope aku."

 

I ka hooki ana iho o kana kamailio ana hele mai la oia a kokoke ia Mrs. Damona, a kau iho la i ka owili dala pepa mawaena o na lima o ka bebe e hiamoe ana iloko o na lima o Mrs. Damona, kulou iho la, a honi iho la me ka hoomama loa, i ole e ala ae ka bebe, alaila huli aku la hele me ka hikiwaweloa, me ke kunou ana mai ia Mr. ame Mrs. Damona, a nalowale aku la iloko o ka rumi.

 

He hapalua hora mahope mai aia kahi bebe malihini ke hiolani malie la iloko o kona wahi moe hooluliluli uuku, kahi moe uuku no i moe ai ka Mr. Damona ma wahi bebe i make ai, a i na maka hoi o na makua hookama e kulolou like iho ana e nana i kona hiamoe ana. me ka puana malie ana ae i kekahi mau leo pule, e hooloihiia na la e ola ai ke kama me ka hookoeia o kona ola no ka hoonana a hoohauoli ana mai ia laua, me ka hoomaopopo ole ae i na aka hookaumaha e hekau ana maluna o kona hanau ana.

 

Ma kekahi kakahiaka ae, ma kekahi o na hora kakahiaka nui loa, haalele mai la o Mrs. Masetona ame kana wahie hana i ka hokele a laua i noho ai, ame ke kulanakauhale, me ka waiho ole iho i kekahi hoike no ka kaua wahi e nee aku ana. Mahope o laua.

 

MOKUNA IV.

 

Ma keia ano iho la i loaa ai i ka bebe malihini he home hou nona e noho ai a e malamaia ai hoi e kona mau makua hookama. iloko o na lima aloha a i iaia me ka hiipoi me he mea la he keiki ponoi na lua.

 

Ua lilo mai la keia kamaiki i keia mau mea i hooneleia i ke keiki, aka nae, mamuli o kekahi mau kumu a laua no i ike ai aole laua i kapa i ko laua inoa makua maluna o ka bebe, aohe no hoi i hoike aku i ko lana ainoa maku a i ka lede Masetona, ka makuahine o ka bebe a laua i hookama ai, me ke ku ole i ke kanawai o ko laua lawe ana i ka bebe.

 

"Aole loa au e hookomo ana ia'u iho iloko o ka mana o kela wahine." wahi a Mr. Demona o ka hoakaka ana ae i ka wahine i kekahi la, oiai laua e kukakuka ana maluna o ka inoa o ka bebe a lana e kapa iho ai.

 

"Ina kaua e hookama ana i keia bebe, e hana kaua me ka naauao e hiki ole ai i kela wahine ke kii mai a kaili hou aku iaia, i hiki ole ai hoi i kela wahine nana i haawi mai i keia kamaiki na kaua, a i ole e oleloia mai ai paha aole keia he bebe ponoi na kaua mailoko ae o kaua, a aole o kaua koko iloko o ia nei.

 

No ia kumu ua kapa iho la iaia iho o Auguseto Demona, a o kona inoa oiaio maoli no nae ia, aole hookahi kanaka maloko iho o ke kulanakauhale o Bokekona i ike iaia ma ia inoa, o ka inoa wale no i ike a i kapa mau ia nona o Hunatere. aohe no hoi on a makemake e ike ka makuahine o ka bebe i kahi mea no ka bebe mahope o ka haawiia ana mai ia laua.

 

Ua kapa iho la laua i ka inoa o ke kamaiki o Gelade, o ka manao oia hoi Hoohauoli, no ka mea, elike me ka Mrs. Demona o ka hoaka ana ae i ke kane ua hoomaka ka hoohauoli mai o ke kamaiki iaia, a ua lilo hoi i mea aloha a makemake nui nana, me he mea la nana ponoi ia bebe a me he mea la no hoi aole i make ka laua kamaiki mua nona ka inoa a laua i kapa iho ai o Alika Hunetere.

 

Ua noho keia mau mea ma kahi lehulehu ole o na kanaka, aole no hoi o laua hoopilipili wale aku me na kanaka. a he ano kukaokoa loa ko laua noho ana ma kekahi o na alanui noho nui ole ia e na kanaka a pipipi ole hoi o kauhale o ke kulanakauhale o Bokekona.

 

He hana paa mau ka Mr. Hunatere me ka loaa o ka ukuhana maikai iaia. a he ano hoomakaulii ko laua noho ana me ka uhaai nui ole i ka laua wahi loaa. hookahi mea nui iloko o ko laua noonoo o ka hoahu i ka laua wahi loaa no ka la ua e hiki mai ana o ia hoi ko laua mau la e elemakule akn ai.

 

No kekahi mau makahiki lehulehu ko laua noho ana ma ia ano me ka loaa ole o kekahi mea nana e hookaumaha mai i ko laua noonoo; a i ole e hoowalewale mai ai paha. e kaualakoia aku ai laua mai ke ala ae o ka pono, kamluhia, ke kuonoono, a i ka hele auwana ana.

 

Ma kekahi la ua loaa iho la ia Mr. Hunteere kekahi manao maikai a e loaa ana kekahi pomaikai nui ia laua, nolaila, me ka hoohakalia ole iho, ua hoohana aku la oia ia manao, a i ka loaa ana iaia o kekahi ana me ke ponoia mai e ke aupuni, ua lilo oia he kana waiwai ma ia hope mai.

 

Aohe keiki hou ae i loaa ia laua e kaana like ai ai ko laua aloha maluna o lakou. nolaila ua ili iho maluna o Gelade, ka laua kaikamahine hookama. ko laua aloha, me ka hiki ole ia Gelade ke hookaawaleia mai a laua aku.

 

O na hoohiwahiwa ana a pau a laua e noonoo ae ai ua kau aku maluna o ka laua kaikamahine, a i ka piha ana o na makahiki he umi kumamalua ia Gelade, he kaikamahine huapala maoli oia ke nana aku, a no ia ui a nani o kona helehelena me kona oiwi, ua hoomaona loa ia ka uhane o na makua hookama, no ka mea o wale mai no ka ula ma ko Gelade mau papalina. a ua like no hoi ka hinuhinu o kona lauoho ehuehu me ke kilika, me ka ikaika alohilohi o kona mau onohimaka.

 

Aneane ma keia manawa ua nui a palahalaha loa na hana o ka halehana kahi a Mr. Hunatere e nohohana ana, a he mea pono e hooneeia aku kekahi hana maloko o ke kulanakauhale o Nu Ioka ma o ke kukulu hou ana aku i halehana hou malaila.

 

I kulike me ia hoolala ana a ka on a nona ka halehana a Mr. Hunatere e hana ana, ma ka hoomaka ana o ka umikumamakolu o ko Delade mau makahiki ua nee aku la keia ohana a noho maloko o kekahi hale nui a nani maloko o ke kahi hale nui a nani maloko o ke kulanakauhale o Nu Ioka, ma ke alanui Kalinetona, o kekahi ia o na wahi oluolu a nani loa ma Burukeline, a o ko Mr. Hunatere keena hana aia ma ke alanui De, Nu Ioka.

 

Maanei, ia lakou i hookuonoono iho ai ka noho ana, i komo aku ai o Gelade i ke kula kiekie maloko o ia apana oiai ua aponoia kona komo ana aku ia kula e na kumukula o ia kula, mahope o kona ninaninauia ana.

 

He kaikamahine akenui o Gelade i ka ike, a wahi ana o ka olelo ana ae i na makua, in a no kona puka maikai mai mailoko mai o ia kula, ua makemake loa oia e hoounaia aku oia i ke kula ma Vasa no eha makahiki, no ka hoopau pono ana i konahuli ana i ka ike, a ua apono loa na makua ia manao maikai ona.

 

Ma keia manawa i loaa ai kekahi ulia nana e hoopoino i ke ola ana o ke kaikamahine opio a e lilo ai hoi i mea hoopoino i kona ola ana o ia mua aku. Ma kekahi auwina la o ka mahina o Mei, mahope o ka pau ana o ke kula o ia la, nonoi aku la oia i ka makuahine e ae mai iaia e laweia i Nu Ioka maluna o ke kaalio, a na ke kanaka kahu kaa o lakou e kalaiwa i ke kaa, no ka huli ana i ka makuakane, a i ka manawa e pau ai o ka hana a ka makuakane hoi like pu mai laua mamua o ka aina ahiahi, a ua maikai ia manao on a i ka manao o ka makuahine.

 

Ahiki mai i keia manawa aole manawa iki ana i hele hookahi ai; ma na manawa a pau mamua aku e hele pu mau ana oia me ka makuahine ma na wahi a pau ana e makemake ai, ma keia la aole hiki i ka makuahine ke hele pu me ia, mamuli o kekahi aelike i hanaia eia ame kekahi mau hoaloha on a e hoea mai ana i ko lakou hale ia la.

 

Aka, no kona ike no hoi he kahukaa maikai ko lakou, a e malama maikai ana no oia ia Gelade e loaa ole ai kekahi poino, a he mea nui no hoi o Gelade i ke kahukaa, nolaila ua hookuu mai la oia ia Gelade e hele, me ka hilinai i ka palekana o Gelade maluna o ke kahukaa, a he ae maikai ia ana mai hoi ia o Gelade i hoopiha loa ia iho la oia i ka hauoli.

 

(Aole i pau.)

 

HOIKE HAPAHA O NA KULA SABATI MOKUPUNI O OAHU.

 

E malama ana na Kula Sabati apau o ka Mokupuni o Oahu, i na hoike hapaha makahiki o ka A.D. 1924 ma kela ame keia apana ma na manawa i hoakakaia maloko o ka papakuhikuhi malalo nei, me na haawina a keia ame keia Kula Sabati, a e oluolu na Kahu Kula Sabati Aapana e hoomakaukau; na'u e malama ana i na hoike hapaha o na Kula Sabati o na Koolau, mai Kaneohe ahiki i Waialua, a na ko'u kokua, J. K. Nakila e malama ana i na hoike hapaha o na Kula Sabati o na Kona mai Makua a Kawaiaheo:

 

Papa Kuhikuhi

 

Kula Sabati o Kaneohe, Ianuari 6, haawina o Dekemaba 2; Kula Sabati o Waikane, Ianuari 13, haawina o Dekemaba 16; Kula Sabati o Hauula, Ianuari 20, haawina o Dekemaba 23; Kula Sabati o Kahuku, Feberuari 3, haawina o Ianuari 6; Kula Sabati o Waialua, Feberuari 10, haawina o Ianuari 13; Kula Sabati o Makua, Feberuari 17, haawina o Ianuari 20; Kula Sabati o Waianae, Feberuari 24, haawina Feberuari 3; Kula Sabati o Ewa, Maraki 9, haawina o Feberuari 17; Kula Sabati o Kaumakapili, Maraki 23, haawina o Mraki 9: Kula Sabati o Kawaiahao, Muraki 30, haawina o Maraki 16. Oiai, ua kau iho maluna o'u ke ko'iko'i o ka wae ame ka hookohu ana i kokua no'u ma keia hana, no laila, ua noonoo au me ke akahele loa a ua hooholo e hookohu aku ia J. K. Nakila i kokua no'u, no ia kumu ke hoike aku nei au i na Kula Sabati apau o ka Mokupuni o Oahu e ike mai iaia ma ke ano oia kekahi mea i kuleana e makaala aku i na Kula Sabati ma na Kona.

 

Ka oukou kauwa,

 

SAM K KAHELE, Kahu Kula Sabati Nui, Mokupuni o Oahu.

 

KO MAKOU PAPA ALOHA UA HALA.

 

Mr. Solomon Hanohano, Aloha kaua:-- E oluolu hou mai kou ahonui i kauwahi kaawale o ka hiwahiwa a ka lahui, i ike mai ai na kini makamaka, ka ohana no hoaloha o ko makou papa aloha e noho ana ma kela pe'a ame keia pe'a o ka aina. aloha ino!

 

Ua piha i ko makou papa aloha na makahiki i ke kanahiku a moe aku la oia i ka moe kau a hooilo.

 

Ua hala mua e no ko makou mama aloha, a uhai aku la no ko makou papa aloha ia meheu hookahi.

 

O Maui kona onehanau, i Kahikinui. Malia he ohana no paha koe e ola mai nei.

 

O ke kulana o ko makou papa aloha, Mr. G. Halemau he kana oluolu piha oia ua like me ka wahine a hapa mai no paha ka wahine iaia. He kanaka aloha wahine, aloha keiki, aloha moopuna, aloha hoaloha, aole on a leo nui mai ia makou na keiki aole no hoi i na moopuna, he akahai piha oia ame ka haahaa.

 

Aole on a hoa paio, aole enemi, aole no on a hele i kauhale, aole ma na ano apau. Ua noho oia nona iho me kana mau keiki ame na moopuna. Aole hoopili wale malalo o kekahi poe. Nona kona noho kuokoa ana. He kanaka limahana oia, o mahiai, kanu maia, uala, palaai, o na ano like ole, a na ka na waliwali o ke kino, i pau ai kona lawelawe ana aku ia mau mea. Aole o ia wale o ka hanai puaa no kekahi, auwe ke noonoo ia mau mea a ko makou papa aloha i hana ai, lihaliha wale!

 

Ua mahi oia a nui ka ai, ua ai makou pela ka maia, ua ai na meaai like ole, a moe aku la oia kuu kaluhi, pau ka ike ana i na inoa o keia ola ana.

 

O kekahi kulana oi ae o ka makou papa aloha, he kanaka haipule oiaio oia, aole haule ka pule iaia, ahiki i kona hora hope loa. Aole loa oia i maka'u i ka make. O kana olelo hope ia makou oiai makou e hoopuni ana i kona moe make, "ina au e make, mai noho hoopiliwaile malalo o kahi poe, noho oukou no oukou iho."

 

Ua lako ka home i na mea apau hookahi mea huli o ka ai ame ka i'a, auwe aloha wale ka leo kaukau a ko makou papa aloha.

 

Nolaila ua hala oia, aka, o kana mau hana maikai, he kiahoomanao ia na makou na na keiki e u aku ai ma keia ao inea.

 

I kona wa i kokoke ai e pau kona hanu, ua ku'i ka hekili olapa ka uwila, a lele loa ae la kona aho, pela no kona laweia ana e kanu ku'i ekolu hekili, olapa ka uwila, a komo kona pahu i ka lua, iliki kekahi kuaua koikoi a nalo no hoi oia malie ka ino.

 

Auwe he kapukapu maoli no ko makou papa, ua ike na Lani i ko makou papa. Aloha ino!

 

Maluna o na mea apau ke haawi aku nei makou na keiki i ka hoomaikai palena ole i na makamaka, na hoaloha, ame ka ohana, i komo pu mai ai e kumakena me makou, pela me ke ala ana a ao ka po, pela me na makana pua he nui a pela pu me ka poe eli lua, no oukou pakahi ko makou hoomaikai palena ole, a na ka Makua ma ka Lani e kiai a malama ia oukou pakahi apau loa, o keia ka makou leo pule imua o ka Haku Iesu, Amene.

 

O makou iho no me ka naau luuluu.

 

MR & MRS. D. P. HALEAMAU, MRS. MARY HALEAMAU, MR. & MRS. J. HALEAMAU, MAS. JULIAN HALEAMAU,

 

KUU LEIALOHA UA HALA.

 

Mr. Solomon Hanohano, Aloha nui kaua:-- E oluolu oe e hookomo iho ma kahi kaawale o ka kaua hiwahiwa i ike mai ai na makamaka, ka ohana, na hoaloha o kuu lei heleloa, e noho ana ma kela pe'a ame keia pe'a o ka aina.

 

Ma ka la 21 o Novemaba 1923, i pauaho mai ai kuu leialoha i keia ola mauleule ana, Mr. Dan Kaleiheano Kinoulu, a waiho iho la ia'u kona papa aloha mahope nei, me kona poe kaikuahine, ame kana lei aloha he keiki, e u aku me ke kaumaha nona.

 

Ua hanauia kuu leialoha ma Kalaoa, N. Kona Hawaii, mai ko maua puhaka aku, Mr. D. Kinoulu ame Mrs. Hana Keloi Kinoulu i ka makahiki 1889, nolaila, ua piha iaia na makahiki he kanakolukumamaha. Ma Kona no oia i hanaiia ai a nui, a hele aku no ka aina malihini o ia o Honolulu.

 

Ilaila oia i ka hapanui o kona noho ana me kona poe kaikuahine, a mamuli o ka hoi ana mai o kekahi o kona kaikuahine i Waiakea Homestead nei, Hilo, oia o Mrs. Grace Kealoha, pela oia i holo mai ai, a noho pu me kona kaikuahine, no ka makahiki a oi, he hana kelepona kana hana me kona kaikoeke, Mr. Kealoha, a mamuli o na ulia o ka manawa, ua hoi hou no oia i honolulu me ia mau kaikuahine, a loaa hou kana hana i ka hale hana hao, ilaila oia kahi i hana ai, a loaa iaia kekahi ulia, o ia hoi, haule ia e ka hao, a eha ka wawae, mailaila ka hoomaka ana o kona waiho ana i kahi moe a loaa iki hoi ka oluolu o ka wawae hiki ke hele, hoomaka mai ana e loli ka ma'i, he emi pu mai kahi kino.

 

Nui ka imiia o ke ola i na kauka haole, kauka Hawaii, aole wahi mea a lana mai.

 

Ua oi aku ka ma'i mamua o ka mea kupono i ka ike o ke kanaka ke hana, a haalele wale mai oia ia makou me ke aloha pau ole nona.

 

Oia hookahi wale no ka'u keikikane, iwaena o kona poe kaikuahine eha. Ua mare no oia i ka wahine, a ua loaa he hua mai kona puhaka he keikikane, a mamuli o na ulia o ka manawa, ua kaawale oia mai kana wahine mai, a hala wale aku la oia. Aloha no kuu lei, kuu mea nui ola! aka ua pau kana hana ma keia ao, ua kuu ka lubi.

 

Nolaila ma ko makou aoao ka ohana, ke haawi aku nei makou i na hoomaikai palena ole, in a makamaka ame na hoaloha, i akoakoa pu mai ai me makou iloko o na hora o ke kaumaha, pela me ke ala pu ana a ao ka po, pela pu no hoi me na makana pua a na hoaloha i hoohiwahiwa iho ai maluna o kona kino kupapau.

 

Ma ke la iwakaluakumamalua i maneleia aku ai kona kino a hoomoeia aku ma HailiKulamanu no ka wa mau loa, a ko ae la ka mea a ka Haku i palapala ai, no ka l@@o mai no oe, a e hoi aku no oe i ka lepo. Nolaila, me keia mau kanaenae aloha no kuu lei, ke waiho nei au na ka Haku aloha ma ka lani e hoomama mai i na luuluu ame na kaumaha i hekau iho maluna pakahi o makou apau.

 

Owau iho no me ka luuluu,

 

D. KINOULU, Ame ka Ohana.

 

HAAHEO MAU NO KA UANOE O KOLOA ME NA ONO LIKE OLE.

 

Ua lilo ia Anakala Kamali, o ka Uanoe o Koloa, ma ka la 11 o Novemaba, oia hoi ka la hoopau kaua, ka makana ekahi, hookahi noho paniolo maikai loa, $150.00 kona waiwaiio, o na hana lealea i malamaia ma Waipouli; o ia hoi ke alualu ana, hoohei a kupee a hina, i ka pipi ahinu noho kuahiwi o Waialeale, iloko o na aekona he 41 wale no, a o kona kokoolua mamua iho on a he 45 aekona.

 

O Anakalea Kamali, kekahi kanaka kae'ae'a, akamai, a laeula ma keia hana ua ano ahiahi no oia, aka kela kulana piha laiwale no, o keia laeula no ka mea nana e paa nei, ka manawa holo loa ma keia hana, i kela makahiki aku nei, ma keia wahi hookahi no he 48 aekona, a i keia makahiki hoi, nana ponoi no i hoohaule i kona manawa.

 

Ua pau pono loa ao nei na hemahema o ka halekula hou o Koloa nei, malalo o na hooponopono ana a ka hope enekinia, Mr. John Waiamau, ame kana kamana akamai loa, Mr. Halehoe, ka puuwaihamama me ke aloha kona lahui, a e komo ana keia halekula hou, ma ka mahine o Feberuari 1924.

 

He wahi paina hoomanao Kariaimaka ka makou o Po'ipu nei, he wahi moa, pelehu, waimomona meaono, ice cream, nui ka ono o ka puu.

 

Ma Koloa nei, ka ahaaina Hapenuia a ka Ahahui Kaahumanu, a mena lala o ka Ahahui Kaumualii, he nui na ono i hoomakaukauia e keia mau ahahui no keia la nui.

 

Ma Kualu ka paina hoolaulea a ka Mea Hanohano, ka lunakanawai i hookohu hou ia mai, Mr. W. C. Achi, ame kona mau hoaloha.

 

Ua lawa keia mau ono ke uwe mai nei o Kapika i ka pololi, a hui hou aku no, aloha Hapenuia kakou apau loa.

 

Me ka Lunahooponopono ka mahalo nui, ame na keiki oniuhua kepau o kou papapa'i ka welina pau ole.

 

Me ka haahaa, PETER KAMANA, Sr.

 

HE HOALOHALOHA NO MRS. ROSE LAA MIA.

 

Ma ka hora ekolu o ka auwina ia ka lepo i ka lepo, ka uhane me ia, iho ai ka uhane i ka hale kino, o ko makou hoahanau, Mrs. Laa Mia, a hui aku la i kahi i hoomakaukau mua ia ka lepo ka uhane me ia, oia ke haawi, oia no ke lawe aku. O na hana a ka mea i hoaiki pu ia ae, e lilo ana ia i haawe kaumaha ma keia aoao aku o ka muliwai eleele no kekahi manawa, pehea nae e hiki ai hele aku e ka mea luhi, noi, kikeke, a e imi.

 

O ka makuahine i waiho mai la i na hana a kona Haku, aia iloko on a ka hoomanawanui, ke oolea o kona mau lala i helu pu ia me ko na kane, he lala ku maikai iloko o ka Ahahui C.E., o Waiakea-waena, a he hoahanau no ka Ekalesia o Haili ame Hakalau.

 

Ke komo aku nei ka ahahui e auamo pu i na haawe kaumaha i kau ino maluna ou e ke kane, Mr. Alfred K. Mia, na keiki Agnes ame Eli, na makua Mr. ame Mrs. Wm. Laa, na kaikunane, Henry E. Kalahiki ma Honolulu ame Eli Kalahiki e noho mai la no iloko o ka pilikia ma Puueo, a i kona mau ohana apau.

 

O ke Akua ka Puuhonua ame ka ikaika o kakou, he kokua kokoke loa i ka popilikia ana.

 

Ka Ahahui Hooikaika Kristiano o Waiakea-waena.

 

Ma kona mau komite la. @OKUA HELEKAHI, EDWARD KEALOHA, ARTHUR K. McCOLGAN.

 

KOMO NA MAKAI WAIONA E HULI IALOKO O KEKAHI HALE.

 

Ma ka aluna ahiahi o ka Poakahi nei, he Kepani nona ka inoa o M. Mitori, o ke alanui winant, ma Kalihi ae nei, ka i paa ae i ka hopuia e ka Ilamuku Oscar P. Cox ame kona mau hope, Claude Kapukui ame Herman Clark, a hookomoia ae he hoopii e kue ana iaia no ka malama waiona malalo o kona maluna.

 

Wahi a ka Ilamuku Oscar P. Cox o ka hoakaka ana ae, ia lakou i hiki aku ai i ka hale a Mitori e noho ana, a hoomaka aku la ka huli ana ma na poopoo, ua loaa aku ia lakou he eono mau galani sake, me 20 galani rama i hoawaawaia, a mai ia rama mai i hoawaawaia e hanaia ai ke sake, he mea kaomi sake me kekahi ipuhao puhi lemuhao.

 

Mai kela hale aku o Mitori i hele hou aku ai ka Ilamuku Amerika ame kona mau hope no kekahi hale okoa aku e noho ia ana e Otsu, he Kepani no ma ke alanui Puuhale, ma Kalihikai, ame he mea la ua honi paha ka manu i ka hohono uwahi a ua lele mua, no ka mea aohe ka. he kanaka o ka hale. Me ka ipukukui kokua no ka huli ana, ame kekahi palapala hopu, i hoomaka aku ai na makai e huli ia loko o ka hale, a ma ia huli ana i loaa aku ai ma ke kuono e hoopue mai ana he ekoluhapaha galani lemuhao, me ka mea kaomi sake.

 

Ekolu manawa a ka Ilamuku Cox ame kona mau hope i komo aku ai ma kekahi mau hale ma ka po Poakahi nei, ma kahi o John Wise, ka unahooko kanawai hookapu waiona, mamuli o ka loaa ana o John Wise i ka ma'i a hoopaa ia maloko o kona home. Mai ia John Wise mai ka palapala hopu i hoopukaia mai ai no keia mau wahi i hopuia.

 

Ma ka Poalima aku ia i hala, i waiho ae ai ka Hope Loio Kalana Ashford, i kana palapala haalele oihana i ka Loio Kalana Heen, a ma ka la 1 o ka mahina o Maraki e hoea mai ana, e kaawale ai oia mai kona kulana oihana aku e paa nei i keia manawa

 

Oehuehu na makai iloko o keia mau la e hana mai nei, malalo o ke poo hou o ka oihana makai o Honolulu nei, me ka nui o ka poe piliwaiwai i paa ae i ka hopuia.

 

HOOLAHA I KA POE AIE

 

KOOLAU WATER COMPANY LIMITED.

 

Ma keia ke haawiia aku nei he hoolaha i ka poe apau he koi kekahi i ke Koolau Water Company, Limited., he Hui Hawaii i hoopauia malalo o ke kauoha a ka Puuku o ke Teritore o Hawaii I Dekemaba 18, 1923, no ka waiho ana ae ia mea imua o ke Kahuwaiwai nona ka inoa malalo iho nei ma kona keena ma ka Alexander & Baldwin, Limited, maloko o ka Hale Stangenwald, ma ke Alanui Kalepa, maloko o Honolulu, T.H., iloko o ka naiwa la mai keia la aku (o ia hoi ka la mua o ka hoopukaia ana o keia hoolaha) a i ole e kue mau loa ia aku no ia.

 

Honolulu, T. H., Ianuari 3, 1923. J. P. COOKE,

 

Kahu no ka Poe Aie ame ka Poe Paamahele o ke Koolau Water Company, Limited., i oleloia.

 

6589---Jan. 3, 10, 17, 24, 31, .. ..

 

HOOLAHA KUAI O KA HOOLI MALIMA AUPUNI.

 

Ma keia ke haawiia aku nei ka hoolaha akea ma ka hora 10:00 a.m., Poakolu Feberuari 13, 1924, ma ka puka mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina Aupuni malalo iho nei:

 

Apana 33, na Apana Mahi o Wailua, Wailua, Puna, Kauai. nona ka iliaina o 14.90 eka, oi aku a emi mai pah.

 

E kaa no ka hoolimalima e kuai hoolilo ia aku ana malalo o na kumu aelike apau ame na kulana o na Hoolimalima Aupuni Laula i hoopukaia e ke Keena o ke Komisina o na Aina Aupuni.

 

E kaa no keia kuai malalo o keia mau kulana:

 

a. Manawa o ka hoolimalima, 15 makahiki mai Feberuari 13, 1924 aku.

 

b. Uku hoolimalima haahaa, $75.00 o ka makahiki, e uka hapamakahiki mua ia.

 

c. E uku mua ka mea e lilo ai. ma ka haule ana o ka hamare i ka uku hoolimalima o na mahina mua eono, hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i ka hoolimalima i oleloia.

 

O ke kii palapala aina e hoikeike ana i ka aina e hoolimalimaia aku ana ame ke ano o ka Hoolimalima Aupuni Laula eia ke waiho nei ma kahi o na palapala a e ikeia no ma ke Keena o ka Hopeakena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

 

No na hoakaka i koe e ninau ae ma ke Keena o ka Hopeakena, Mr. J. M. Lyg@@, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

 

Hanaia ma Honolulu. T. H., ma loko o ke Keena o ke Komisina o na Aina Aupuni, i keia la 7 o Januari, A. D. 1924.

 

C. T. BAILEY

 

Komisina o na Aina Aupuni. 6590---Jan. 10. 17.

 

HOOLAHA KUAI O NA HOOLIMALIMA AUPUNI.

 

Ma keia ke haawiia aku nei ka hoolaha akea ma ka hora 10:00 a. m., Poalua Feberuari 12, 1924, ma ke keena o ka Hopeakena. Mr. F. K. Kalua, Wailuku, Maui malaila e kuai hoolilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii. na Pauku 358 ame 380 ef seq. o na Kanawai Hooponopono Hou ia o Hwaii o 1915 ame ke Kanawai 143 o na Kanawai Ahaolelo o 1917. na Hoolimalima Laula o na aina Aupuni malalo iho nei:

 

1. Hapa o na Apana Aupuni o Paehala Puaalua ame Kaumakani Alaeiki, Hana ame Kipahulu, Maui, nona ka iliaina o 93 eka, oi aku a emi mai paha.

 

2. Hapa o ka aina Aupuni ma ka Anana Aina o Hulibana ame Puuiki Papahawahawa. Hana Maui, nona ka iliaina o 93 oka. oi aku a emi mai paha.

 

E kaa no na hoolimalima e kuai hoolilo ia aku ana malalo o na kumu aelike ame na kulana apau on a Hoolimalima Aupuni Laula i hoopukaia e ke Keena o ke Komiaina o na Aina Aupuni a malalo no hoi ke kulana paku'i e hookomo ia aku ana maloko o na hoolimalima e hoopukaia aku ana mamuli o keia kuai, e hookaka ana elike me keia malalo iho nei:

 

"Ina e mahiia ana kekahi hapa o ka aina e hoolimalimaia aku ana, o ka iliaina i mahiia. e hoohua mai i ka uku hoolima lima o $5.00 o ka eka no ka makahiki no ke koena aku o ka manawa mai ka la aku o ka mahiia ana ma ke ano paku'i i ka hoolimalima i hoakaia maloko o ka hoolimalima i oleloia."

 

E kaa keia kuaia malalo o keia mau kulana malalo iho nei:

 

a. Manawa o na hoolimalima. 15, makahiki pakahi mai Feberuari 12. 1924 aku.

 

b. Uku hoolimalima haahaa, $24.00 o ka makahiki pakahi, e uku hapamakahiki mua ia.

 

c. E uku mua ka poe e lilo ai. ma ka haule ana o ka hamare i ka uku hoolimalima o na ma hina mua eono. hui pu me na hoolilo apau o ka hoolaha ana ame na kaki e ae apau e pili ana me ka hoomakaukau ana i na hoolimalima i oleloia.

 

O ke kii palapala aina e hoikeike ana i na aina e hoolimalimaia aku ana ame ke ano o ka Hoolimalima Aupuni Laula, eia ke waiho nei ma kahi o na palapala a e ikeia no ma ke keena o ka Hopeakena, Wailuku, Maui, a i ole ma ke Keena o ko Komisina o na Aina Aupuni, Hale Kapitala, Honolulu, T. H.

 

No na hoakaka i koe e ninau ae ma ke Keena o ka Hopeakena, Mr. F. K. Kalua, Wailuku, Maui, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

 

hanaia ma Honolulu. T. H., maloko o ke Keena o ke Komisina o na Aina Aupuni, i keia la 4 o Ianuari, A. D. 1924. C. T. BAILEY.

 

 

Komisina o na Aina Aupuni. 6590---Jan. 10, 17.

 

PoiMakepono

E loaa no ka poi uouo kaohipuu makepono loa, maemae a maiau o ka hanaia ana ma na ano apau.

28 PAONA NO $1.00 MA KE KUIKE

HALE WILI POI O

JONAH KUMALAE

1719 Alanui Liliha.

HELE MAI I IKE PONO

Mai Poina i ka Helu ame ke

Alanui.