Ka Nupepa Kuokoa, Volume LXIII, Number 3, 17 January 1924 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA HONOLULU, T. H., IANUARI 17, 1924

 

@@@@ @@ @@@ WAIALEE MAI @ @@@ KOU NO I KA HOPUIA.

 

@@ @@@@ Pake nona ka inoa o @@@ @@ @@@ a nona na makahiki @@@ @@@ o kona hookuula a@. @@@ @alo hoopololei mai o Wai @@ @@@@ i hoopaaia aku ai no @@ @hiki #keia no kekahi hew: @@@ k@ kakahiaka o ka Poa@@@ ka pule aku la i hala, ua @@ ua ola i ka hopuia ma ia @@ @@ hoopiiia ae no ka aihue kekahi mau waiwai mailoko @@ ka helekuai o kekahi Pake @@. Toi ka inoa. e ku nei ma @@@ na alanui Kamika ame H@ahihue no kona hewa i paa @@ @@ ke kom@ ana iloko o ka @@ kekahi wahine ma ke alanui @@@ @@@@ he $100, a aihue hou iho.

 

@@ @@ ma lelo a ka Makaikiu @@ @@@ @@ hoike ana ae ua komo @@ @@@@ kolohe iloko o ka hale@@ @@ @@@ a kau i ke kumukuai @@@@ o kekahi @@au waiwai le@@@. I ka lele ana aku o ka @ @ @@ rumi mahope o ka halekuai ka luli ana i kekahi mau lole, manawa i hopu iho ai keia keiki @@@@ i puolo he 14 mau palulue. huluhulu iloko, a hoomaka aku ia ka nolo ana ma ke alanui Moi.

 

Hahalia aku Mahope

 

No ka nui o ka leo o Toi i ke kahea a lohe kekahi poe e kuku ana ma kahi kokoke mai malaila, ua hoomaka aku la lakou e hahai mahope o kela keiki aihue. I ke keiki o hoomau ana i ka holo ma ke alanui Nuuanu ua komo mai la kekahi mau makai a hahai aku la mahope o ke keiki. Ua kiia ae kekahi mau poka i ka lewa ma ke ano hoomaka'uka'u i kela keiki e ka makai Louis, mo ka manao e ku iho ana la hoi, eia nae, ua hoomau aku la no kela keiki i ka holo ana, a hoomau aku la no hoi na makai i ka hahai ana. I ka ike ana mai o Lau ua pili loa aku ka poe makai mahope on a, a aole hoi he wahi e ae ana e huli ae ai, ua hoomau loa aku la oia i ka holo ana ahiki i ka lele ana iloko o ke kai ma ka Uwapo 16. O ka lole ame na mea apau kuho aku la iloko o ke kai, a hoomaka aku la ka au ana iwaho.

 

I ka loaa ana o kekahi waapa ia Charles Holt, ka hope ilamuku Amerika mua, ua hahai aku la oia mahope o kela keiki, a ma kahi o ke 50 ia ua paa aku la ua keiki la i ka hopuia a laweia mai i ka halewai.

 

Aohe Loaa o Kana Hana

 

Ma ka hoakaka a Lau imua o ke Kapena Makaikiu Kellet ma ka manawa i ninauia ai, ua huli ka oia i hana nana aohe loaa iki, a no ia nele i hooholo ai oia e aihue hou. I ka manawa e paa ana o keia keiki iloko o ke kula ua hoolala ana na makua no keia hoounaia aku on a i Kina me kekahi o na pilikoko, ua hana hou iho la keia keiki i na hana lapuwale a o ke kumu ia on a i hoihoi hou ia aku ai i ke kula hoopololei no ka hoopau pono ana i kona manawa iloko o ke kula.

 

E KIPAKULA AKU ANA KEKAHI MAU LUINA

 

Eia mau luina o ka mokuahi Kili Dharm i kauohaia ae e haalele mai ia Hawaii nei a e hoi aku i ko lakou aupuni e na luna aupuni o ka oihana hoopaelimahana elike me ka pane i kekahi kauoha e hoike ae i ke kumu i hookomoia ae ai e ka Loio Amerika William T. Carden iloko o ka aha federala ma ka Poaha aku nei i hala.

 

O na kanaka eha no lakou ua inoa Robert Ramirez, Lorinzo Parra, Eriberto Rieseo ame Leonardo Ojeda. aia iloko o ka halepaahao e paa mai la. He palapala hookuu kino no lakou ka i hookomoia ao i ka aha e ko lakou mau loio I. M. Stainback ame Leon Strauss, a maloko o ia palapala ua hoakakaia ua hoopaa ia ae kela mau kanaka me kekahi kumu maopopo ole.

 

Ma ka elelo hooia a na luina eha ua haalele loa ia ka mokuahi Dharm ma Honolulu nei, no ia kumu he kuleana ko lakou e hookuuia ai mai ka paa ana malalo o ka aelike kopa, i hiki ai ia lakou ke huli aku i hana hou na lakou.

 

Ma ka pane hoi a ka Loio Amerika, e hoole ana ia i ka haalele loa ia o ka mokuahi Kili Dharm ma Honolulu nei, ua nele na kanaka i ke dala, a e hookaka ana ua hoopuka muaia ne ke kauoha e na luna aupuni o ka oihana hoopaelimahana e kipakuia aku ia mau kanaka e hoi aku i ko lakou aupuni.

 

E hoakaka pu ana ka Loio Amerika Carden imua o na luna aupuni o ka oihana hoopaelimahana o ke noi a kela mau kanak'i waiho ae ai, i ka aha federala aole ia he wahi kupono no ka lakou hoopii e noi ae ai no ko lakou hookuuia, a e noi ana ka Loio Carden e hoopauia ka hihia maluna o keia mau kumu ae la.

 

AOLE NO I LOAA IKI KE KINO O KA WAHINE NALO WALE.

 

Ma ke Sabati o ka pule aku la i hala ka make ana o kekahi wahine haole ma ke kapa kahakai o Pupukea, ma kela huli Koolau o Oahu, ma ka manawa ana o ka hele ana e auau kai me kona mau hoa, a poiia mai oia e ka nalu a haule iloko o ke kai, a mai kela manawa mai on a o ka haule ana ahiki mai i ka Poalima i hala aole i loaa iki kona kino, oiai no nae, e hoomauia ana ka huli ana, a ma ka manao wale ia ua koia paha oia iloko o kekahi puhi a paa loa maloko olaila, a i ole ua pau paha i ka alia o ka mano, aka he mau manao koho wale aku no nae ia.

 

Ma ka Poalima o ka pule i hala aku la ekolu mau mokuea mai ke kahua aku o na mokuea ma Puuloa, i lele hou aku e huli no ke kino o Miss Lorenza Miller, oia ka inoa o ua wahine nalowale la.

 

Mai ka manawa mai o ka make ana o kila wahine ahiki i ka Poaono o ka pule aku la i hala ua hoomauia aku e na mokuea ka lele ana e huli i kona kino ma na wahi kokoke mai i kela wahi i make ai o kela wahine, me ka lele pu aku o na mokuea a hala iwaho moana ma kahi he umi mile ka mamao, aohe nae he wahi hoailona iki e ikeia iho'ai ke kino make o ka wahine.

 

Ahiki mai i ka Poalima o ka pule aku la i hala aohe wahi mea iki i keia no kela wahine, oiai nae, pela ka oleloia, aohe mau mano aikanaka i ikeia e holapu ana ma kela wahi. elike me ka hoike a na kanaka kilo o na mokuea:

 

KE HULIIA MAI NEI KEKAHI KALAIWA KAA HOLONUI.

 

Mamuli o na eha kukonukonu loa i loohia ai o Martin Moser, he elemakule nona ua makahiki he 83 mamuli o kona hooku'iia ana aku e kekahi kaa otomobile holonui me ka nana ole ae i ke ola o kekahi kanaka, ka hana nui a ka oihana makai e huli mai nei, ma kekahi manawa mawaena o ka hora 10 ame 11 o ka po Poaha o ka pule aku la i hala, ma ke alanui Moi, ma Kapalama, mawaho mai o ka halekula Kaiulani, i laweia ae ai oia me ka awiwi loa no ka halema'i o na poino ulia a mahone iho i laweia ae ai no ka halema'i Moiwahine, a ma ka hora 3 o ka wanaao o ka Poalima mai i haalele mai ai kona hanu hope loa iaia.

 

Mahope iki iho o ka auwina la Poalima mai, mamuli o ka haohao o ka hunonakane C.W. McClanahao no kona nalowale ana, a i ka lohe ana, he elemakule ka mea i make maloko o ka halema'i Moiwahine mamuli o ka eha koikoi loa i loaa iaia ma ke ano ulia, ua hele ao la oia e nana, e nana i hooia ae o ka elemakule i make ai o Martin Moses kona inoa, he makua honowaikane nona, a wahi ana o ka hoike ana no mahope iho o ka hora 10 o ka po Poakolu ka nalowale ana on a mai kona home mai ma ke alanui Kalakaua, ma Waikiki, no ka mea me ia o Martin Moser i noho ai. Ke huli mai nei ka oihana makai i ke kalaiwa nana i hooku'i o Moser, a ma ka manaoio o ka Makaikiu Kellett, e loaa aku ana no ia kalaiwa pepehikanaka i kekahi la.

 

NA MEAHOU MAI WAILUKU MAU MAI

 

I kulike me ka lono meahou o ka loaa ana ae i ka Advertiser mai Wailuku, Maui, mai, o C.D. Lufkin, ka hope peresidena o ka Banako o Maui, oia ka i kohala mai la i peresidena no ka oihana Kalepa o Maui no ke pani ana ma kahi o John J. Welsh. O Harry A. Baldwin ka i kohoia i hope peresidena no ka banako o Maui ma kahai o Lufkin. Ua koho houia o J. Garcia i puuku a o Joseph H. Gray ke kakauolelo.

 

Aohe mau hoololi i hanaia no ka Papa Kahuwaiwai. O na kahuwaiwai i kohoia no ke pani ana ia lakou iho oia o W.W. Aiken, W. A. Baldwin, E. R. Bevins, C. E. S. Burns, C. C. Campbell, D. H. Case, D. C. Lindsay, H. B. Penhallow, Charles Savage, John J. Walsh ame William M. Walsh.

 

Ma ke koho ana ua lokahi na hoa apau o ka poe i kohoia o ia no na kanaka a ke komite i wae ai i hookohuia ai e ka Persidena Walsh. Aohe mau inoa e ae i wahoia mai.

 

Uaheluheluia na hoike makahiki a kauohaia o waihoia ae ma kahi o na palapala, a ma ka hoolaha a ka noho i waiho mai ai o na manao i hoakakaia maloko o na hoike makahiki e lilo ia i mau hana i pau ole i ka hanaia e laweia mai ana ma ka halawai o Feberuari.

 

Ma ka manawa a Lufkins i lawe ae ai i ke kulana hana he peresidena ua haawi mai oia i kona mahalo i na hoa apau o ka ahahui kalepa no ka hanohano i kauia aku maluna on a. Maluna o Mr. Walsh kana mahalo nui no ka holomua o na hana i hookeleia eia iloko o ka makahiki i hala, a ua haawi pu mai oia i ka mahalo i na hoa apau no ke kakoo i haawiia aku inia. Oia kakoo i haawiia aku iaia me ka hui pu a hana liko ana o na hoa apau i ka makahiki e hiki mai ana kana kalele ikaika loa. me ka hooikaika pu mai i na hoa e huli aku i mau lala hou no ia ahahui.

 

HE AIHUE KAA OTOMOBILE KE KUMUHOOPII

 

O na kanaka opio i paaia ae ai maloko o ka hale paahao o ka halewai no ka pule aku la i hala no ko lakou pilnaninauia no lakou na inoa o Alfred Nam, Alfred Kealoha ame Charles Matthews Jr., ua hookomoia ae e ke Kapena o na Makaikiu Kellett he hoopii no lakou no ka lawe ana i kekahi kaa otomobile ma ke ano aihue. Ma ka olelo hoopii i hooiaioia ae he mau lala keia mau kanak opio no kekahi hui o na ano hana kolohe i kukuluia ae, a no ka mahina i hala aku nei ka lawelawe ana a na lala o keia hui ma na hana aihue kaa otomobile. Ua hoopiiia ae keia mau kanaka opio no ka lawe ana ma ke ano aihue i kekahi kaa otomobile i onaia e Goo Chan, ma ka la 9 o Ianuari, a mahope o ko lakou holoholo lealea ana ma na wahi like ole o ke kulanakauhale nei, no kekahi manawa, ua holo aku la lakou no Kahuku.

 

I kulike me ia a ka Makaikiu Kellett o ka hoike ana ae, o ke kaa oto a nei mau kanaka opio o ka aihue ana mai ka hale kaa mai o Goo Chan, ua haalele ia i Kahuku, a maluna o kekahi kaa oto Studobaker hou loa lakou o ka hoi ana mai i Honolulu nei, ua haaleleia ia kaa ma ke alanui Kaluwela a malaila i loaa aku ai i ka Makai Kalauli.

 

A'O I KA IKE KUKE.

 

E hoomaka ana ma ka hapalua o ka hora eiwa o ke kakahiaka o ka Poakahi, Ianuari 21. e wehe aku ana ka International Intitute, e ku nei ma ka Helu 1562 Alanui Nuuanu, he mau Papa A'o Kuke, no na wahine apau loa e makemake ana e loaa aku ka ike ame ka makaukau i ke kuke ana i na meaai Amerika.

 

No ka põe nae i hoomahele mua i ka ike kuke, he mau haawina kiekie ae ke a'oia ana ia lakou, a no ka poe hou loa ii a'o mua ole ia, e a'oia ana lakou ma na haawina hoomaka hou.

 

No na haawina e a'oia ana i ka poe i hoomahele mua i ke ano o ke kuke ana, he elima pule ka loihi e a'oia ai, ma keia mau ike malalo iho nei:

 

Pule mua, ka hoomo'a ana i ka i'a ma na ano apau.

 

Pule elua, ka hoomo'a ana i ka moa ame na manu i hoo pihaia.

 

Pule ekolu, ka hana ana i ke karima, ke jole ame na mea hoonoono.

 

Pule eha, ka hoomo'a ana i ka ula.

 

Pule elima, Meaono, pai a pela aku.

 

O ka uku no ke a'o ana i na ike malama ae, $3.50. Haawina pakahi 75 keneka.

 

O na haawina no ke poe hoomaka hou, e maheleheleia ana iloko o ekolu mau haawina o eha pule pakahi, elike me keia:

 

Pule mua, na meaai o ka aina kakahiaka.

 

Pule elua, na meaai o ka aina awakea.

 

Pule ekolu, na meaai o ke aina ahiahi.

 

Hele koke ae e hoopaa i na inoa i keia wa, ma ka Helu 1562, Alanui Nuuanu, no ka hoomaka ana aku e a'o i ka ike kuke, ma keia Poakahi ae. Ianuari 21, 1924.

 

PAA AE KEKAHI MAU KALAIWA KAA OTOMOBILE.

 

Ma ka po o ka Poalua o ka pule i hala aku la, i paa ae ai i ka hopuia e ka Hope Makai Fernandez ame ka makai Frank Buta o Waipahu, he mau kalaiwa kaa otomobile no laua na inoa o Emilio Abandos ame E.C. Varner, a hoopiiia ae no ka lawe i kekahi mau wahine maluna o ko laua mau kaa no ka hookamakama ana aku, a ua haawiia ae laua malalo o ka hoomalu ana a ka Loio Amerika William T. Carden ma ke kakahiaka o ka Poaha i hala e ka Makaikiu Kellett a e hooloheia ae ana ko laua mau hihia o ka aha federals no ke kue i ke kanawai hookapu i na hana hookamakama.

 

He wahine opio, o Liliana Anderson, nona na makahiki he 20, he hapa haole a he kaikamahine hoi i hoopaa mua ia ake ma ke Kula a'o hanalima o na kaikamahine ma Kamoiliili, ka mea i laweia no keia hana, a ke paaia mai nei oia ma ke ano i hoike no ke aupuni.

Maloko o ke keena o ka Makaikiu Kellett ma ka Poalima nei, ma ka manawa i ninauia ai o Lillian Anderson, i hoike ae ai oia i ka moolelo o kona komo ana iloko o keia hana hoohilahila i kona inoa, he hana hoi ana o ka hoike ana ae he pule hookahi aku nei ka i hala kona hoomaka ana. Wahi a Liliana, mahope o ka ulu ana ae o kekahi hoopaapaa mawaena on a ame kona mau makua, ua hoomaka aku la kona hele auwana ana maloko o ka kulanakauhale no kekahi mau po lehulehu, a iloko o ia manawa ana e lalau ana i launa ai oia me Abandos ma ka Paka Aala a hoolimalimaia o Varner ma ke ano he kalaiwa kaa no keia hana.

 

Ma ka olelo hoopii i hooiaioia ae, ua olelo aku ka o Abandos i ke kaikamahine o ka hana wale no e loaa ai ke ano o ke oia ana me ka maalahi, o ia no ka haawi ana i kona kino no ka hookamakama ana, a ua hoomaka koke ia ia manawa ka hoolala ana mawaena o ke kaikamahine me Abandos no keia hana huli loaa ma ke ano lapuwale loa, oiai he nui no na hana maemae e ae e loaa ai ke ola ana.

 

Ua hoike pu ae oia i na wahi lehulehu on a i kalewa hele ia aku ai ma ke ano pakaukau maluna o ke kaa e Varner, ame kona hookomoia ana aku iloko o ia hana. Ua hoolalaia na manawa e laweia aku ai i na papu o ka oihana kaua ma na la uku dala o na koa, wahi a kela kaikalahine.

 

Ma ka po o ka Poalua ua laweia aku oia i kauhale o na kanaka hana ma Waipahu a malaila oia i paa ai i ka hopuia e ka Hope Makai Nui Fernandez ame Buta ma ka manawa a laua i komo ai o hopu i ka poe oloko o ka hale kahi a keia kaikamahine e noho ana, a paa oia malaila i ka hopuia, a pela hoi me Abandos ame Varner. Ua laweia mai lakou a ekolu i Honolulu nei a haawiia ae i ka Makaikiu Kellett.

 

Ka Kellet Olelo Hoopaa

 

Wahi a ka Makaikiu Kellett o ka hoike ana ae, he nui a lehulehu o keia ano hana eia maloko o ke Kulanakauhale o Honolulu a ua paa kuu manao e hoopau loa ia keia ano hana, ke hiki hoi. Eia kekahi poe ke hoohana mai nei i nei ano hana like, o na kaikamahine opio Hawaii ka lakou mau pio e hoohana mai nei i mea e loaa ai ko lakou pono, o na kaikamahine o ke kula a'o hanalima o na kaikamahine ka kekahi poe e hoowalewale a e lawe nei ma ko ano pakaukau i ko lakou mau kino no keia hana hookamakama.

 

"Ma keia haawi ana aku la a'u i keia hihia i na luna aupuni federals ua hana au ia no kuu ike he oi aku ke koikoi o na hoopa'i e kauia mai ana maluna o ka poe e ikeia ana ka pili o ka hewa ia lakou mamua o ko ke aupuni kulana kauhale. Ua hoike mai ke kaikamahine i ka moolelo mai ka muaa ka hope me ka pololei a ua manaoio au he oiaio loa kana o ka hoike ana mai," wahi a Kellett o ka hoike ana ae.

 

PEPE KA WAWAE I KA HUILA O KE KAAAHI.

 

Ma ka hora eiwa a oi o ke kakahiaka o ka Poalima aku la i hala, i loaa aku ai kekahi Kepani opio, nona na makahiki he 21, malalo o na kaa o ka hui alahao Oahu, ma Wahiawa, ua haki kekahi wawae.

 

Ma ka hoakaka a kela Kepani, ma Honolulu nei kona wahi noho, a ua kau aku oia iluna o ke kaaahi o Wahiawa ma ko ano malu, ma ka po o ka Poaha aku, me kona hiamoe ana no maluna o ke kaahi ma kela po.

 

I ka manawa nae a ke kaa mahu holo mai ai no ka huki ana i na kaa halihali ukana, no ka ikaika o ka hooku'i ana mai, ua haule aku la oia mailuna aku o ke kaa ana e hiamoe ana, o kona kaa no ia malalo o na huila o na kaa, me kona kaualakoia ana aku no kekahi wahi mamao.

 

Ua loheia kona leo uwe, e ka poe hana oluna o ke kaaahi, a me ka hana nui i hooikaikaia ai, ahike i kona hemo ana, a ma ka nanaia ana o kona mau wahi i poino, i keia ai, ua haki kekahi wawae, eia nae aole i kupouli kona noonoo.

 

Ua hoihoiia oia maloko o ka hale ma'i o Waipahu, no ka lapaauia mai.

 

HOOLAHA KUAI O KA AINA AUPUNI.

 

Ma keia, ke haawiia aku nei ka hoolaha akea ma ka hora 10:00 a.m., Poaono. Feberuari 16, 1924, ma ke Keena o ka Hopeakena, Mr. F. K. Kalua, Wailuku, Maui, malaila e kuai hooliloia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 348 ame 358 o na Kanawai Hooponopono Hou ia o Hawaii o 1915, ame ke Kanawai 143 o na Kanawai Ahaolelo o 1917, ka aina pahele Aupuni malalo iho nei:

Hapa o ka Aina Aupuni o Ualapue, e pili ana me ka L. C. A. 7392 D apana 1 ia kawelo ma ka Hikina, Ualapue, Kona Molokai, nona ka iliaina o .55 eka, oi aku a emi mai paha.

 

E kaa no ka apana e kuai hoolilo ia aku ana maluna ae malalo o na kumu aelike e hookomoia ana ma ke ano he mau aelike puku'i ame na kulana maloko o ka Aelike Kuai Kuikawa e hoopukaia ana e pili ana i ka apana i oleloia penei:

 

1. E kukuluia kekahi hale noho iona ka lilo aole e emi iho malalo o ka $1000.00, maluna o ka aina i oleloia iloko o hookahi makahiki mai ka la aku o ke kuai.

2. E uku no ka mea iaia e lilo ai i kela ame keia makahiki mahope aku i na auhau apau maluna o ka waiwaiio o ke koina o ka aina i oleloia ame kekahi mau auhau e ae e kauia mai ana a i ole e auhauia mai ana maluna a i ole e pili ana i ka aina i oleloia a i ole i kekahi kuleana paha maloko olaila.

3. E hoopukaia no ka Palapala Sila he hookahi makahiki mahope iho o ka la o ke kuai a i ole i kekahi manawa e ae paha mahope iho o ke kukuluia ana o ka hale, ka uku piha ia ana mai o ke kumukuai i lilo ai ame na auhau e ukuia ana i ke Teritore.

4. E uku hapa ia ke kumukuai ma ka wa e haule ai o ka hamare ma ke kuike a o ke koena he hookahi makahiki mahope mai o ka la o ke kuai me ka ukupanee o 6% o ka makahiki.

 

I kaa keia kuai malalo o na kulana mahope ae nei:

a. Kumukuai haahaa, $70.00.

b. O na makaainana Amerika wale no a i ole o ka mea i kukala ae ma ke ano ku i ke kanawai no kona manao e lilo i makainana ke lilo i mea kuai mai.

c. E uku ka mea e lilo ai ma ka haule ana o ka hamare i na hoolilo apau o ka hoolaha ana ame kekahi mau kaki e ae e pili ana me ka hoomakaukau ana i ka Aelike Kuai Kuikawa e hoopukaia ana mamuli o keia kuai.

 

O ke kii palapala aina e hoikeike ana i ka aina e kuai hoolilo ia aku ana eia ka waiho nei ma kahi o na palapala a e ikeia no ma ke Keena o ka Hopeakena, Wailuku, Maui, a i ole ma ke keena o ke Komisina o na Aina Aupuni, Hale Kapitala, Honolulu.

 

No na hoakaka i koe e ninau ma ke Keena o ka HopeAkena, Mr. F. K. Kalua, Wailuku, Maui, a i ole ma ke Keena o ke Komisina o na Aina Aupuni, Hale, Kapitala Honolulu T. H.

 

Hanaia ma Honolulu, T. H., maloko o ke Keena o ke Komisina o na Aina Aupuni i keia la 9 o Ianuari, A. D. 1924.

C.T. BAILEY Komisina o na Aina Aupuni. 6591--Jan. 17, 24, 31.

 

HOOLAHA KUAI O KA HOOLIMALIMA AUPNI.

 

Ma keia ke haawiia aku nei ka hoolaha akea ma ka hora 10:00 a.m., Poaono, Feberuari 16, 1924, ma ka puka mamua o ka Hale Aupuni Kalana, Lihue, Kauai, malaila e kuai hooliloia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina ame ka loko paakai malalo iho nei:

Hapa o ka Aina Aupuni ame ka loko paakai ma Hanapepe, Kona, Kauai, nona ka iliaina o 59.20 eka, oi aku a emi mai paha, e hookoe ana i ka pono alanui alahao kaaahi e ke'a ana ia mea.

 

E kaa no ka hoolimalima e kuai hoolilo ia aku ana malalo o na kumu aelike apau ame na kulana o na Hoolimalima Aupuni Laula i hoopukaia e ke Keena o ke Komisina o na Aina Aupuni a e kaa pu hoi malalo o kekahi kulana paku'i e hookomoia aku ana maloko o ka hoolimalima o hoopukaia aku ana mamuli o keia kuai, e hoakaka ana elike me ia malalo iho nei:

" Ma na ano apau aole loa e aeia ka Mea Paa Hoolimalima e oki a i olo lawe i kekahi wahie e ulu nei a i ole e ulu aku ana ma keia hope aku maluna o ka aina e hoolimalimaiaana."

 

E kaa no keia kuai malalo o keia kulana mahope ae nei:

1. Manawa o ka hoolimalima, 15 makahiki mai Feberuari 16, 1924 aku.

2. Uku hoolimalima haahaa, $60.00 o ka makahiki, e uku hapamakahiki mua ia.

3. E uku mua ka mea e lilo ai, ma ka haule ana o ka hamare i ka uku hoolimalima o na mahina mua eono, hui pu me na koolilo no ka hoolaha ana ame na kaki e ae apau e pili ana me ka hoomakaukau ana i ka hoolimalima i oleloia.

 

O ke kii palapala aina e hoikeike ana i ka aina e kuai hoolilo ia aku ana eia ke waiho nei ma kahi o na palapala a e ikeia no ma ke Keena o ka Hopeakena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

 

No na hoakaka i koe e ninau ae ma ke Keena o ka Hopeakena, Mr. J.M. Lydgate, Hale Aupuni Kalana Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T. H.

 

Hanaia ma Honolulu, T. H., maloko o ke keena o ke komisina o na Aina Aupunia i keia la 9 o Ianuari, A. D. 1924.

C. T. BAILEY, Komisina o na Aina Aupuni. 6591--Jan. 17, 24.

 

OPEN A CHARGE ACCOUNT AT THE MODEL CLOTHIERS FORT ST.

HOAILONA AEKO WAIU KIA

Nui na hanauna o na bebe i ulu ae me ke ola kino maikai a pu'ipu'i me ka WAIU KIA AEKO

 

E Hookaawale i Kekahi Hapa o Kou Ukuhana

ma o ka hoahu ana maloko o ka Banako i loaa ai ka hauoli i kou ohana.

O ka hoomakaulii, o ia ka mole o ka nohona ulakolako ana.

Ua makaukau mau makou e lawe mai i kau mau hoahu liilii.

 

CHINESE-AMERICAN BANK

Kihi o na Alanui Moi âme Nuuanu. Honolulu T. H.

Pahu Leka 2000 Kelepona 6119

 

KA MAKEKE BIPI

METROPOLITAN MEAT CO.

Ka Home o na Io Bipi Momona no ke Kumukuai Haahaa Loa

Na Io Kamano Momona i Loaa Ole Ma Kekahi Mau Makeke e Ae.

Ka Waiubata Maile He 60c Wale no o ka paona.

E Hele Mai e ike ia makou. Mai Hoohilahila

Metropolitan Meat Market

Ma ka aoao Waikiki o ke kihi o na Alanui Bakela ame Moe.

 

CITY MILL CO. KEKAHI O NA HUI KAHIKO LOA MA HONOLULU NEI.

Poe kuai Papa, Pilihale, na ako Paipu, na Laau Puka Aniani me Panipuka, lako Pili Hao; na me no apau no ka home ma ke kumukuai oluolu loa.

Kukulu makou i na hale ma ka uku liilii ana, me na hookaa iliili.

O KA OI LOA AKU NO KA POE HOOKUONOONO.

Mai Pina---Hele Mai Ia Makou

Kihi o na Alanui Moiwahine me Kekaulike. Honolulu, T.H.

 

A LOT MEANS A HOME

$850. Lot 50x100, 18th Ave. Ocean View. Easy Terms.

$300. Palolo Hillside Lot, over 5000 sq. ft. $20 down, $10 per month.

&750. Palolo Hillside Lot, over 1/2 acre, $20 down, $10 per month.

$1400. Lot 50x150, Kilauea Ave., Strauch Tract, Kaimuki, $25 down, $15 per month.

$1675. Lot 50x200, 9th Avenue, Strauch Tract, Kaimuki. $50 down, $20 per month.

Easiest terms in town. Prices the lowest consistent with market values.

Ask C. W. Carpenter. with PAULO KALAUKA (P.E.R. STRAUCH)

Alanui Moi, Helu 74, Mawaena o na Alanui Papu ame Betela.

 

T.O. MURATA FURNITURE STORE

(Na Lako Hale Hou me Kahiko. Hoo limalima me Kuai Hoolilo 7`5 Alamui Hema, Honolulu, T. H. Kelepona 1695.

 

Ka Pila GRAFONOLA COLUMBIA

Maopopo ka Wa e Pau Ai Na ka mea hoopaa nona iho o aikeala ia nou. Ua hiki ia oe ke hulahula ahiki i ka huaololo pe loa.

Uku Liilii ke Makemakeia Thayer Pian Co.,

LIMITED. 148-150 Alanui Hokele

 

Keena Hawaii NO NA LAKO HANA MAHIKO

HAPUKU KILA OLIVER

CHILLED AME NA PALAU

NA KATAPILA CLEVELAND

NA KATAPILA FORDSON

NA KAA KALAKA WHITE

NA KAA KALAKA FEDERAL

NA KAA KALAKA FORD

NA HANA PILI AMALA

HANA I NA KINO O NA KAA URANNA ME KALAK ME KA HANA HOU ANA

Schuman Carriage Co., Ltd.

Na Paionia o na Hana Halihali Hawaii nei.

 

Kakela & Kuke

(KAUPALENAIA)

Poe Kalepa ma ke Komisina =

Poe Agena no na Mahiko Lehulehu

 

KA VICTROLA

Ka Meakani Mele Kilakila--he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NA PILA AHA

âme na mea apau pili i na mele.

Bergstrom Music Co.

1020 Alanui Papu Honolulu

 

PAPA NA LAKO KUKULU HALE

No ka hoahu ana i kou wai ma na Pahu Wai Papa Ulaula o 5000 a 1000 Galani. E hoolakoia aku no na kumu kuai ame na hoakaka ia oe ke noi mai.

ALLEN & ROBINSON LTD.

HONOLULU, T. H.

 

HALE UWI WAIU O MAPULEHU

PUKOO, MOLOKAI

E Hooholo Ana i ka MOKUKUNA GESOLINA LELEIONA

Mawaena o na Awa o Honolulu Molokai

Geo. P. Cooke, ONA

Poe Lawe Hau me Waiu

 

E KUAI I KOU MAU Pono Hale ma ka Hawaii Furniture Co.

Heiu 469 Alanui Moi kokoke i ke kihi o ke Alanui Liliha

He oluolu na kukai olelo ana.

 

Nupepa Kuokoa

No ka makahiki (one year)….$2.50

O na Dala âme na Hoolaha apau e hoouna pololei mai i ka ADVERTISER PUBLISHING CO., LTD., wale no, P.O. Box 3110, Honolulu, T. H.

217 Alanui Moi, ma Waikiki ke Alanui Ajiakea; ka Nupepa Advertiser.

Entered at the Post Office at Honolulu, T. H., as Second Class Matter.

SOLOMON HANOHANO, Lunahooponopono.

CHARLES S. CRANE, Luna Nui.