Ka Nupepa Kuokoa, Volume LXIII, Number 3, 17 January 1924 — KA MAKE NUI O NA BEBE. [ARTICLE]

KA MAKE NUI O NA BEBE.

Ke kuhikuhi nei na kauka o keia kulanakauhale, i ke kumu hoiomoku o na-bebe i ka'make, i ikeia iloko o keia inau makahiki e nee nei. mamuli mai ia o ka maikai ole o ka waiu. e kuaiia nei. a e hanaiia nei i na bebe. He mea oiaio loa keia. no na bebe e hanaiia ana i ka wain bipi, aka no na bebe e hanaiia ana me na waiu o ko lakou Tnau makuahine ponoi. a waiukia paha, e ikeia ana, he mau kumu okoa ae no kekahi o ka make ana o na bebe. O kekahi o na loina ano nui, no ka hoopakele ana i ke ola t> na bebe, o ia no ka hoonaauao ana i na makuahine i ke ano oka malama ana i na bebe me ka maikai; na kela ike e haawi mai i na makuahine, i na mea kupono e hana ai, a e hanai ai ika lakou mau bebe; a ( me he mea la oka noho naaupo. me ka maopopo ole i na mea kupono e hana ai, o kekahi kumu ia o ka make nui o na bebe. Pehea ka maikai ame ka maemae o ka waiu bipi, e hanaiia ana i na bebe, ina aole e makaalaia na omole waiu, na omo waiu, pela hoi ke ano o ka hānai ana, ame ka malama ana, jiole no ia he kumu, e halawai ele ai na bebe me na hopena poino: aia wale no a maikai na mea apau, pela iho U e u\u ae ai na bebe, ma ke ano mohaha maikai, elike me ke ano o ra meakanu, i ko lakou wa liilii. E hoao kakou elike me ka hiki, e hoopakele i na bebe, ma ka malania ana i na rula naauao apau, e paholo nei iloko o keia au holomua o ko kakou ola ana!